40 काँटी ग्याप्कीन लाक्पा काम्बाला थोताते मा तेन्सुङ।
ङेते लाक्पा काम्बाला लेमु खाला तोते। ङा येशूराङ ईन। पत्ते मिक्किसीन ङाला दोला तो। ङे जीउला ख्योकोनते च्योकराङ स्याताङ रूबा ओत। ल्हन्डीकते ईन्सीन थोक मेङगो,” सिनकामा
थे लाक्पा काम्बा ताकीन थे पक्काराङ येशूराङ दुका सिन थेबाला आउदी गा लासुङ। थे थोक खाईन थेरू वाबाते थेबालानी मिलाम खाबा च्योककामा लासुङ, पत्तेराङ खिता माथुप्सुङ। थेबेकी थोरूमोङ पत्ते खाबा माथोङगीन थेकी “ख्योकोनताङ खइँदा साच्येते ओत?” सिन ठिसुङ।
थोक साकीन च्याकीन थेकी लाक्पाला काँटी ग्यापाते मे डामताङ कोखादु मे डाम थेबाला तेन्सुङ। थोक खाला प्रभु येशूला याङराङ थोङा ङेत्जीन थेबाबरी आउदी खाईन गा खासुङ।
थेमे थोमाला “लो ङे लाक्पाला काँटी ग्याप्कीन थोताते मे डाम खो खोरोङ लाक्पे जुकीराङ छामे खाला तो। थोकराङ खाला कोखादु बार्सा रोपे खासादुङ खो छामे खाला तो। थेमे शंका खिता ताङला बरू ङा सोम्बो लोक्पाते पक्काराङ दुका सिन पत्ते खि,” सिन सिदुक।
