लूका 4:43 - जिरेल

⁴³ तर थेकी थेबाला “ङा ख्‍योकोनताङकामा देता मेङेदो। था परमेश्‍वर राज्‍य गा लाङच्‍येते बात ङे दुरूकामा मेन्‍दाला ज्‍येन ज्‍येन ठाउँलाङ गाल्‍ला लोपा फाप्‍क्‍यो। दोक खितालाराङ परमेश्‍वरगी ङाला छाने खाईन देमा ताङाते ईन,” सिन सिदुक।

लूका 4:43 ပူးပေါင်းရင်းမြစ်များ

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

मर्कूस 1:35

थेमे ङारो च्‍योक्‍ते ङोमुका नुपलाराङ लाकीन येशू च्‍यिकराङ देताप सिन पाङगी नाङपा गाल्‍सुङ। थेमे थेरू परमेश्‍वरला प्रार्थना खिताला स्‍यूसुङ।

यूहन्‍ना 20:21

थेमे येशूकी लोईन “लो ख्‍योकोनला लेमु ओङस्‍यीत। आबेकी ङाला देमा ताङा च्‍योकराङ खाला ङाङ ख्‍योकोनला ज्‍येन मि नाङ तोङगो,” सिन सिदुक।

यूहन्‍ना 9:4

ङीन ओत ओतसाक ङुरूङगी ङाला दुरू तोङकान्‍तेकी खि साबाते कामतेबा खिता फाप्‍क्‍यो। था नाम स्‍योक्‍यो। थेमे थेजीन सुङगीङ काम खिता मुथुबो।

शक्ति काम 10:38

चुक सासीन परमेश्‍वरगी नासरतपे येशूला खटे खाईन परमेश्‍वर आत्‍मा थेमे छ्येज्‍यीक शक्ति बिन्‍दा ओतान। परमेश्‍वर थेत्ताङ ङ्योम्‍बु ओतेकी थेचेन शैतानगी दुक्‍पा बिन्‍गीन ल्‍हन्‍डीक स्‍यिन्‍डीप खोबाते थेमे नाबाते मि गाङेला ठाक्‍पा खिन गाङेपा गाङेला लेमु खिन युगीन ओतान।

२ तिमोथी 4:2

खुई चुक खिता फाप्‍कीते सासीन मिओनला परमेश्‍वर बात लोप्‍कीनराङ देत, मिओनगी ङेन्‍सीनोङ माङेन्‍सीनोङ जुन बेलालाङ थे बात लोपा मातोङ थेमे गल्‍ती खित्‍कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्‍दे सिन गाङेला लाप्‍ला बिन। थानी दिबाला थोई लोप्‍च्‍ये सिराच्‍योक माकेत, सुङताङ स्‍येदाङ मिक्‍किता खाला खा छ्येत लेमु खिन दोक खाला लोप्‍कीनराङ देत।