लूका 23:14 - जिरेल

¹⁴ थेमे थेकी थेबा गाङेला “ख्‍योकोनगी दि मिकी दि खोरोङ बात लाप्‍कीन खेराङ जातकी मिला उल्‍के खित च्‍युत्‍सुङ सिन ङा ओत्‍सादु खुलाबा ओतान। ख्‍योकोनगी साबाच्‍योक दिकी खाबाते ईन्‍दाकाना मेन्‍दाका सिन ख्‍योकोन दोन्‍दुराङ ङे दिला ठिबाप। ठिजीन ङेनी दिकी छ्याःङ गल्‍ती खाबा माथोङसुङ।

लूका 23:14 ပူးပေါင်းရင်းမြစ်များ

मत्ती 27:19

थेमे पिलातस अड्डादुराङ देता ओते बेलाला फेम्‍मेतेकी थेला “थे छ्याःङ गल्‍ती मेताते मिला छ्याःङ मेलेबा माकेत। च्‍यिला सासीन थे मिला सजाय बिन्‍सीन आउदी मेलेबा ओङगो सिन ङे दाङ ग्‍वाका मेलेबाज्‍यीक मिलाम थोङसुङ,” सिन लोन ताङसुङ।

मत्ती 27:24

थेकी जे खित्‍जीनोङ छ्याःङ सीप लै माक्‍यासुङ। बरू थेरू मिओनगी हूलदङ्गाका मच्‍चे खाओङ सिराच्‍योक गालेकी थेकी गाङे दोन्‍दु लाक्‍पा ठुत्‍कीन “लो ख्‍योकोन दि बात छ्या स्‍येबा खि, दि गल्‍तीराङ मेताते मिला सेताते ङेते छ्याःङ दोष मेत। दिला सेत च्‍युताते ख्‍योकोनगीराङ ईन,” सिन सासुङ।

मत्ती 27:4

थेमे थेकी थेबाला “छ्याःङ दोष मेताते मिला ङे थाराङ धोका बिन्‍दुक, ङेनी पापका खादुक,” सिन सिरजीन थेबेकीचेन “ङ्योकोनलाका च्‍यि सिते? था खोरोङ जेसुकै खि,” सिन सिदुक।

मत्ती 27:54

येशू स्‍यिजीनसाक थेला स्‍युङाला देत्‍कान्‍ते मिल्‍टेरी क्‍याप्‍टेनताङ मिल्‍टेरीओनगी सेदेर्मु गालाते थेमे थेरू ओङाते ज्‍येन ज्‍येनोङ बात थोङगीन आते खिन “दिनी साँच्‍चीराङ परमेश्‍वर फुज्‍युङराङ दुका,” सिन सिदुक।

शक्ति काम 13:28

थेला सेता फाप्‍च्‍येते छ्याःङ गल्‍ती मेत्‍सीनोङ थेबेकी रोमी गेल्‍बो हाकिम पिलातस ओत्‍सादु गाल्‍गीन दिलाचेन सेताराङ फाप्‍क्‍यो सिन बात खाईन येशूला स्‍यिङगी थामला टाँए खाईन सेत च्‍युत्‍सुङ।

शक्ति काम 17:11

थेरू यहूदीओनगीचेन थिस्‍सलोनिकादु ओतातेबेकी च्‍योक मेलेबा मिक्‍किता खाईन पावलगी लापाते येशू बात लेमु खाईन ङेन्‍सुङ। थेमे थेकी लापाते बात परमेश्‍वर बातला टिबाते बातताङ डिइकाना मिडिक्‍का सिन थेबेकी ङीमे ठाङमा परमेश्‍वर बात आउदी खाईन पढे खाईन तासुङ।

हिब्रू 7:26

ङुरूङला गोबाते गाङे भन्‍दा छ्येते पूजारीङ येशू च्‍योक्‍तेराङ ईन। थे सेमला पाप सिराते छ्याःङ मेत, सुङगीङ थेला दिकी दि दि गल्‍ती खासुङ सिन सिरा मुथुबो, थेकी मेलेबा सिराते छ्याःङ खाबा मेत। पापी मि च्‍योकराङ थे मेन, मि भन्‍दा खुदुकराङ ईन। थे छ्येज्‍यीक मान ङेत्‍कीन स्‍वर्गने देता ओत।