लूका 24:52 - जिरेल

⁵² थे थोक खाला स्‍वर्गने डोजीन थेबेकी थेते जय जय खासुङ। थे तिरी थेबा आउदी खाला गा खिन यरूशलेमपाराङ ग्‍युरगीन गाल्‍सुङ।

लूका 24:52 ပူးပေါင်းရင်းမြစ်များ

मत्ती 28:17

थेरू लेप्‍नामेकी थेबेकी थेला ठेत्‍कीन खोबुकला देत्‍कीन थेला मान खासुङ। ईन्‍सीनोङ थेबा कोई कोईकीनी थे सोम्‍बो लोगीन थेरू वाबाते ईन्‍दा मेन्‍दा सिन शंकाङ खासुङ।

मत्ती 28:9

थेबा थोक खाला लामला डुइन डुइनलाराङ येशूकी थेबाला ठेता खाईन “ख्‍योकोनला लेमु ओङस्‍यीत,” सिन सिदुक। थोक ओङजीन थेबेकीङ थेला मान खिन से खासुङ।

लूका 24:51

थोक खाला आशी तेरजीनराङ थे थेबाताङ ठाल्‍गीन नामने ड्वाप्‍ला स्‍यूसुङ। थोक खाईन परमेश्‍वरगी थेला स्‍वर्गने खेरसुङ।

लूका 24:53

थेरू थेबाबरी परमेश्‍वर मन्‍दिरदु गाल्‍ला परमेश्‍वरते जय जय खिन देत्‍कीन ओतान।

यूहन्‍ना 14:28

‘ङा ख्‍योकोनला ताङला डुइन ओत। थेमे लोक्‍ला ख्‍योकोन ओत्‍सादु ग्‍युरला ओङगो,’ सिन ङे ख्‍योकोनला साबाते ख्‍योकोनगी थोबाराङ ओत। ख्‍योकोनगी ङाला ङिङज्‍ये खाबा ओता ईन्‍सीन ङा आबा ओत्‍साने ग्‍युरला डोजीन ख्‍योकोन गा खित्‍च्‍या ओतान। ङा भन्‍दाचेन थेराङ छ्ये ईन।

यूहन्‍ना 16:22

ख्‍योकोनलाङ होदोकराङ ओङगो। चुक सासीन था ख्‍योकोनला आउदी पीर लाङगो। ईन्‍सीनोङ याङराङ ङा ख्‍योकोनला ठेता खिओ। थेमे थेजीन ख्‍योकोनला आउदी गा लाङगो। सुइँदेकी ख्‍योकोनला दोक खाला गा माकेत सासीनोङ ख्‍योकोन खाराक्‍पा देताराङ मुथुबो।

यूहन्‍ना 16:7

दोक ईन्‍सीनोङ ङा ख्‍योकोनला दि बात लेमु खाला सिरामीन। ङा दोक खाला डोच्‍येते ख्‍योकोनला लेमु ओङालाराङ ईन। ङा दुरूकी मागालथुप ख्‍योकोनला सल्‍लाह तेरकान्‍ते ख्‍योकोन ओत्‍सादु मेङगो। ङा गाल्‍नामेईचेन ङा थेला दुरू तोङगो।

यूहन्‍ना 20:28

थेमे थोमेकी “प्रभु, खोराङ ङे मालिक ईन, खो ङे परमेश्‍वर ईन,” सिन सिदुक।

शक्ति काम 1:12

दि तिरीचेन येशूकी खटे खाबाते मि गाङेराङ जैतुन बोम सिरसादुकी यरूशलेमपा ग्‍युरगीन गाल्‍सुङ। थेरूकी थेपा ड्वाप्‍ला आता थारी मेतान।

१ पत्रुस 1:8

ईन्‍दानी ख्‍योकोनगी येशू ख्रीष्‍टला थोङा मेत। ईन्‍सीनोङ ख्‍योकोन थेला ङिङज्‍ये खिदुक। ख्‍योकोनगी थेला थरिङोला थोङा मेत्‍सीनोङ थेला विश्‍वास खिदुक। थेमे मिकी साला सिरा मुथुप्‍च्‍या आउदी खाला गा खिदुक।