लूका 23:50 - जिरेल

^50-51 थेजीन यरूशलेमदु यूसुफ सिराज्‍यीक मि ओतान। थेचेन यहूदिये अञ्‍चलदु फाप्‍च्‍येते अरिमाथिया सिराते सारगी मि ओतान। यहूदीओन छ्ये छ्ये मि नाङ थेङ दोक्‍पोई ओतान। परमेश्‍वरगी खि साबाते ङेन्‍कानज्‍यीक थे लेमु मि ओतान। ज्‍येन छ्ये छ्ये मि गाङेकी येशूला सेता फाप्‍क्‍यो सिन पिलातस ओत्‍सापा खेरजीन थेचेन थेबाताङ बान्‍दा माडिक्‍सुङ। था परमेश्‍वर राज्‍य नाम ओङगीताका सिन थे गुकीनराङ देता ओतान।

लूका 23:50 ပူးပေါင်းရင်းမြစ်များ

लूका 2:25

यरूशलेमदु शिमियोन सिराज्‍यीक मि ओतान। थे परमेश्‍वरगी खि साबा साबा च्‍योकराङ खाला थेला आउदी खाला माने खित्‍कान्‍ते मि ओतान। इस्राएलीओनला पापताङ दुक्‍पादुकी डेल्‍कान्‍ते नाम ओङगीताका सिन थे गुकीन देता ओतान। थेकी परमेश्‍वर आत्‍मा ङेता ओतान।

शक्ति काम 10:2

यहूदी मेन्‍सीनोङ थेत्ताङ थे खाम्‍बे मि गाङेराङ परमेश्‍वर नियम ङेन्‍ला परमेश्‍वरला माने खिन ओतान। थेकी दुक्‍पा ङेताते यहूदीओनला दुक्‍पाला तेइन ओतान। थेमे थे परमेश्‍वरला प्रार्थनाङ खिन ओतान।

शक्ति काम 10:22

थेमे थेबा सुमबोकी “मिल्‍टेरी क्‍याप्‍टेन कर्नेलियसकी खोल्‍ला लाला खोरच्‍योक सिन ङ्योकोनला देपा ताङसुङ। थे परमेश्‍वरला आउदी खाला माने खित्‍कान्‍ते लेमु मि ईन। थेला यहूदीओनगीङ गाङेकी मन परे खाला दुक। खोल्‍ला थे खाम्‍बापा लाला खुलाला च्‍याला खुई साबाते बाततेबा ङेन सिन थेला परमेश्‍वर दूतज्‍यीगी सिदुक्‍लो। थोगी ङ्योकोन खोल्‍ला लिन्‍दाला देपा वाबाते ईन,” सिन सिदुक।

शक्ति काम 11:24

बारनाबास लेमु मि ओतान। थेचेन परमेश्‍वर आत्‍मेकी खाङाते थेमे येशूकी जेङ खिता थुप्‍क्‍यो सिन थेला आउदी खाला विश्‍वास खित्‍कानज्‍यीक ओतान। थे एन्‍टिओखियादु देते बेलाला थे बात ङेन्‍गीन मि काल्‍बेईकी प्रभु येशूला विश्‍वास खिताला स्‍यूसुङ।

शक्ति काम 13:29

थोक खाईन परमेश्‍वर बातला थोक थोक ओङगो सिन गोमाका टिबाते बात गाङे साबा च्‍योकराङ ओङ च्‍युत्‍नामेई थेबेकी थेला टाँए खाईन सेताते स्‍यिङगी थामदुकी थेन्‍गीन खेरगीन दिसुङ।