लूका 6:29 - जिरेल

²⁹ थेमे सुइँदेकी खेराङला डाम्‍स्‍याकज्‍यीक ग्‍याप्‍सीन थेला ज्‍येनते डाम्‍पाङ सेत्‍ला बिन। सुइँदेकी ख्‍योकोनते कोट ठ्वालाङ याङराङ फेङगाकोङ खेरा चाल्‍सीन थेङ थेला मेतेरो मासेर।

लूका 6:29 ပူးပေါင်းရင်းမြစ်များ

मत्ती 26:67

थेमे ईन्‍सीन थेबेकी येशूला छ्येतकी नाङपा छ्यिम्‍तोर देइनकामा दुङाला स्‍यूसुङ। कोई कोईकीचेन मोथोङा खाला ल्‍हाकनापेकी डाम्‍पे लाई नाङपा देइनकामा

लूका 22:64

थे मिक उप्‍कीन थेला देगीन “थाल्‍ला खोल्‍ला देक्‍कान्‍ते सु ईन्‍दे ओना, सिते?” सिन सासुङ।

लूका 6:30

सुइँदेकी खइँदा नाङ खासीन थेबाला बिन। थेमे सुइँदेकी ख्‍योकोनते खइँदा खेरसीन थेला लोक्‍ला ग्‍युरला नाङ मासेर।

यूहन्‍ना 18:22

थेकी थोक सिरजीन थे दोन्‍दु ओताते मन्‍दिरदु देत्‍कान्‍ते पुलिसज्‍यीगी “गाङे भन्‍दा छ्येते पूजारीताङ बात खाबे ढंग खुईते दिराङ ईन?” सिन थेला छ्येतनापाराङ ग्‍याप्‍सुङ।

शक्ति काम 23:2

थेकी परमेश्‍वरला लेमु खाईन माने खाबा ओत सिरजीन गाङे भन्‍दा छ्येते पूजारी हननियेकी स्‍येदाङगी पावल खादु देता ओताते मिओनला “ए थे खे लाक्‍पा ग्‍योप,” सिन सिदुक।

१ कोरिन्‍थी 4:11

थोरूमसाकोङ ङ्योकोन साप थुङा माङेत्‍ला पालोताङ पालो त्‍वाबा तुक्‍पाराङ ख्‍याम्‍गीन ओत। खोलाक डाकस्‍याक डिकस्‍यिकराङ काल्‍ला ख्‍याम्‍ग्‍यो। थेमे मिओनगी ङ्योकोनला छ्याःङ दया मोज्‍योबा खाला दुङगीदुक। ङेराङते सिराते खाम्‍बा जग्‍गा छ्याःङ मेताच्‍योक खाला ङ्योकोन युगीन देत्‍क्‍यो।

१ कोरिन्‍थी 6:7

थोक खाला दाक्‍पोन नाङ मिडिक्‍च्‍येते थेमे थोम्‍मु खित्‍च्‍येते ख्‍योकोनला सोई मिक्‍किच्‍येते बात ईन। मुद्धा रीला भन्‍दानी बरू ज्‍येनगी अन्‍याय खासीनोङ थेमे खेराङते खइँदा ठ्वासीनोङ खाराक्‍पाराङ देता लेमु मेनरो?

२ कोरिन्‍थी 11:20

च्‍यि सासीन खेराङला योक्‍पो योङमु जोबाते ख्‍योकोनला लेमु लाङच्‍याक्‍वा। खेराङते ओताते जति नाङ खाईन खाम्‍बा तोङबा जोसीनोङ, ईनराङ मेन्‍दे बात लाप्‍ला छक्‍के खासीनोङ थेमे खेराङला काम्‍बे पुज्‍या छेदोङ गने माक्‍याबाते ख्‍योकोनला गा लाङच्‍याक्‍वा। थेबेकी ख्‍योकोनला छ्येतकी नाङपाराङ ग्‍याप्‍सीनोङ ख्‍योकोनला छ्याःङ च्‍योक मालाङच्‍याक्‍वा।

हिब्रू 10:34

जेलला लुक्‍पाते मिओनला थुप थुपला ठेत्‍च्‍येते थेमे थेबे दुक्‍पाला ताच्‍येतेङ ख्‍योकोनगी खिनराङ ओतान। खेराङगी नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति ङेता ओत सिन छ्या ओतेकी खेराङ सम्‍पत्ति ठ्वाला खेरजीनोङ ख्‍योकोन सेम मेसेता खाईन देता ओतान।