लूका 22:38 - जिरेल

³⁸ थेमे चेलातेबेकीचेन “प्रभु, उ तोते ङ्योकोनताङ तरवार ङिनी ओत,” सिन सिरजीन थेकी “लो ओत्‍स्‍यीत, था थे बात थोङ,” सिन सिदुक।

लूका 22:38 ပူးပေါင်းရင်းမြစ်များ

मत्ती 26:51

थेला थोक खाला जिन्‍जीन येशूताङ ओतातेबे नाङ दोक्‍पोईकीचेन तरवार ओक थेन्‍गीन छ्येते पूजारी योक्‍पोला ग्‍याप्‍कीन थेते नामज्‍योकराङ बेत च्‍येत्‍कीन ताङसुङ।

लूका 22:36

थेमे थेकी “थाचेन बात गोमा च्‍योकराङ मेन। ख्‍योकोनगी खेराङ पैसे थैलीताङ साच्‍या थुङच्‍या लुच्‍येते झोलातेबा गाङे खुर। थेमे खेराङताङ तरवार मेत्‍सुङ सासीन खेराङते लाक्‍तु खोन्‍दाते खोलाकराङ च्‍वाला ईन्‍सीनोङ तरवार रेरे ङ्योला खुर।

लूका 22:49

थेमे थेत्ताङ ङ्योम्‍बुराङ ओताते चेलातेबेकी था थेला पक्‍काराङ जुम्‍ला खेरच्‍या दुका सिन छ्या स्‍येकीन “प्रभु, च्‍यि था ङ्योकोन तरवार चले खि?” सिनकामा

यूहन्‍ना 18:36

थोक सिरजीन येशूकी “ङे राज्‍य दि सा लुङबेते मेन। थोक ईन्‍दा ईन्‍सीन ङा यहूदीओन छ्ये छ्ये मि लाःक्‍तु माफाप्‍स्‍यीत सिन ङे काम खित्‍कान्‍ते मिओन थेबाताङ जीङच्‍या ओतान। ङे राज्‍य दि सा लुङबेते ईनराङ मेन,” सिन सिदुक।

१ थिस्‍सलोनिकी 5:8

ङुरूङचेन परमेश्‍वर नाम्‍दाकला देत्‍कान्‍ते मि ईन्‍देकी होस तोराते मि च्‍योक ओङा मेङगो। बरू च्‍याङबो खाला देत्‍ला प्रभु येशूला विश्‍वास खिन थेमे ज्‍येनला ङिङज्‍ये खिन देता फाप्‍क्‍यो। दोक खिन देत्‍च्‍येतेचेन लडाइँ बेलाला मिल्‍टेरीओनगी ठाङला खोन्‍च्‍येते च्‍याकी पाता खोन्‍दा च्‍योकराङ ईन। थेमे ङुरूङगी आश खाईन देता च्‍योकराङ था तिरी पापकी सजाय भोगे खिता माफाबो सिनोङ टोक ज्‍येता मेङगो। थोक खित्‍च्‍येतेचेन मिल्‍टेरीओनगी गोःला च्‍याकी टोप खोन्‍दा च्‍योकराङ ईन।

१ पत्रुस 5:9

शैतानगी जे सासीनोङ थे बात ङेनराङ माङेन, जति दुक्‍पा बिन्‍सीनोङ सेम मेसेता खाला देत थेमे येशू ख्रीष्‍टला विश्‍वास खिनराङ देत। दि सा लुङबा खाङ ओताते खेराङ आज्‍यो न्‍वाकीङ ख्‍योकोनगी च्‍योकराङ दुक्‍पा भोगे खिन देता ओत सिरच्‍येते बात टोक माज्‍येत।