लूका 5:20 - जिरेल

²⁰ थेकी ठाक्‍पा खिता थुप्‍क्‍यो सिन थेबेकी थे खोरोङला थोक विश्‍वास खाबा थोङगीन येशूकी थे कुज्‍येला “फुज्‍यो, ङे खुई खाबाते पाप गाङे माफ खाबान,” सिन सिदुक।

लूका 5:20 ပူးပေါင်းရင်းမြစ်များ

मत्ती 9:2

थेमे थेकी ठाक्‍पा खाला तेरस्‍यीत सिन कोई कोईकी ख्‍याम्‍बाराङ मुथुप्‍कानज्‍यीक कुज्‍येज्‍यीकला मालज्‍यामताङराङ डोलो खाईन खुरगीन थे ओत्‍सादु क्‍याल्‍सुङ। थेकी ठाक्‍पा खिता थुप्‍क्‍यो सिन थेबेकी थे खोरोङला थोक विश्‍वास खाबा थोङगीन थेकी थे कुज्‍येला “फुज्‍यो, था खो ज्‍यीबा माकेत। ङे खुई खाबाते पाप गाङे माफ खाबान,” सिन सिदुक।

मत्ती 9:5

ङे दि मि पाप माफ खाबान सिरजीन ख्‍योकोनला ङे खेकीकामा दोक साबाच्‍योक ओङसुङ मेन? च्‍यि ङे दिला लाला ख्‍याम ज्‍युताचेन मुथुबो साबाप?

मर्कूस 2:5

थेकी ठाक्‍पा खिता थुप्‍क्‍यो सिन थेबेकी थे खोरोङला थोक विश्‍वास खाबा थोङगीन थेकी थे कुज्‍येला “फुज्‍यो, ङे खुई खाबाते पाप गाङे माफ खाबान,” सिन सिदुक।

लूका 7:48

थेमे येशूकी थे फेम्‍मे मिला “खुई खाबाते पाप गाङे ङे माफ खाबा ओत,” सिन सिदुक।

यूहन्‍ना 2:25

सु मि चुक्‍ते ईन्‍दे सिन थेला सुङगीङ लाःपा फाप्‍च्‍या मेतान। च्‍यिला सासीन मि सेम चुक ओङगीते सिन गाङे थेला लेमु खाला छ्या ओतान।

यूहन्‍ना 5:14

टिक्‍पी तिरी येशूकी थेला याङराङ परमेश्‍वर मन्‍दिरदु ठेत्‍कीन “थोङसुङ खो चुक लेमु खाईन ठाक्‍सुङा? थाचेन लोक्‍ला थोङला च्‍योक मेलेबा काम माकेत। याङराङ थोक खासीन खोल्‍ला झन मेलेबा ओङगो,” सिन सिदुक।

शक्ति काम 11:23

थे एन्‍टिओखियादु लेप्‍ला ताजीन परमेश्‍वरगी थेरू मिओनलाङ दया खाईन थे खोरोङ छ्य्‌वापा लै खित्‍च्‍येते मौका बिन्‍दा थोङगीन थेला आउदी गा लासुङ। थेमे थेकी “जस्‍तोराङ ओङसीनोङ ख्‍योकोनगी प्रभु येशूला विश्‍वास खिता नोमुङ मातोङ,” सिन थेबाला आँट बिन्‍सुङ।

शक्ति काम 14:9

थेरू पावलगी गा लाङच्‍येते बात लोप्‍जीन थे कुज्‍येकीङ थे बात ङेन्‍सुङ। थे खोरोङगी खिन ओताते बात लेमु खाईन ङेन्‍गीन देता ओता थोङगीन थे कुज्‍येकी प्रभु येशूकी थे खोरोङला ठाक्‍पा खिता थुप्‍क्‍यो सिन विचार खाला दुक सिन पावलगी छ्या स्‍येसुङ।

२ कोरिन्‍थी 2:10

ख्‍योकोनगी सुइँदाला माफ बिन्‍सीन थेला ङाङ माफ तेरग्‍यो। ङे सुइँदाला माफ तेरा फाप्‍सीन ख्‍योकोनला लेमु ओङस्‍यीत सिन खेकीकामा मेन, ख्रीष्‍टकी दोन्‍दुराङ थेला माफ तेरगीन ओताच्‍योक खाला ङा थे मि गल्‍ती नोमुङ सम्‍झे मिक्‍किच्‍या खाला माफ तेरग्‍यो।

कलस्‍सी 3:13

सुङताङ होपकी जोप मिक्‍किता खाला बरू सै खाला देत, खेराङ नाङ सुइँदाताङ खइँदा स्‍येदाङ ओत्‍सीन स्‍येदाङ साला माज्‍यो, थोक्‍तेला माफ बिन। प्रभु येशूकी खेराङ पाप माफ बिन्‍दा च्‍योकराङ खाला ख्‍योकोनगीङ खेराङ नाङ माफ बिन।

याकूब 2:18

थेमे कोईकी चुक सिते सासीन ङा येशू ख्रीष्‍टला विश्‍वास खिओ, ज्‍येनगीचेन थेकी खि साबाच्‍योक खाला काम खिदुक सिन सिओ। दोक सिरकान्‍ते मिला ङा च्‍यि सिते सासीन छ्याःङ काम मिक्‍किता खाला येशू ख्रीष्‍टला विश्‍वास खिओ सिन लो खो ङाला तेन। थेला विश्‍वास खिओ सिन ङानी खोल्‍ला कामराङ खाला तेन्‍ग्‍यो सिन सिओ।