लूका 22:35 - जिरेल

³⁵ थेमे थेकी चेलातेबाला “परमेश्‍वर बात लोप तोङजीन ङे ख्‍योकोनला पैसे थैली, साच्‍या थुङच्‍या लुबाप सिन झोला थेमे काचापोङ मुखुरा खाला ग्‍युक सिन ताङा ओतान। दोक खाला डोजीन च्‍यि ख्‍योकोनला साप थुङा मादाङगीन खइँदा दुक्‍पा ओङा ओतान?” सिन ठिसुङ। थेमे चेलातेबेकी “ङ्योकोनला छ्याःङगीङ दुक्‍पा ओङा मेतान,” सिन सिदुक।

लूका 22:35 ပူးပေါင်းရင်းမြစ်များ

लूका 10:4

था डोजीन ख्‍योकोनगी लामला गोक्‍यो सिन पैसे थैली, साच्‍या थुङच्‍या लुबाप सिन झोला थेमे काचाप छ्याःङ खुरला माखेर। लामला सुइँदाताङ काल्‍बा अलमल मिक्‍किता खाला सरासर ख्‍योम।

लूका 22:34

थोक खित्‍जीन येशूकी थेला “पत्रुस, खो दोक खाला छ्ये माकेत। थरिङ ग्‍वाका था ङोमु पाखे छ्योबो फोत फोतसाकला पालो सुम ज्‍येन मि दोन्‍दु खुई ङाला ङोराङ मेस्‍येओ सिन सिओ,” सिन सिदुक।

लूका 22:36

थेमे थेकी “थाचेन बात गोमा च्‍योकराङ मेन। ख्‍योकोनगी खेराङ पैसे थैलीताङ साच्‍या थुङच्‍या लुच्‍येते झोलातेबा गाङे खुर। थेमे खेराङताङ तरवार मेत्‍सुङ सासीन खेराङते लाक्‍तु खोन्‍दाते खोलाकराङ च्‍वाला ईन्‍सीनोङ तरवार रेरे ङ्योला खुर।

लूका 9:3

थोरूमोङ बात खिन थेकी “डोजीन ख्‍योकोनगी लामला गोक्‍यो सिन लाःक्‍तु फेर्का माखेर। झोलाताङ ग्‍या जारा थेमे पैसाङ छ्याःङ माखेर। फेङगाकोङ दोक्‍पोईकामा खेर।

२ कोरिन्‍थी 8:15

परमेश्‍वर बातला “काल्‍बेई रूक्‍कान्‍ते मिला ल्‍हाक्‍पा ओङा मेतान थेमे टिक्‍पीईकामा रूक्‍कान्‍तेलाङ घटी ओङा मेतान,” सिन टिला दुक।