लूका 7:28 - जिरेल

²⁸ थोगी यूहन्‍नाचेन दि सा लुङबादु ओताते मिओन नाङ छ्येते ईन। थातासाक थे छेत छ्ये मि सुङ केबा मेत। तर था परमेश्‍वर राज्‍य बातराङ खिइ सासुङ सासीनचेन बात खुदुकराङ ईन। यूहन्‍ना थोक छ्ये ईन्‍सीनोङ परमेश्‍वर राज्‍यदु स्‍यूबाते मिओन छेत छ्ये मेन। थेबा गाङे यूहन्‍ना भन्‍दाङ छ्ये ईन,” सिन सिदुक।

लूका 7:28 ပူးပေါင်းရင်းမြစ်များ

मत्ती 11:11

थोगी बप्‍तिस्‍मा तेरकान्‍ते यूहन्‍नाचेन दि सा लुङबादु ओताते मिओन नाङ छ्येते ईन। थातासाक थे छेत छ्ये मि सुङ केबा मेत। तर था स्‍वर्गे राज्‍य बातराङ खिइ सासीनचेन बात खुदुकराङ ईन। यूहन्‍ना थोक छ्ये ईन्‍सीनोङ स्‍वर्गे राज्‍यदु स्‍यूबाते मिओन छेत छ्ये मेन। थेबा गाङे यूहन्‍ना भन्‍दाङ छ्ये ईन।

मत्ती 3:1

येशू नासरतदु देता ओत्‍जीनराङ बप्‍तिस्‍मा तेरकान्‍ते यूहन्‍नेकी मिओनला यहूदिये अञ्‍चल री नाङला परमेश्‍वर बात लोपाला स्‍यूसुङ।

लूका 3:16

थे बात छ्या स्‍येकीन यूहन्‍नेकी “ङानी ख्रीष्‍ट मेन। थेनी थाका ओङगीन ओत। थेचेन ङा भन्‍दा खापान खापान छ्ये ईन। सिइराङ सासीन ङानी थे योक्‍पो ओङला काचाप टोल्‍ला तेरालाङ सोई मिक्‍किओ। ङा खालि ख्‍योकोनला छ्युलाकामा लुक्‍ला बप्‍तिस्‍मा तेरग्‍यो। थेकीचेन ख्‍योकोनला परमेश्‍वर आत्‍मा तेरच्‍येतेताङ मेला लुक्‍ला न्‍याय खित्‍च्‍येते काम ङिकाराङ खिओ।

लूका 7:27

च्‍यिला सासीन ख्रीष्‍टला देमा तोङच्‍येते बात खिन परमेश्‍वरगी परमेश्‍वर बातला ‘खोल्‍ला तोङा भन्‍दा गोमा ङा मिज्‍यीकला तोङगो। थेकीराङ खुई लाईदु जेसुकै ठीक खिओ,’ सिन साबा ओतान। परमेश्‍वरगी ख्रीष्‍टला तोङा भन्‍दा गोमा तोङगो साबाते मिचेन यूहन्‍नाराङ ईन।

लूका 7:29

येशूकी साबाते दि बात थेरू ओताते मि गाङेकी थोसुङ। थेबे नाङ काल्‍बा च्‍योक्‍ते मिओनताङ कर लिन्‍कान्‍ते मिओनगीचेन येशूकी साबाते बाततेबा परमेश्‍वरगीराङ सिर च्‍युताते ईन सिन ङेन्‍सुङ। थेबेकीचेन गोमा यूहन्‍ने बादोङ ङेन्‍गीन बप्‍तिस्‍मा लाबा ओतान।

लूका 9:48

थेमे चेलातेबाला “लो दि फिजाला तो। खोपरोङ ङे मि ईन्‍देकी दि फिजाला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन। बातचेन दिराङ ईन, ख्‍योकोन नाङ ङा ङाराङ ईन सिराच्‍योक मिक्‍किकान्‍तेराङ छ्येते ईन,” सिन सिदुक।