लूका 22:36 - जिरेल

³⁶ थेमे थेकी “थाचेन बात गोमा च्‍योकराङ मेन। ख्‍योकोनगी खेराङ पैसे थैलीताङ साच्‍या थुङच्‍या लुच्‍येते झोलातेबा गाङे खुर। थेमे खेराङताङ तरवार मेत्‍सुङ सासीन खेराङते लाक्‍तु खोन्‍दाते खोलाकराङ च्‍वाला ईन्‍सीनोङ तरवार रेरे ङ्योला खुर।

लूका 22:36 ပူးပေါင်းရင်းမြစ်များ

मत्ती 10:10

थोकराङ खाला साच्‍या थुङच्‍येते लुबाप सिन झोला माखुर, फेङगाकोङ दोक्‍पोईकामा खेर। थेमे काचापताङ फेर्काङ माखेर। च्‍यिला सासीन खेतालेकी खोपरोङ निमेक ङेता च्‍योकराङ ख्‍योकोनोङ ज्‍येनतेबे लाईदु काम खित्‍कान्‍ते मि ईन्‍देकी ख्‍योकोनला गोच्‍येते जति थेबेकीराङ तेरा फाप्‍क्‍यो।

लूका 22:35

थेमे थेकी चेलातेबाला “परमेश्‍वर बात लोप तोङजीन ङे ख्‍योकोनला पैसे थैली, साच्‍या थुङच्‍या लुबाप सिन झोला थेमे काचापोङ मुखुरा खाला ग्‍युक सिन ताङा ओतान। दोक खाला डोजीन च्‍यि ख्‍योकोनला साप थुङा मादाङगीन खइँदा दुक्‍पा ओङा ओतान?” सिन ठिसुङ। थेमे चेलातेबेकी “ङ्योकोनला छ्याःङगीङ दुक्‍पा ओङा मेतान,” सिन सिदुक।

लूका 22:37

च्‍यिला सासीन परमेश्‍वर बातला गोमाका चुक सिन टिबा ओते सासीन ‘थेलाचेन मिओनगी डाँकाओनला च्‍योकराङ खिओ,’ सिन टिबा ओत। दि बात ङेन। च्‍यि सासीन ङाला चुक खिते सिन ङे विषयला परमेश्‍वर बातला टिबाते बात गाङे साबा च्‍योकराङ ओङा फाप्‍क्‍यो,” सिन सिदुक।

लूका 22:38

थेमे चेलातेबेकीचेन “प्रभु, उ तोते ङ्योकोनताङ तरवार ङिनी ओत,” सिन सिरजीन थेकी “लो ओत्‍स्‍यीत, था थे बात थोङ,” सिन सिदुक।

यूहन्‍ना 15:20

‘सुइँदे काम खित्‍कान्‍ते मि मालिकते भन्‍दा छ्ये मेन,’ सिन ङे ख्‍योकोनला गोमाका साबाते बात ठेम्‍बा खि। च्‍यि सासीन ङाला च्‍योकराङ मिओनगी ख्‍योकोनलाङ खेदापानी खिओ। थेमे ङे साबाते ङेन्‍दा च्‍योकराङ मिओनगी ख्‍योकोनगी साबाते बादोङ ङेन्‍ग्‍यो।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

१ थिस्‍सलोनिकी 3:4

ङुरूङला ज्‍येनगी खेदा खाला दुक्‍पा तेरग्‍यो सिनका ङ्योकोनगी ख्‍योकोनताङ ङ्योम्‍बु ओत्‍जीनराङ साबा ओतान। ओङाबोङ थेजीन साबा च्‍योकराङ ङुरूङला दुक्‍पा ओङसुङ मेन?

१ पत्रुस 4:1

थेमे ख्रीष्‍टकी मि जुनी लाकीन थोई दुक्‍पा भोगे खाबा ओताने सिन टोक मेज्‍येता खाला ख्‍योकोनगीङ थेकी च्‍योकराङ खाला दुक्‍पा भोगे खिओ सिन आँटे खाला देत। च्‍यिला सासीन दुक्‍पा भोगे खित्‍कान्‍ते मिकी पाप खिन मेदेदो।