लूका 5:26 - जिरेल

²⁶ थोक ओङा थोङनामेई थेकी चुक अचम्‍बज्‍यीक काम खासुङा सिन छक्‍क परे खिन मि गाङेकी परमेश्‍वरते जय जय खासुङ। थेमे थेबा आते खिनकामा “आबिई ङुरूङगी थरिङ चुक अचम्‍बज्‍यीक काम थोङसुङा,” सिन सिराला स्‍यूसुङ।

लूका 5:26 ပူးပေါင်းရင်းမြစ်များ

मत्ती 12:23

थोक अचम्‍ब ओङा थोङगीन थेरू ओताते मि गाङे छक्‍क परे खिनकामा “आबिई, ना दिराङ परमेश्‍वरगी तोङगो साबाते दाऊद गेल्‍बो सन्‍तान ईन्‍ताका?” सिन सिराला स्‍यूसुङ।

मत्ती 28:8

थेरू थोक ओङनामेई थेबा ङिबो ज्‍यीबा खिन तर येशू सोम्‍बो लोक्‍पाते बात थोजीन गाङ खिनकामा थेरू ओङाते गाङे बात येशू चेलातेबाला लाःपाला थेरूकी छ्योङगीन गाल्‍सुङ।

मत्ती 9:8

थेरू थोक ओङा थोङगीन मि गाङेराङ आउदी खाईन आते खासुङ। थेमे थेबेकी परमेश्‍वरगी मिलाङ दोक छ्येज्‍यीक शक्ति बिन्‍दा ओताक्‍वा सिन परमेश्‍वरते जय जय खासुङ।

मर्कूस 2:12

थेकी थोक सानामेकी गाङेकी थोङच्‍या खाईन थे कुज्‍ये खोक लासुङ। थेमे थे खोरोङ खोन्‍च्‍या दिङच्‍या खुरगीन खाम्‍बापा गाल्‍सुङ। थोक ओङा थोङनामेई मि गाङेराङ छक्‍क परे खिन “आबिई, दोक्‍ते अचम्‍बते कामनी थातासाक ङुरूङगी नोमुङ थोङा मेतान,” सिन परमेश्‍वरते जय जय खासुङ।

लूका 1:65

थोक ओङजीन थेरू वाबाते मि गाङेराङ छक्‍क परे खासुङ। दोक दोक ओङाते बात यहूदिये अञ्‍चल खाङ युल युललाङ फैले खाईन गाङेपे मिकी थे बातकामा खिताला स्‍यूसुङ।

लूका 5:8

थेरू थोक ओङा थोङगीन शिमोन पत्रुसकी खोबुकला देत्‍कीन “प्रभु, ओर्च्‍ये खो ङे दोन्‍दु मादेत, दुरूकी ग्‍युक। ङे सेम पापकीकामा खाङा ओत,” सिन सिदुक।

लूका 7:16

थेकी थोक अचम्‍बते काम खाबा थोङगीन थेरू ओताते मि गाङेराङ आउदी ज्‍यीबा खिन छकदाङ परे खासुङ। थेमे थेबेकी “ओहो, ङुरूङ ओत्‍सादु परमेश्‍वर बात खित्‍कान्‍ते चुक छ्येज्‍यीक मि वाका। थे खोरोङगी छाने खाबाते मि ङुरूङला लेमु खिताला साँच्‍चीराङ परमेश्‍वर वादुक,” सिन परमेश्‍वरते जय जय खिताला स्‍यूसुङ।

लूका 8:37

दि गाङे बात थोनामेईनी थे मिओन झन ज्‍यीबेकी थरावरी गाल्‍सुङ। थेमे थे गिरासिनीबा गाङेकी वाकीन येशूला “हजूर खो ओर्च्‍ये दुरू मादेत, दुरूकी ग्‍युक,” सिन सासुङ। थेमे येशू डुङ्गाला जेकीन थेरूकी ड्वाप्‍ला ठीक खासुङ।

शक्ति काम 4:21

थेबेकी थोक सानामेई थे छ्ये छ्ये मि गाङेकी थेबा ङिबोला सजाय तेराला छ्याःङ निउँ माङेत्‍कीन “ङ्योकोन बात माङेन्‍सीन ख्‍योकोनला मेलेबा ओङगो याङ, ख्‍योकोन होस खि,” सिन लोईन ज्‍यीबा तेन्‍गीन थोकराङ ताङसुङ। च्‍यिला सासीन थोक अचम्‍बते काम ओङा थोङगीन मि गाङेराङ थे बातकामा खिन परमेश्‍वरते जय जय खिन ओतान।

गलाती 1:24

ङे थोक खिताला स्‍यूदुक्‍लो सिन छ्या स्‍येनामेई थेबेकी परमेश्‍वरगी चुक अचम्‍ब काम खासुङा सिन थेते जय जय खाबा ओतान।