लूका 6:23 - जिरेल23 थेबेकी थोक खित्जीन ख्योकोन गा खिन बाक चे। च्यिला सासीन स्वर्गने ख्योकोनगी छ्येज्यीक इनाम ङेत्क्यो। ख्योकोनला दुक्पा तेरकान्तेबे ज्युज्यु पुर्खेकीङ परमेश्वर बात खित्कान्ते मिओनला गोमाबा होदोकराङ खाईन दुक्पा बिन्दा ओतान। အခန်းကိုကြည့်ပါ။ |
लूका 6:23
45 ပူးပေါင်းရင်းမြစ်များ
ख्योकोनगीचेन खेराङ शत्रुओनलाङ ङिङज्ये खि, थेबाला लेमु खि। सुइँदाला खइँदा किन्जीन किम्बाराङ लिन्दाप सिन मातेर। ङे खि साबा च्योकराङ खासीन गाङे भन्दा छ्येते परमेश्वरगी ख्योकोनला तिरी छ्येज्यीक मान तेरग्यो। थेमे ख्योकोनला थे फुज्युङ फुमु ईन सिरा सोई खिओ। च्यिला सासीन परमेश्वरगी बैगुनीताङ मेलेबा काम खित्कान्ते मिओनलाङ ङिङज्ये खिओ।
थोगी ङाराङगी छ्याःङ खिता मुथुप्जीन ईन्स्यीत, ज्येनगी ङाराङला इज्जत बेइज्जत खित्जीन ईन्स्यीत, दुक्पा ङेत्जीन ईन्स्यीत, मिओनगी ङाराङला खेदापानी खित्जीन ईन्स्यीत थेमे आपत् विपत्ला फाप्जीन ईन्स्यीत ख्रीष्टकी मि ईन्देकी ङानी सधैँ गा खिन देता थुप्क्यो। दोक खाला ङाराङगी छ्याःङ खिता मुथुपे बेलालाराङ ख्रीष्टकी शक्ति ङेता ओतेकी ङे जेङ खिता थुप्कीदुक।
ख्योकोन लाईदु दुक्पा भोगे खित्च्येतेनी ङाला गा लाङच्येते बातका ईन। ख्रीष्टकी खिता चालाते काम पूरो ओङस्यीत सिन ङाङ ङाराङला ङे जीउकी थोई दुक्पा भोगे खिता फाप्क्यो सिन ओताने थोस्यिकराङ दुक्पा भोगे खिन ओत। दि दुक्पाचेन ङे येशू ख्रीष्ट थे खोरोङ जीउ ईन्दाते मिओनला लेमु ओङाला भोगे खिता फाप्क्यो।
परमेश्वरला छ्या स्येबा छोल्कान्ते मिकी परमेश्वर पक्काराङ ओत थेमे थे सु ईन्दे, चुक खिते सिन पक्काराङ खाला छ्या स्येबा छोल्कानला थेकी लेमु खिओ सिन थेला विश्वास खिताराङ फाप्क्यो। होदोकराङ खाला थेला विश्वास खित्कान्ते मि थेला मन परे खिओ। होदोक खाला थेला विश्वास मिक्किकान्ते मिचेन थेला मन परे मिक्किओ।
ङेन्दा सेम ओत्कान्ते मिकी ठाउँ ठाउँला जम्मा ओङकान्ते येशू ख्रीष्ट मिओनला परमेश्वर आत्मेकी च्यि सिन दुका सिन लेमु खाला ङेन। शैतान शक्तिला ग्याल्कान्ते मिला ङा परमेश्वरताङ ओताते ब्वाकीन ज्याक्पाते मन्न सा तेरग्यो। थेमे ङा थेला दो कार्मुज्यीक तेरग्यो। थे दोला साम्बाज्यीक मिन टिबा ओङगो। थे दो ङेत्कान्ते मिकीकामा थेरू टिबाते मिनगी अर्थ खोक्यो।
तिरीसाक ङे साबाच्योक खिन देत्ला शैतान शक्तिला ग्याल्कान्ते मिला ङा लुङबा लुङबे मिला राज्य खित्च्येते अधिकार तेरग्यो। ङे आबेकी ङाला राज्य खित्च्येते अधिकार बिन्दा च्योकराङ खाला ङाङ थेला दोक खाला राज्य खित्च्येते अधिकार तेरग्यो। थेमे थेकी च्याकी डन्डीकी सबी गरी पुरा च्योकराङ खाला लुङबा लुङबे मिला आउदी कडा खाला राज्य खिओ।
ကြော်ငြာတွေ