लूका 23:27 - जिरेल

²⁷ मि आउदी काल्‍बेई येशू तिरी तिरी ख्‍याम्‍बा ओतान। थेकी थोक दुक्‍पा भोगे खाला स्‍या फाप्‍च्‍या थोङगीन थोक खाईन ख्‍याम्‍बाते मिओन नाङ फेम्‍मे मि काल्‍बेई झ्‍याउँ झ्‍याउँ ङुइन ओतान।

लूका 23:27 ပူးပေါင်းရင်းမြစ်များ

मत्ती 11:17

थेबाचेन खोपरोङ खोपरोङ नाङराङ मिडिगो। थेबा लाला लालेकी ज्‍येनतेबाला ‘ङ्योकोनगी बाक चे सिन लु लाला बाजा फुला खित्‍जीनोङ ख्‍योकोन च्‍यिला टेरेराङ मिक्‍किता खाला देत्‍कीते? थेमे ख्‍योकोनगीङ दुङाल खि सिन ङ्योकोन दुङाल खित्‍जुम खित्‍जीनोङ ख्‍योकोनचेन च्‍यिला खाराक्‍पाराङ देत्‍कीते?’ सिन सिओ।

मत्ती 27:55

थेरू फेम्‍मे मितेबाङ काल्‍बेई येशूला च्‍यि च्‍यि ओङच्‍या ईन्‍दाका सिन आदो थारीलाराङ देत्‍ला तेइन ओतान। थेबाचेन गालील अञ्‍चल नाङपेकीराङ येशूला गोच्‍येते मद्धत तेरगीन थेत्ताङराङ वाबा ओतान।

मर्कूस 15:40

थेरू फेम्‍मे मिओनोङ येशूला च्‍यि च्‍यि ओङच्‍या ईन्‍दाका सिन आदो थारीलाराङ देत्‍ला तेइन ओतान। थेबे नाङ मरियम मग्‍दलिनी, कान्‍छाते याकूबताङ योसे आमा मरियम थेमे सलोमी ओतान।

लूका 23:28

थेबेकी थोक खित्‍जीन थेबा ओत्‍सापाला ग्‍युरगीन येशूकी “यरूशलेम फेम्‍मे मिवे, ख्‍योकोन ङे लाईदु दोक खाला माङु। बरू खेराङ लाईदु थेमे खेराङ फिजाओन लाईदु पीर खि।

लूका 23:55

गालीलपेकी येशूताङ ङ्योम्‍बु वाबाते फेम्‍मे मिओनगीङ यूसुफताङ गाल्‍गीन येशू रो फुकदु ज्‍याक्‍पाते थोङा ओतान।

लूका 8:2

थेजीन कोई कोई फेम्‍मे मिङ थेबाताङ ङ्योम्‍बुराङ ख्‍याम्‍बा ओतान। थेबाला येशूकी ठाक्‍पा खाईन बिन्‍दा ओतान। थेबे नाङ गोमा कोई खुदुक खुदुक रोग लै खाईन नाबा ओतान, कोईकी ल्‍हन्‍डीक खोकीन दुक्‍पा ङेता ओतान। थे फेम्‍मे मिओन नाङ दोक्‍पोईचेन मरियम ओतान। थेला मिओनगी मग्‍दलिनी सिनोङ सिरच्‍येते खिन ओतान। थेदुकीचेन गोमा येशूकी ल्‍हन्‍डीक दुईन तेन्‍गीन ताङा ओतान।

लूका 8:52

थे खाम्‍बे नाङ ओताते मि गाङेराङ थे फुमु फिजा स्‍यिसुङ सिन आउदी खाला दुङाल खिन ओतान। येशूकी थेबाला “ख्‍योकोन दोक खाला दुङाल माकेत। दि फिजा स्‍या मेत, दिनी ङिक गालातेकामा ईन,” सिन सिदुक।

यूहन्‍ना 16:20

दि बात ङेन। च्‍यि सासीन था पीरगी खित्‍सादु ख्‍योकोन आउदी खाला ङुइओ। थे बेलाला दि सा लुङबे मिओनचेन आउदी खाला गा खिओ। ख्‍योकोनगी सेम सेत्‍कीन पीर खिता फाप्‍सीनोङ दिनी था तिरी आउदी गा लाङच्‍येते बातका ओङगो।