लूका 24:27 - जिरेल

²⁷ थेमे थे खोरोङला चुक चुक ओङगीते सिन थे खोरोङ विषयला परमेश्‍वर बातला ठाउँ ठाउँला टिबा ओताते बातओन येशूकी थेबा ङिबोला लेमु खाईन खोच्‍या खाईन लाप्‍कीन बिन्‍सुङ। दोक खित्‍जीन थेकी गोमा मोशेकी टिबाते बातदुकी शुरू खाईन परमेश्‍वर बात खित्‍कान्‍ते मि गाङेकी थे खोरोङ विषयला टिबाते बात लाप्‍कीन बिन्‍सुङ।

लूका 24:27 ပူးပေါင်းရင်းမြစ်များ

मर्कूस 4:34

कथा मिसिरा खालाचेन थेकी बातज्‍यीगोङ लोप्‍कीन मेतान। चेलातेबाताङकामा ओत्‍जीनचेन थेकी चेलातेबाला कथे अर्थ लाःप्‍ला तेरगीन ओतान।

लूका 24:25

क्‍लेओपासकी थोक सानामेई थेकी “ख्‍योकोन चुक छ्याःङ मोखोकान्‍तेन्‍दे ईन्‍दाका। परमेश्‍वर बात खित्‍कान्‍ते मिओनगी ख्रीष्‍टकी विषयला साबा ओताते बात गाङे था ख्‍योकोन नाम पत्ते खिते?

लूका 24:44

थेमे थेकी थेबाला “मोशेकी टिबाते नियमला थेमे परमेश्‍वर बात खित्‍कान्‍ते मिओनगी टिबाते किताबला ङे विषयला टिबा ओत। थोकराङ खाईन भजन किताबलाङ ङे विषयला टिबा ओत। ङाला चुक चुक ओङगीते सिन टिबाते बात गाङे साबा च्‍योकराङ ओङा फाप्‍क्‍यो सिन ङे गोमा ख्‍योकोनताङ ङ्योम्‍बु ओत्‍जीनराङ साबा ओतान,” सिन सिदुक।

यूहन्‍ना 1:45

थेमे फिलिपकीङ नथानेलला ठेता खाईन “मोशेकी टिबाते परमेश्‍वर नियमला तिरी इस्राएलीओन नाङ मिज्‍यीक ओङगो सिन साबा ओतान। थेमे परमेश्‍वर बात खित्‍कान्‍ते ज्‍येन ज्‍येनगीङ थे ओङगो सिन टिबा ओतानना, थेबेकी साबाते होथे मिला ङ्योकोनगी ठेत्‍सुङ। थेचेन नासरतपे यूसुफ फुज्‍युङ येशू ईन,” सिन सिदुक।

यूहन्‍ना 12:41

येशूताङ चुक छ्येज्‍यीक शक्ति ओता ईन्‍दाका सिन थोङा ओतेकीराङ यशैयेकी थे विषयला थाङबोका थोक सिन साबा ओतान।

यूहन्‍ना 5:37

दोस्‍यिककामा मेन, ङाला दुरू तोङकान्‍ते आबेकीङ ङा सु ईन्‍दे सिन लेमु खाईन साबा ओत। ख्‍योकोनगी नोमुङ थे ङोरो थोबा मेत, थे दोकस्‍यिकराङ ओताक्‍वा सिन थोङाङ मेत।

यूहन्‍ना 5:39

परमेश्‍वर बातला साबाच्‍योक खासीन नोमुङ मिसिन्‍च्‍येते जुनी ङेत्‍क्‍यो सिन ख्‍योकोन थे बाततेबा आउदी लेमु खाला पढे खिदुक। थे बातला ङा सु ईन्‍दे सिन लेमु खाईन टिबा ओत।

शक्ति काम 10:43

थेमे परमेश्‍वर बात खित्‍कान्‍ते मि गाङेकी गोमाकाराङ येशू ख्रीष्‍ट विषयला बात खाईन थेला विश्‍वास खित्‍कान गाङेला परमेश्‍वरगी थेबेकी खाबाते पाप गाङे माफ तेरग्‍यो। दोक खाला पाप माफ तेरच्‍येते थेकी येशू ख्रीष्‍टकी खाबाते कामगी खित्‍सादु खिओ सिरच्‍येते बात खाबा ओतान,” सिन सिदुक।

शक्ति काम 3:18

ईन्‍दानी थे खोरोङगी तोङगो साबाते ख्रीष्‍टकी दुक्‍पा ङेत्‍क्‍यो सिन परमेश्‍वरगी थोङलाकाराङ थे खोरोङ बात खित्‍कान्‍ते मिबरीला सिर च्‍युता ओतान। ख्‍योकोनगी येशूला सेत्‍जीन परमेश्‍वरगी थे खोरोङगी सिर च्‍युताते बात साबा च्‍योकराङ ओङ च्‍युत्‍सुङ।

शक्ति काम 3:22

येशू बात खित्‍जीन मोशेकीङ ङुरूङ ज्‍युज्‍यु पुर्खाला च्‍यि साबा ओताने सासीन ‘था तिरी प्रभु परमेश्‍वरगी ङा च्‍योकराङ परमेश्‍वर बात खित्‍कान्‍ते मिज्‍यीक तोङगो। थेलाचेन ख्‍योकोन नाङदुईराङ छाने खिओ। थेकी वाकीन साबाते बाततेबा ख्‍योकोनगी गाङे लेमु खाला ङेन।

शक्ति काम 3:24

मोशे तिरी शमूएलताङ परमेश्‍वर बात खित्‍कान्‍ते ज्‍येन ज्‍येनोङ गाङेकी थरिङोला ङुरूङ नाङ ओङगीन ओताते कामताङ बात गोमाका खाबा ओतान।

शक्ति काम 7:37

थेमे थेकीराङ इस्राएलीओनला ‘था तिरी प्रभु परमेश्‍वरगी ङा च्‍योकराङ परमेश्‍वर बात खित्‍कान्‍ते मिज्‍यीक तोङगो। थेलाचेन ख्‍योकोन नाङदुईराङ छाने खिओ,’ सिन साबा ओतान।

शक्ति काम 8:35

थेमे फिलिपकी थे मिकी पढे खाबाते बातचेन येशूकी दुक्‍पा ङेत्‍च्‍येतेताङ स्‍यिच्‍येते बात सिराला खाबाते ईन सिन थे बातदुकीराङ येशू गा लाङच्‍येते बात गाङे लेमु खाईन थेला लाप्‍कीन बिन्‍सुङ।

छ्या स्‍ये च्‍युताते बात 19:10

थेकी थोक सानामेई से खिताप सिन ङा थे दूतकी काम्‍बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्‍वरला च्‍योक खाला से माकेत। येशू सु ईन्‍दे, थेकी च्‍यि खिते सिन लोप्‍कान्‍ते खोत्ताङ खुई आज्‍यो न्‍वाओन च्‍योकराङ ङाङ परमेश्‍वर काम खित्‍कान्‍तेकामा ईन। थोगी परमेश्‍वरलाकामा छ्ये जो। येशू सु ईन्‍दे, थेकी च्‍यि खिते सिन लोप्‍च्‍येतेचेन परमेश्‍वर आत्‍मे छ्य्‌वापेई खित्‍च्‍येते ईन,” सिन सिदुक।