लूका 5:30 - जिरेल

³⁰ येशूताङ थे चेलाओन थोक खाला लेवी खाम्‍बादु साप सेइन ओता थोङगीन कोई कोई फरिसी पाटी मिताङ थे पाटी नाङ धर्मे गुरूओनगी येशू चेलाओनला “ए ख्‍योकोन गुरूताङ खेतबरी च्‍यिला दि कर लिन्‍कान्‍तेबा थेमे ज्‍येन पापीओनताङ ङ्योम्‍बुराङ देत्‍ला साप सेइते?” सिन सिराला स्‍यूसुङ।

लूका 5:30 ပူးပေါင်းရင်းမြစ်များ

मत्ती 5:46

ख्‍योकोनगी खेराङला ङिङज्‍ये खित्‍कानलाकामा ङिङज्‍ये खासीन परमेश्‍वरगी ख्‍योकोनला च्‍यि मान तेरगीतेरो? दाक्‍पोनला ङिङज्‍ये खित्‍कानलानी कर लिन्‍कान्‍ते मिओनगीङ ङिङज्‍येराङ खिओ याङ।

मत्ती 9:11

थेबा थोक खाईन ङ्योम्‍बुराङ साप सेइन ओता थोङगीन कोई कोई फरिसी पाटी मिकी येशू चेलाओनला “ए ख्‍योकोन गुरू च्‍यिला दि कर लिन्‍कान्‍तेबा थेमे ज्‍येन पापीओनताङ ङ्योम्‍बुराङ देत्‍ला साप सेइका?” सिन सिराला स्‍यूसुङ।

मर्कूस 2:16

थेमे कोई कोई फरिसी पाटी नाङ धर्मे गुरूकी येशू थोक्‍ते मिओनताङ देत्‍ला साप सेइन ओता थोङसुङ। थोक थोङगीन थेबेकी येशू चेलाओनला “ए ख्‍योकोन गुरू च्‍यिला दि कर लिन्‍कान्‍तेबा थेमे ज्‍येन पापीओनताङ ङ्योम्‍बुराङ देत्‍ला साप सेइका?” सिन सिराला स्‍यूसुङ।

मर्कूस 7:3

फरिसी पाटी मिओनचेन खोपरोङ ज्‍युज्‍यु पुर्खे पालोमेई चले खिन वाबाते रीतिथितिला साबा च्‍योकराङ खाला लाक्‍पा टुलाकामा साप सेइन ओतान। थेबेकीकामा मेन, काल्‍बा च्‍योक्‍ते यहूदी गाङेकी दि रीतिथिति माने खिन ओतान।

मर्कूस 9:16

थेमे येशूकी चेलातेबाला “ख्‍योकोनगी धर्मे गुरूओनताङ च्‍यि टेकाटेउरी खाबे?” सिन ठिसुङ।

लूका 18:11

थेमे थे फरिसी पाटी मिकीचेन मन्‍दिर नाङ स्‍यूकीन लाकीन देत्‍कीन ‘ए परमेश्‍वर, ङा खोल्‍ला धन्‍यवाद तेरग्‍यो। च्‍यिला सासीन ज्‍येन मि च्‍योक खाला पापताङ लोभ खाला ङा पैसा मोजोओ, ज्‍येनला मेलेबाङ मिक्‍किओ। ङा मि फेम्‍मेताङ माङ्यालो। ङा उथे कर लिन्‍कान्‍ते मि च्‍योक्‍ते पापीङ मेन।

लूका 19:7

येशू थोक खाईन थेत्ताङ गाला थोङनामेई “दि चुकस्‍यिक ईन्‍दाका। दिनी थोक पापीताङका साङ खाईन देताला गाल्‍सुङ,” सिन मि गाङेराङ येशूला मोताला स्‍यूसुङ।

लूका 5:17

थेमे ङीमाई येशू ठाउँज्‍यीक्‍तु मिओनला लोप्‍कीन ओतान। थेरू बात ङेन्‍कान्‍तेबे नाङ गालीलताङ यहूदिये अञ्‍चल गाङेपेकी थेमे यरूशलेम सारदुकी वाबाते फरिसी पाटी मिओनताङ धर्मे गुरूओनोङ ओतान। प्रभु परमेश्‍वरगी येशूला नाबाते मिओनला ठाक्‍पा खित्‍च्‍येते शक्ति बिन्‍दा ओतान।

लूका 5:21

थेकी थोक सिरजीन थेरू ओताते धर्मे गुरूओनताङ फरिसी पाटी मिओनगीचेन मिकी खाबाते पाप माफ खाबान सिरकान च्‍यि दि परमेश्‍वर ईनरो? दिकीनी परमेश्‍वर विरोध खासुङ। मिकी खाबाते पापनी परमेश्‍वरगीकामा माफ तेरा थुप्‍क्‍यो सिन विचार खिताला स्‍यूसुङ।

लूका 7:34

थेरूई परमेश्‍वर ओत्‍सादुई वाबाते मि ङाचेन दुरू वाकीन जेसुकै सोबान, थुबान। तर ङात्ताङोङ ख्‍योकोन ‘तोते, थे चुकस्‍यिक ईन्‍दाका। थेनी आउदी सोलुन्‍दाईताङ छ्याङ रक्‍सी थुङकानज्‍यीकका ओताक्‍वा। थेमे थेनी कर लिन्‍कान्‍तेबा थेमे ज्‍येनोङ पापीओनताङका र्‍वा खिदुक,’ सिन स्‍येदाङ खिदुक।

लूका 7:39

थे फेम्‍मे मिकी थोक थोक खित्‍जीनोङ येशूकी छ्याःङ मिसिरजीन थेला निम्‍तो खित्‍कान्‍ते फरिसी पाटी मिकी दि परमेश्‍वर बात खित्‍कान्‍ते मि मेन्‍दा च्‍यिन्‍दा। थोक्‍ते मि ईन्‍दा ईन्‍सीन दि रन्‍डी ईन सिन छ्या स्‍येच्‍या ओतान। थेमे दिकी थे खोरोङला दोर ज्‍युत्‍च्‍या मेतान सिन विचार खासुङ।

शक्ति काम 23:9

थोक खाईन थेबे नाङ थोम्‍मु स्‍योरजीन थेरू आदोराङ हल्‍ला खल्‍ला ओङसुङ। थेमे फरिसी पाटी नाङ धर्मे गुरूओन कोई कोईकी देत्‍सादुकी जराक जुरूक लाकीन “ङ्योकोनगी दि मिते छ्याःङ गल्‍ती मोथोङदुक। दिकी गोमा साबा च्‍योकराङ दित्ताङ परमेश्‍वर दूतज्‍यीगी कि थोक्‍ते सुइँदेकी ठेत्‍कीन बात खाबाते पक्‍काराङ ईन्‍दा, दोक ओङाते मेन्‍दासीन सिन ङुरूङगी चुक खाला सिरा थुप्‍कीतेरो?” सिन सासुङ।