लूका 23:33 - जिरेल

³³ थेबाबरी खप्‍पर सिरसादु ख्‍योल्‍नामेई मिल्‍टेरीओनगी येशूला लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन लाङसुङ। थेमे डाँका ङिबोलाङ येशूला च्‍योकराङ खाईन थे फारताङ छुरला स्‍यिङगी थाम रेरेला टाँए खासुङ।

लूका 23:33 ပူးပေါင်းရင်းမြစ်များ

मत्ती 20:19

लोक्‍ला ज्‍येन ज्‍येन जातकी मि लाःक्‍तु सोम्‍पे खिओ। थेमे थेबेकीचेन ङाला हेपे खाला ईन्‍दा मेन्‍दा सिओ, कोर्रा लै खिओ थेमे स्‍यिङगी थामला टाँए खाला सेत्‍क्‍योदोङ। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन सिदुक।

मत्ती 26:2

“था ङीमा ङि तिरी निस्‍तार चाड ओङगो सिन ख्‍योकोनला छ्याराङ ओत। थे चाडगी बेलालाराङ परमेश्‍वर ओत्‍सादुई वाबाते मि ङाला स्‍यिङगी थामला टाँए खाला सेताला मिओन लाःक्‍तु सोम्‍पे खिओ,” सिन सिदुक।

लूका 24:7

थेकी थेजीन ‘परमेश्‍वर ओत्‍सादुई वाबाते मि ङाला पापीओन लाःक्‍तु सोम्‍पे खिओ। थेमे थेबेकी ङाला स्‍यिङगी थामला टाँए खाला सेत्‍क्‍यो। तर स्‍याप्‍ते ङीमा सुमगी छोमु ङा सोम्‍बो लोइओ,’ सिन साबा ओतान, मेन?” सिन सिदुक।

यूहन्‍ना 18:32

थेबेकी थोक सानामेई येशूकी थे खोरोङ चुक खाला स्‍या फाप्‍कीते सिन गोमाका साबाते बात साबा च्‍योकराङ ओङसुङ।

यूहन्‍ना 3:14

थाङबो मोशेकी ठाःकताङ बालुवा बाई छ्याःङ मेत्‍साला ओत्‍जीन पित्तल रूल जोकीन ज्‍वाला काला च्‍योकराङ खाला परमेश्‍वर ओत्‍सादुई वाबाते मि ङाला था स्‍यिङगी थामला टाँए खिओ।

शक्ति काम 13:29

थोक खाईन परमेश्‍वर बातला थोक थोक ओङगो सिन गोमाका टिबाते बात गाङे साबा च्‍योकराङ ओङ च्‍युत्‍नामेई थेबेकी थेला टाँए खाईन सेताते स्‍यिङगी थामदुकी थेन्‍गीन खेरगीन दिसुङ।

शक्ति काम 2:23

थोक ईन्‍सीनोङ ख्‍योकोनगीचेन थेला पापीओन लाःक्‍तु सोम्‍पे खाईन लाक्‍पा काम्‍बाला काँटी ग्‍याप्‍कीन स्‍यिङगी थामला टाँए खाईन सेत च्‍युत्‍सुङ। ईन्‍दानी थेकी थोक खाला स्‍या फाप्‍क्‍यो सिन परमेश्‍वरगी गोमाका साबा ओतान।

शक्ति काम 5:30

ख्‍योकोनगी येशूला स्‍यिङगी थामला टाँए खाईन सेत च्‍युता ओतान। ईन्‍सीनोङ ङुरूङ ज्‍युज्‍यु पुर्खेकी माने खाबाते परमेश्‍वरगी थेला स्‍यिसादुकी सोम्‍बो लोक्‍पा ओत।

गलाती 3:13

तर ख्रीष्‍टकीचेन परमेश्‍वर नियमला तोके खाबाते परमेश्‍वरगी ङुरूङला सराप बिन्‍ला तेरच्‍येते सजाय थे खोरोङगीराङ भोगे खाईन स्‍यिइन ङुरूङला थे सजायदुकी टाल्‍सुङ। दोक खाईन ङुरूङ साटोला परमेश्‍वरगी थेला सराप बिन्‍गीन सजाय बिन्‍दाते ईन सिन परमेश्‍वर बातला “स्‍यिङगी थामला टाँए खाबाते मिचेन परमेश्‍वर सराप लै खाईन सजाय ङेत्‍कीन स्‍याप्‍ते ईन,” सिन टिबा ओत।

१ पत्रुस 2:24

ङुरूङ पापदुकी ठाल्‍ला परमेश्‍वरगी खि साबा साबाच्‍योक खित्‍कान ओङस्‍यीत सिन थे ङुरूङ पापकी सजाय भोगे खाईन स्‍यिङगी थामला टाँए खाईन स्‍यिसुङ। थेकी थोक खाईन दुक्‍पा भोगे खाबेकी खित्‍सादु था ख्‍योकोनगी पापकी सजाय भोगे खिता माफाबो।