लूका 24:36 - जिरेल36 थेबा थोक खाला बात खिन खिनलाराङ येशू थेबा ओत्सादु ख्योल्सुङ। थेमे थेरू ओताते गाङेला “ख्योकोनला लेमु ओङस्यीत,” सिन सासुङ। အခန်းကိုကြည့်ပါ။ |
लूका 24:36
13 ပူးပေါင်းရင်းမြစ်များ
थे तिरी थे खोरोङ चेलातेबा च्युच्यीक ङ्योम्बुराङ साप सेइन ओते बेलाला येशू थेबा ओत्सादु ख्योल्सुङ। थेमे थे खोरोङ सोम्बो लोक्तुक, थेला ठेताप सिरकान्तेबे बात पत्ते माक्याबेकी थेकी थेबाला “ख्योकोनगी ङा सोम्बो लोक्तुक सिन च्यिला पत्ते माक्याबे? ज्येनगी ङाला ठेत्सुङ सिरजीन च्यिला मेन्दे बात ईन साबे? ख्योकोन चुक विश्वास मिक्किकान्तेन्दे ईन्दाका,” सिन थाप्सुङ।
थे खोरोङगी भोगे खिता फाप्च्येते दुक्पातेबा भोगे खाईन स्यिइन सिन्नामेई थे खोरोङ साँच्चीराङ सोम्बो लोक्पाते दुका सिन थे खोरोङगी खटे खाबाते मिओनगी लेमु खाला छ्या स्येस्यीत सिन थेकी याङ याङ थेबाताङ ठेता खाबा ओतान। थोक खाला ङीमा खाल ङिसाक थेबाताङ ठेत्जीन थेकी थेबाला परमेश्वर राज्य बादोङ लाप्कीन बिन्सुङ।
एशिये अञ्चलदु फाप्च्येते सार दुईनकारदु जम्मा ओङकान्ते येशू ख्रीष्ट मिओन ख्योकोन गाङेला ङा यूहन्ना दि बातओन टिगीन ओत। परमेश्वर थेमे थे खोरोङ सिंहासन दोन्दु ओताते परमेश्वर आत्मा दुईनबोताङ येशू ख्रीष्टकी ख्योकोनला दया खाला लेमु खिनराङ देत्स्यीत। परमेश्वर थरिङोलाङ ओत, गोमामेकीराङ ओतान थेमे सधैँभरि देत्कान्तेङ थेराङ ईन। परमेश्वर सु ईन्दे सिन थेमे थेकी खित्च्येते कामगी बात लेमु खाला लाप्ला तेरकान्ते येशू ख्रीष्ट ईन। स्याप्ते मिओन नाङ गाङे भन्दा गोमा नोमुङ मिस्यिच्या खाला सोम्बो लोक्कान्तेचेन थेराङ ईन। थेचेन दि लुङबा मुलुक गेल्बोओनतेङ गेल्बो ईन। येशूचेन ङुरूङला आउदी ङिङज्ये खित्कान्ते ईन। ङुरूङ लाईदु स्यिजीन थे खोरोङ जीउदुकी थेन्दाते ठागी खित्सादु थेकी ङुरूङला पापदुकी टाल्सुङ,
ကြော်ငြာတွေ