लूका 6:22 - जिरेल

²² थेमे परमेश्‍वर ओत्‍सादुई वाबाते मि ङाला विश्‍वास खाबेकी खित्‍सादु ज्‍येनगी ख्‍योकोनला मिगी थोङसार्मु खिओ। ख्‍योकोनला खाम्‍बाताङ युलदुकी देन्‍ग्‍यो। थेबेकी ख्‍योकोनला नाना-भाँती दोष लै खिओ, मेलेबा मि ईन सिन सिओ। दोक्‍ते दुक्‍पा ङेत्‍कान्‍तेबा ख्‍योकोन भाग्‍यमानी ईन।

लूका 6:22 ပူးပေါင်းရင်းမြစ်များ

मत्ती 10:18

दोस्‍यिककामा मेन, ख्‍योकोनला छ्ये छ्ये मि थेमे गेल्‍बोओन दोन्‍दुङ केल्‍ग्‍यो। ङे मि ईन्‍देकीराङ ख्‍योकोनला दोक दोक खिओ। थेजीन ख्‍योकोनगी होथेबाला थेमे ज्‍येन ज्‍येन जातकी मिलाङ खेराङ च्‍यिला ङाला विश्‍वास खिते सिन लाःपा ङेत्‍क्‍यो।

मत्ती 10:22

ङे मि ईन्‍देकीराङ मि गाङेकी ख्‍योकोनला मिगी थोङसार्मु खिओ। थोक थोक दुक्‍पा ओङजीनोङ सेम मेसेता खाला ङाला विश्‍वास खिन देत्‍कान्‍ते मिलाचेन परमेश्‍वरगी गाङे दुक्‍पादुकी डेल्‍ग्‍यो।

मत्ती 10:39

च्‍यि सासीन तिरी बो माताबा खाला दाक्‍पोन ज्‍यानगी माया खित्‍कान्‍ते मिकीचेन नोमुङ मिसिन्‍च्‍येते जुनी मेङेदो। दाक्‍पोन फाइदा माताबा खाला ङे लाईदु दाक्‍पोन ज्‍यानगी मायाङ मारे खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो।

लूका 20:15

थेला जुम्‍गीन स्‍यीङदुकी तेन्‍गीन खेरगीन सेत्‍कीन क्‍युरदुक्‍लो। लो ख्‍योकोन विचार खि, था थे स्‍यीङगी धनीकी थे मिओनला च्‍यि खाओङा।

लूका 21:17

ङे मि ईन्‍देकीराङ मि गाङेकी ख्‍योकोनला मिगी थोङसार्मु खिओ।

लूका 6:21

ख्‍योकोन थरिङोला दाङच्‍या खाला साप थुङा मेङेत्‍कान्‍ते मिओन भाग्‍यमानी ईन। च्‍यिला सासीन ख्‍योकोनला गोबाते जति गाङे परमेश्‍वरगी तेरग्‍यो। ख्‍योकोन थरिङोला पीरगी ङ्वा फाप्‍कान्‍ते मिओन भाग्‍यमानी ईन। च्‍यिला सासीन तिरी ख्‍योकोन गाकी गोता ङेत्‍क्‍यो।

यूहन्‍ना 12:42

ईन्‍दाका येशूकी खाबाते अचम्‍बते कामतेबा थोङनामेई यहूदीओनते छ्ये छ्ये मि नाङ काल्‍बेईकी थेला विश्‍वास खासुङ। ईन्‍सीनोङ फरिसी पाटी मिओनगी खोपरोङला मिटिङ खित्‍च्‍येते खाम्‍बादु स्‍यूक्‍पा मेङेत्‍च्‍या खाला तेन्‍ला तोङगीता सिन ज्‍यीबेकी खोपरोङगी थेला विश्‍वास खिताला स्‍यूबाते बात सुङलाङ मालाःप्‍सुङ।

यूहन्‍ना 16:2

था खेराङ छ्ये छ्ये मिकी ख्‍योकोनला मिटिङ खित्‍च्‍येते खाम्‍बादु ओङा मेङेत्‍च्‍या खाला तेन्‍ला तोङगो। सिइ सासीन दोक्‍ते बेलाङ ओङगो। चुक सासीन ख्‍योकोनला सेत्‍कान्‍ते मिकीनी परमेश्‍वरला मन परे खित्‍च्‍येते कामका खिन ओत सिन विचार खिओ।

यूहन्‍ना 17:14

ङे दिबाला खुई साबाते बातओन लापाप। दि सा लुङबे मिओनगी दिबाला किला च्‍योकराङ खासुङ। दिबाङ ङा च्‍योकराङ दि सा लुङबे मि मेन्‍देकीराङ ज्‍येनतेबेकी दिबाला थोक खासुङ।

यूहन्‍ना 7:7

दि सा लुङबे मिओनगी ख्‍योकोनला छ्याःङ मिक्‍किओ। तर ङे थेबाला ख्‍योकोनगी दि दि मेलेबा काम खिन दुक सिन साबेकी खित्‍सादु थेबेकी ङालाचेन मिगी थोङसार्मु खिओ।

यूहन्‍ना 9:34

थोक सिरजीन थेबेकी “खोनी केजीनमेईराङ पापदु नुपा ओतान। खोङ ङ्योकोनला च्‍यि लोपा छोल्‍गीते?” सिन सिदुक। थेमे थेबेकी थेला मिटिङ खित्‍च्‍येते खाम्‍बे नाङ स्‍यूक्‍पा मेङेत्‍च्‍या खाईन तेन्‍गीन ताङसुङ।

शक्ति काम 22:22

थोक सिर सिरसाक थेरू ओताते मिओन पावलगी खाबाते बात लेमु खाईन ङेन्‍गीन देता ओतान। तर थेकी थे खोरोङला ज्‍येन ज्‍येन जातकी मिलाका परमेश्‍वर बात लोप ताङाते ईन सिरा थोनामेई थेबा याङराङ “दिलाचेन सेताराङ फाप्‍क्‍यो। दिला सोम्‍बो ज्‍य्‌वाबा मेङगो,” सिन आउदी कस्‍स्‍ये खाईन छेरा खिताला स्‍यूसुङ।

शक्ति काम 24:5

च्‍यि सासीन दि लेमु मि मेन। दिनी ज्‍यीबा लाङच्‍या मेलेबा खालगी मिका ईन। दि गाङेपा यहूदीओन ओत्‍सा ओत्‍साला गाल्‍ला थेबाला हूलदङ्गा खित ज्‍युत्‍कीदुक। थेमे नासरी सिराते पाटी मिओनते छ्येते मिङ दिराङ ईन।

शक्ति काम 9:16

ङा सु ईन्‍दे सिन लोप्‍जीन थेकी आउदी दुक्‍पा खपे खिता फाप्‍क्‍यो सिरच्‍येते बादोङ ङा थेला सिओ,” सिन सिदुक।

याकूब 1:12

थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

१ पत्रुस 3:14

खेराङगी दोक खाला लेमु काम खित्‍जीनोङ सुइँदेकी ख्‍योकोनला दुक्‍पा तेरगीदुक सासीन ख्‍योकोन भाग्‍यमानी ईन। थोक खाला दुक्‍पा तेरकान्‍तेबाताङ ख्‍योकोनगी छ्याःङ ज्‍यीबा माकेत, सुर्ताङ खिता माफाबो।