लूका 5:17 - जिरेल

¹⁷ थेमे ङीमाई येशू ठाउँज्‍यीक्‍तु मिओनला लोप्‍कीन ओतान। थेरू बात ङेन्‍कान्‍तेबे नाङ गालीलताङ यहूदिये अञ्‍चल गाङेपेकी थेमे यरूशलेम सारदुकी वाबाते फरिसी पाटी मिओनताङ धर्मे गुरूओनोङ ओतान। प्रभु परमेश्‍वरगी येशूला नाबाते मिओनला ठाक्‍पा खित्‍च्‍येते शक्ति बिन्‍दा ओतान।

लूका 5:17 ပူးပေါင်းရင်းမြစ်များ

मत्ती 11:5

चुक सासीन अन्‍धतेबा थोङा थुप्‍च्‍या गालाते, कुज्‍येतेबा ख्‍याम्‍बा थुप्‍च्‍या गालाते थेमे जे खोबाते मिओन ठाक्‍पाते बात थेला सि। थोकराङ खाला ओन्‍बातेबा थोबा थुप्‍च्‍या गालाते, स्‍याप्‍ते मिओन सोम्‍बो लोक्‍पाते थेमे छ्याःङ मेताते मिओनला गा लाङच्‍येते बात लाप्‍कीन बिन्‍दाते बाततेबाङ गाल्‍ला थेला सि।

मत्ती 15:1

थेमे यरूशलेमपेकी कोई कोई धर्मे गुरूताङ फरिसी पाटी मिओन वाकीन येशूला

मर्कूस 1:45

थेकी थोक सिन कोत्‍कीन ताङसीनोङ थे मिकीचेन येशूकी थे खोरोङला चुक खाईन ठाक्‍पा खासुङा सिन गाङेपा गाल्‍गीन मिओनला लाःप्‍सुङ। थे बात थोक खाईन गाङेपा फैले खानामेकी येशू गोमा च्‍योक गाङेकी छ्या स्‍येच्‍या खाला सारगी नाङपा जहाँसुकै ड्वा माथुप्‍सुङ। थे सारताङ युलगी नाङला मोन्‍डोबा खाईन पाङगी नाङला गाल्‍गीन देत्‍सुङ। थोक ईन्‍सीनोङ लोईन गाङेपेकी मिओन थे ओत्‍सादुराङ ओङाला स्‍यूसुङ।

मर्कूस 16:18

थेबेकी रूल जुम्‍सीनोङ थेबाला रूलगी मोथोगो, विष सोसीन थुसीनोङ थेबा मिस्‍यिओ थेमे थेबेकी नाबाते मिओन लाक्‍तु लाक्‍पा ज्‍याक्‍ला ठाक्‍पा खिता थुप्‍क्‍यो,” सिन सिदुक।

मर्कूस 3:22

यरूशलेमनेकी कोई कोई धर्मे गुरूङ थेरू वाबा ओतान। थेबेकीचेन “दिला ल्‍हन्‍डीक गेल्‍बो बालजिबुल खोदुक। होथेत्ताङ डिक्‍लाका दिकी थे शक्तिकीराङ ल्‍हन्‍डीक तेन्‍ला तोङच्‍येते ईन,” सिन सासुङ।

मर्कूस 5:30

थे खोरोङताङ ओताते ठाक्‍पा खित्‍च्‍येते शक्ति थेन्‍गीन गालाते दाक छ्या स्‍येकीन येशूकी ख्‍युर ग्‍युरगीन मिओनला “ख्‍योकोन नाङ सुई ङे खोलाकला दोबे?” सिन ठिसुङ।

मर्कूस 7:1

ङीमाई फरिसी पाटी मिओन थेमे यरूशलेमपेई वाबाते कोई कोई धर्मे गुरूओन येशू ओत्‍सादु जम्‍मा ओङसुङ।

लूका 15:2

थोक ओङा थोङगीन फरिसी पाटी मिओनताङ धर्मे गुरूओनगी “तोना, दि चुकस्‍यिक ईन्‍दाका। पापीओनताङका ङ्योम्‍बुराङ देत्‍ला बात खिदुक। थेमे थेबाताङराङ साङ खाला साप सेइदुक,” सिनकामा येशूला मोताला स्‍यूसुङ।

लूका 2:46

थेमे छोल्‍गीन छोल्‍गीन डोजीन ङीमा सुमगी छोमु थेबेकी येशूला परमेश्‍वर मन्‍दिरदु थेप्‍सुङ। थेरू थे यहूदी धर्मे गुरूओनताङ देता ओतान। थेबेकी लोप्‍कीन ओताते बात ङेन्‍गीन थेमे थेबालाङ बात ठिइनकामा येशू थेरू देता ओतान।

