लूका 6:28 - जिरेल

²⁸ थेमे सुइँदेकी ख्‍योकोनला मोता खासीन थेलाङ थोकराङ माकेत, बरू थेला आशी बिन। थोकराङ खाला ख्‍योकोनला मेलेबा मि ईन साला दुक्‍पा तेरकान्‍ते मिओनला लेमु ओङस्‍यीत सिन परमेश्‍वरताङ प्रार्थना खि।

लूका 6:28 ပူးပေါင်းရင်းမြစ်များ

मत्ती 5:44

ङाचेन ख्‍योकोनला च्‍यि सिते सासीन युल्‍बालाकामा मेन, शत्रुओनलाङ ङिङज्‍ये खि। थेमे खेराङला खेदापानी खित्‍कान्‍ते मिओनलाङ लेमु ओङस्‍यीत सिन परमेश्‍वरताङ प्रार्थना खि सिन सिओ।

लूका 23:34

थोक खानामेई येशूकी “आबा, ङाला दोक खित्‍कान गाङेला माफ बिन। ङाला दोक खाबाते च्‍यि खाबाते ईन्‍दे सिन दिबेकी खोबा मिन्‍दुक,” सिन प्रार्थना खासुङ। येशू खोलाकचेन थे मिल्‍टेरीओनगी सु सुला खाङ खाङ फाप्‍च्‍या ईन्‍दाका सिन चिट्ठा ग्‍याप्‍कीन गोकीन खासुङ।

लूका 6:27

थेमे ङे बात ङेन्‍कान्‍ते मिओनला ङा दोक दोगोङ खि सिन सिओ। च्‍यि सासीन था ख्‍योकोनगी खेराङ शत्रुलाङ ङिङज्‍ये खि। खेराङला मिगी थोङसार्मु खित्‍कानला लेमु खि।

लूका 6:35

ख्‍योकोनगीचेन खेराङ शत्रुओनलाङ ङिङज्‍ये खि, थेबाला लेमु खि। सुइँदाला खइँदा किन्‍जीन किम्‍बाराङ लिन्‍दाप सिन मातेर। ङे खि साबा च्‍योकराङ खासीन गाङे भन्‍दा छ्येते परमेश्‍वरगी ख्‍योकोनला तिरी छ्येज्‍यीक मान तेरग्‍यो। थेमे ख्‍योकोनला थे फुज्‍युङ फुमु ईन सिरा सोई खिओ। च्‍यिला सासीन परमेश्‍वरगी बैगुनीताङ मेलेबा काम खित्‍कान्‍ते मिओनलाङ ङिङज्‍ये खिओ।

शक्ति काम 14:5

थेबे विरोध खित्‍कान्‍ते यहूदीओनताङ ज्‍येन ज्‍येन जातकी मिकीचेन खोपरोङ छ्ये छ्ये मित्ताङ डिगीन थेबा ङिबोला खइँदा माक्‍याबाला मेङगो सिन दोईकी ग्‍याप्‍ला सेताला ठो खासुङ।

शक्ति काम 7:60

थेमे खोबुकला देत्‍कीन गाङेकी थोच्‍या खाईन “ए प्रभु, दिबेकी दोक मेलेबा पाप खासीनोङ दिबाला माफ बिन,” सिन सिदुक। थोस्‍यिक साकीन च्‍याकीन थे दाक स्‍यिसुङ। स्‍तिफनसलानी सेताराङ फाप्‍च्‍या ओतान सिन शावलोङ आउदी खाईन गा खाबा ओतान।

रोमी 12:14

थेमे ज्‍येनगी खेराङला खेदापानी खित्‍जीन थोक खित्‍कान्‍ते मिओनला मोता सराप माकेत। बरू थेबाला लेमु ओङस्‍यीत सिन आशी बिन।

१ कोरिन्‍थी 4:12

साप थुङाताङ खोन्‍दे लाईदु ङ्योकोन स्‍याप स्‍याप खाला काम खिओ। ङेराङला मोता सराप खित्‍कान्‍ते मिओनला ङ्योकोन आशी तेरग्‍यो। थेमे ज्‍येनगी खेदापानी खित्‍जीनोङ ङ्योकोन छ्याःङ मिक्‍किता खाला खपेराङ खाला देत्‍क्‍यो।

याकूब 3:10

आज्‍यो न्‍वावे, ङुरूङचेन परमेश्‍वरला मान खिन थेते जय जय ओङस्‍यीत सिनोङ सिओ, मिला मोता सरापोङ खिओ। दोक खितानी पटक्‍क सोई मिक्‍किच्‍येते बात ईन।

१ पत्रुस 3:9

खेराङला मेलेबा खित्‍कानला थोकराङ खाला किम्‍बा माज्‍येल, खेराङला मनपरी सिरकानलाङ थोकराङ माकेत, बरू लेमु ओङस्‍यीत सिन थेबाला आशी बिन। ख्‍योकोनगी होदोक खित्‍स्‍यीत सिनराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्‍योकोनगी थोक खासीन थेकी ख्‍योकोनलाङ आशी तेरग्‍यो।