लूका 22:37 - जिरेल

³⁷ च्‍यिला सासीन परमेश्‍वर बातला गोमाका चुक सिन टिबा ओते सासीन ‘थेलाचेन मिओनगी डाँकाओनला च्‍योकराङ खिओ,’ सिन टिबा ओत। दि बात ङेन। च्‍यि सासीन ङाला चुक खिते सिन ङे विषयला परमेश्‍वर बातला टिबाते बात गाङे साबा च्‍योकराङ ओङा फाप्‍क्‍यो,” सिन सिदुक।

लूका 22:37 ပူးပေါင်းရင်းမြစ်များ

मर्कूस 15:27

थेमे मिल्‍टेरीओनगी डाँका मेरा ङिलाङ येशूला च्‍योकराङ खाईन थे फारताङ छुरला स्‍यिङगी थाम रेरेला टाँए खासुङ।

मर्कूस 15:28

थेला डाँकाओनताङराङ टाँए खानामेई “थेलाचेन मिओनगी डाँकाओनला च्‍योकराङ खिओ,” सिन परमेश्‍वर बातला गोमाका टिबाते बात साबा च्‍योकराङ ओङसुङ।

लूका 18:31

थेमे येशूकी थे खोरोङ चेला च्‍युन्‍ङीला मि नाङदुकी टिक्‍पी फजेकपा खेरगीन “लो दि बात ङेन। ङुरूङ यरूशलेमने डुइन ओत। थेने लेप्‍नामेकी परमेश्‍वर बात खित्‍कान्‍तेबेकी परमेश्‍वर ओत्‍सादुई वाबाते मि ङाला चुक चुक ओङगीते सिन टिबाते गाङे बात साबा च्‍योकराङ ओङगो।

लूका 22:22

परमेश्‍वर ओत्‍सादुई वाबाते मि ङानी ङाराङला ओङगो साबा ओता च्‍योकराङ खाला स्‍यापराङ फाप्‍क्‍यो। थोक ईन्‍सीनोङ ङाला धोका तेरकान्‍ते मिकी ज्‍यीबा लाङच्‍याई सजाय ङेत्‍क्‍यो,” सिन सिदुक।

लूका 22:36

थेमे थेकी “थाचेन बात गोमा च्‍योकराङ मेन। ख्‍योकोनगी खेराङ पैसे थैलीताङ साच्‍या थुङच्‍या लुच्‍येते झोलातेबा गाङे खुर। थेमे खेराङताङ तरवार मेत्‍सुङ सासीन खेराङते लाक्‍तु खोन्‍दाते खोलाकराङ च्‍वाला ईन्‍सीनोङ तरवार रेरे ङ्योला खुर।

लूका 22:52

थेमे थे खोरोङला जिन वाबाते छ्ये छ्ये पूजारी, मन्‍दिरदु देत्‍कान्‍ते पुलिसते छ्ये छ्ये मि थेमे यहूदीओनते ज्‍येनोङ छ्ये छ्ये मि गाङेला थेकी “ङाला जिन्‍दाला च्‍यिला तरवार जेरगीन थेमे फेर्का खुरगीन ओङा फाप्‍सुङारो? च्‍यि ङा डाँका ईनरो?

लूका 23:32

मिल्‍टेरीओनगी डाँका मेन्‍दा ङिलाङ सेताला येशूताङराङ टीबा ओतान।

लूका 24:27

थेमे थे खोरोङला चुक चुक ओङगीते सिन थे खोरोङ विषयला परमेश्‍वर बातला ठाउँ ठाउँला टिबा ओताते बातओन येशूकी थेबा ङिबोला लेमु खाईन खोच्‍या खाईन लाप्‍कीन बिन्‍सुङ। दोक खित्‍जीन थेकी गोमा मोशेकी टिबाते बातदुकी शुरू खाईन परमेश्‍वर बात खित्‍कान्‍ते मि गाङेकी थे खोरोङ विषयला टिबाते बात लाप्‍कीन बिन्‍सुङ।

यूहन्‍ना 10:35

परमेश्‍वर बातला टिबाते बात फरकराङ परे मिक्‍किओ। मिओनताङ बात खित्‍जीन परमेश्‍वरगी थेबाला ‘परमेश्‍वर फुज्‍युङ फुमु ईन,’ सिन साबा ओतान।

यूहन्‍ना 17:4

आबा खुई खि साबाते काम जति ङे खाईन सिन्‍दा खाबा ओत। थे कामतेबा खित्‍जीन आबा खोत्ताङ चुक छ्येज्‍यीक शक्ति ओते सिन दि सा लुङबे मिओनला ङे तेन्‍गीन बिन्‍दा ओत।

२ कोरिन्‍थी 5:21

ख्रीष्‍टकी खाबाते कामगी खित्‍सादु ङुरूङला दोषी मेन सिन सिरा थुप्‍स्‍यीत सिन ङुरूङ पापकी सजाय जति परमेश्‍वरगी गाङे पाप सिराते नोमुङ छ्याःङ खाबा मेताते ख्रीष्‍टला भोगे खित च्‍युत्‍सुङ।

गलाती 3:13

तर ख्रीष्‍टकीचेन परमेश्‍वर नियमला तोके खाबाते परमेश्‍वरगी ङुरूङला सराप बिन्‍ला तेरच्‍येते सजाय थे खोरोङगीराङ भोगे खाईन स्‍यिइन ङुरूङला थे सजायदुकी टाल्‍सुङ। दोक खाईन ङुरूङ साटोला परमेश्‍वरगी थेला सराप बिन्‍गीन सजाय बिन्‍दाते ईन सिन परमेश्‍वर बातला “स्‍यिङगी थामला टाँए खाबाते मिचेन परमेश्‍वर सराप लै खाईन सजाय ङेत्‍कीन स्‍याप्‍ते ईन,” सिन टिबा ओत।