लूका 5:21

थेकी थोक सिरजीन थेरू ओताते धर्मे गुरूओनताङ फरिसी पाटी मिओनगीचेन मिकी खाबाते पाप माफ खाबान सिरकान च्‍यि दि परमेश्‍वर ईनरो? दिकीनी परमेश्‍वर विरोध खासुङ। मिकी खाबाते पापनी परमेश्‍वरगीकामा माफ तेरा थुप्‍क्‍यो सिन विचार खिताला स्‍यूसुङ।

लूका 5:30

येशूताङ थे चेलाओन थोक खाला लेवी खाम्‍बादु साप सेइन ओता थोङगीन कोई कोई फरिसी पाटी मिताङ थे पाटी नाङ धर्मे गुरूओनगी येशू चेलाओनला “ए ख्‍योकोन गुरूताङ खेतबरी च्‍यिला दि कर लिन्‍कान्‍तेबा थेमे ज्‍येन पापीओनताङ ङ्योम्‍बुराङ देत्‍ला साप सेइते?” सिन सिराला स्‍यूसुङ।

लूका 6:19

मिबरीचेन खोपरोङ ठाक्‍स्‍यीत सिन येशूला द्वा छोल्‍गीन ओतान। थेत्ताङ नाबाते मिओनला ठाक्‍पा खित्‍च्‍येते शक्ति ओतेकी थेबा गाङे ठाक्‍सुङ।

लूका 7:30

फरिसी पाटी मिओनताङ धर्मे गुरूओनगीचेन यूहन्‍ने बादोङ ङेन्‍दा मेतान, बप्‍तिस्‍माङ लाबा मेतान। थेबेकी यूहन्‍ने बात ङेन्‍दा ईन्‍सीन परमेश्‍वरगी खिता चाला च्‍योकराङ खाला थेबाला लेमु खित्‍च्‍या ओतान। थेबेकी माङेन्‍देकीराङ परमेश्‍वरगी थेबाला लेमु खिता माथुप्‍सुङ।

लूका 8:46

थोक सिरजीनोङ थेकीचेन “ङाला मिज्‍यीगी दोच्‍ये सेम खाईन दोसुङ। च्‍यिला सासीन ङात्ताङ ओताते ठाक्‍पा खित्‍च्‍येते शक्ति थेन्‍गीन गालाते ङे छ्या स्‍येसुङ,” सिन सिदुक।

यूहन्‍ना 3:10

थोक सिरजीन येशूकी “खो इस्राएलीओनला परमेश्‍वर बात लोप्‍कान्‍ते मि ईन्‍सीनोङ दि बात मोखोदुक?

यूहन्‍ना 3:21

थोक ईन्‍सीनोङ सत्‍यते बात ङेन्‍ला लेमु काम खित्‍कान्‍ते मिचेन नाम्‍दाकला थेन्‍दाला छ्याःङ ज्‍यीबा मिक्‍किओ। नाम्‍दाकला थेन्‍गीन थेकी खाबाते काम थोङला थे मिकीचेन परमेश्‍वरगी खि साबाते काम खाबाते ईन सिन ज्‍येनगी लेमु खाला छ्या स्‍येक्‍यो,” सिन सासुङ।

शक्ति काम 19:11

थोक खाला थे बात लोप्‍जीनराङ परमेश्‍वरगी पावलला आउदी अचम्‍बतेन्‍दे काम खित च्‍युत्‍सुङ।

शक्ति काम 4:30

थेमे प्रभु परमेश्‍वर, ङ्योकोनगी सेमला पाप सिराते छ्याःङ मेताते खालि खुई कामकामा खित्‍कान्‍ते येशू मिन लाला नाबाते मिओन ठाक्‍पा खिता छोल्‍जीन खुई थेबाला ठाक छ्युत, छ्ये छ्येताङ अचम्‍बतेन्‍दे काम खित छ्युत,” सिन प्रार्थना खासुङ।

शक्ति काम 5:34

तर थे छ्ये छ्ये मि नाङ गमलिएल सिराज्‍यीक धर्मे गुरूङ ओतान। थेचेन फरिसी पाटी मि ओतान। यरूशलेम मि गाङेकी थेला आउदी मान खिन ओतान। थेमे थेकी देत्‍सादुई लाकीन येशू ख्रीष्‍टकी खटे खाबाते मिओनला “ख्‍योकोन रकस्‍यिक फिनामा ग्‍युक,” सिन फिनामा ताङसुङ।