लूका 24:49 - जिरेल

⁴⁹ थेमे था ङा ख्‍योकोनला ङे आबेकी तेरग्‍यो सिन साबाते परमेश्‍वर आत्‍मा तेरग्‍यो। स्‍वर्गनेकी परमेश्‍वर आत्‍मे शक्ति माङेतथुप ख्‍योकोन यरूशलेमदुकी खापाङ मोन्‍डोबा खाला दुरूराङ गुला देत,” सिन सिदुक।

लूका 24:49 ပူးပေါင်းရင်းမြစ်များ

यूहन्‍ना 14:26

था आबेकी ख्‍योकोनला सल्‍लाह तेरकान्‍तेला ङे छ्य्‌वापेकी तोङगो। थेचेन परमेश्‍वर आत्‍मा ईन। थेकी वाला ख्‍योकोनगी च्‍यि खिता फाप्‍कीते, चुक खिता फाप्‍कीते सिन गाङे लाप्‍ला तेरग्‍यो। थेमे ङे ख्‍योकोनला लाप्‍कीन बिन्‍दाते गाङे बात ठेम्‍बा लोङगो।

यूहन्‍ना 15:26

आबा ओत्‍सानेकी ङे ख्‍योकोन ओत्‍सामा तोङगो साबाते सल्‍लाह तेरकान्‍ते वानामेकी थेकी ख्‍योकोनला ङा सु ईन्‍दे, ङे च्‍यि खिते सिन लेमु खाला सिओ। थे आबे छ्य्‌वापेईराङ ओङगो। थेचेन परमेश्‍वर आत्‍मा ईन। थेकी ख्‍योकोनला सत्‍यते परमेश्‍वर छ्या स्‍ये ज्‍युत्‍क्‍यो।

शक्ति काम 1:4

थेबाताङ ठेत्‍कीन ङ्योम्‍बुराङ देता ओते बेलाला ङीमाई थेकी “ख्‍योकोन दि बात ङेन। ङे ख्‍योकोनला गोमाका साबा ओता च्‍योकराङ ङे आबेकी तेरग्‍यो सिन साबाते परमेश्‍वर आत्‍मा था ख्‍योकोनगी ङेत्‍क्‍यो। थे माङेतथुप ख्‍योकोन दि यरूशलेम सारदुकी खापाङ मोन्‍डोबा खाला दुरूराङ गुला देत।

शक्ति काम 1:8

दि बातचेन ङेन। च्‍यि सासीन था ख्‍योकोनगी परमेश्‍वर आत्‍मा ङेत्‍क्‍यो। थे ङेत्‍नामेकी ख्‍योकोनगी शक्ति ङेत्‍क्‍यो। थेमे थरिङसाक खेराङ मिगी थोङातेताङ नामज्‍योककी थोबाते ङे बाततेबा गाङे ख्‍योकोनगी यरूशलेमदु, यहूदियाताङ सामरिये अञ्‍चल खाङ थेमे सा लुङबा खाङगी मि नाङ लोपाला डुइओ,” सिन सिदुक।

शक्ति काम 16:7

थेमे थेबा माइसिये अञ्‍चल खादु लेप्‍सुङ। थेरू लेप्‍नामेकी थेबा बिथिनिये अञ्‍चलपा ड्वा चाल्‍सुङ। तर गोमा च्‍योकराङ खाईन येशू आत्‍मेकी थेबाला थेपाङ डोर माच्‍युत्‍सुङ।