लूका 21:36 - जिरेल

³⁶ थोगी च्‍याङबो खाला देत। थेमे थोक थोक ज्‍यीबा लाङच्‍या दुक्‍पा ओङजीन ङाला विश्‍वास खिन थे दुक्‍पा खपे खिता थुप्‍स्‍यीत थेमे परमेश्‍वर ओत्‍सादुई वाबाते मि ङा ग्‍युरगीन वानामेई सजाय ङेत्‍कीता सिन छ्याःङ ज्‍यीबा मिक्‍किता खाला थे दोन्‍दु देता ङेत्‍स्‍यीत सिन प्रार्थना खिनराङ देत,” सिन सिदुक।

लूका 21:36 ပူးပေါင်းရင်းမြစ်များ

मत्ती 24:42

थोक ईन्‍देकी खेराङ मालिक था तिरी दि छोमुराङ ग्‍युरला ओङगो सिन ख्‍योकोनला छ्याःङ छ्या मेतेकी थे ओङगो सिन सधैँ ठीक खाला गुलाराङ देत।

मत्ती 24:43

दि बात विचार खि। सुइँदा मिकी थरिङ चोर ओङगो सिन छ्या स्‍येसीन थे छोमु थे च्‍याङबो खाला जागोराङ देत्‍क्‍यो। थेमे थेते छ्याःङ क्‍वापराङ मुथुबो।

मत्ती 24:44

परमेश्‍वर ओत्‍सादुई वाबाते मि ङाङ चोर च्‍योकराङ सुङगीङ छ्या मास्‍येबाते दिनगी छोमु दुरू ग्‍युरला ओङगो। थोगी थरिङनी मेङतासीन सिराच्‍योक मिक्‍किता खाला ख्‍योकोन ठीक ओङला थेला गुलाराङ देत।

मत्ती 25:13

थोगी दि कथे बात सेमगी नाङ गुने खिन च्‍याङबो खाला देत। च्‍यिला सासीन दि कथाला साबा च्‍योकराङ परमेश्‍वर ओत्‍सादुई वाबाते मिङ दि छोमु, दि बेलाला ओङगो सिन ख्‍योकोन सुङलाङ छ्याःङ छ्या मेङगो।

मत्ती 26:41

ख्‍योकोन च्‍याङबो खाला देत। था दि दुक्‍पे बेलाला खेराङगी ङाला विश्‍वास खिनराङ देता थुप्‍स्‍यीत सिन परमेश्‍वरला प्रार्थना खि। ख्‍योकोन लेमु खिता छोल्‍गीदुक तर खेराङगी खिता चालाच्‍योक खिता मुथुप्‍तुक,” सिन सिदुक।

मत्ती 8:20

थोक सिरजीन थेकी “तर दि बात छ्या स्‍येबा खि। च्‍यि सासीन किप्‍च्‍याङते देत्‍च्‍येते ठाउँ ओङगो। थोकराङ खाला छ्योज्‍युङमेतेङ छाङ ओङगो। तर परमेश्‍वर ओत्‍सादुई वाबाते मि ङेतेनी थेबेते च्‍योक खाला देत्‍च्‍येते ठाउँ छारीनी गोःज्‍यीक रिल्‍ला देत्‍च्‍येते ठाउँओङ मेत,” सिन सिदुक।

मर्कूस 13:33

ङे ओङगो साबाच्‍योक नाम, च्‍यि बेलाला ओङगीते सिन छ्या मेत्‍सीनोङ ङीमा लेनज्‍यीक थे बेला दाक ओङगो सिन टोक मेज्‍येता खाला ख्‍योकोन च्‍याङबो खाला देत। परमेश्‍वरला प्रार्थना खिन देता मातोङ।

मर्कूस 13:37

ङे खेराङ मालिक नाम ओङगीताना सिन गुला देत साबाते ख्‍योकोनलाकामा साबाते मेन। दि बात ङे ज्‍येन गाङेलाङ साबाते ईन,” सिन सिदुक।

लूका 1:19

थे दूतकी “ङे मिन गब्रिएल ईन। ङा परमेश्‍वर दोन्‍दु देत्‍ला थेकी कोताते काम खित्‍कान्‍ते दूतज्‍यीक ईन। ङाला परमेश्‍वरगीराङ दि लेमुते लोन खोल्‍ला लोप सिन ताङाते ईन।

लूका 18:1

थेमे चेलातेबेकी सेम मेसेता खाला परमेश्‍वरला प्रार्थना खिनराङ देत्‍स्‍यीत सिन येशूकी दोक सिन थेबाला कथा लाःपाला स्‍यूसुङ।

लूका 20:35

तिरी जुनी बातचेन खुदुक ईन। थेजीन सोम्‍बो लोक्‍ला परमेश्‍वरताङ देता ङेत्‍कान्‍ते मिओनगी फाङमा मिक्‍किओ। थेजीन फाङमा खित्‍च्‍येते बात छ्याःङ मेङगो।

लूका 21:35

थोक खाला दि सा लुङबे मि सुङगीङ थाहाराङ मेङेता खाला थे दिन ओङगो।

शक्ति काम 10:2

यहूदी मेन्‍सीनोङ थेत्ताङ थे खाम्‍बे मि गाङेराङ परमेश्‍वर नियम ङेन्‍ला परमेश्‍वरला माने खिन ओतान। थेकी दुक्‍पा ङेताते यहूदीओनला दुक्‍पाला तेइन ओतान। थेमे थे परमेश्‍वरला प्रार्थनाङ खिन ओतान।

१ कोरिन्‍थी 16:13

खेराङला छक्‍के खिता छोल्‍कानताङ च्‍याङबो खाला देत, प्रभु येशूला लेमु खाला विश्‍वास खिन देत, फिजा च्‍योक ज्‍यीबा माकेत बरू पाकोते मिकी च्‍योक खाला काम खि।

२ कोरिन्‍थी 4:14

च्‍यिला सासीन प्रभु येशूला स्‍यिसादुकी सोम्‍बो लोक्‍कान्‍ते परमेश्‍वरगी थेला च्‍योकराङ खाला ङ्योकोनलाङ सोम्‍बो लोक्‍ला ख्‍योकोनताङराङ थे दोन्‍दु देत ज्‍युत्‍क्‍यो सिन ङ्योकोनला लेमु खाला छ्या ओत।

कलस्‍सी 4:2

थेमे ख्‍योकोन गाङेकी परमेश्‍वरला प्रार्थना खिन देता नोमुङ मातोङ। प्रार्थना खित्‍जीन खेराङ परमेश्‍वरताङ बात खिन ओत सिन छ्या स्‍येबा खि, थेला धन्‍यवादोङ बिन।

१ थिस्‍सलोनिकी 5:17

परमेश्‍वरला प्रार्थना खित्‍च्‍येते नोमुङ मातोङ,

२ तिमोथी 4:5

तर खोचेन जे खित्‍जीनोङ लेमु खाला विचार खालाकामा खि, खोरोङ काम खित्‍जीन जस्‍तोराङ दुक्‍पा ओङसीनोङ थे दुक्‍पा भोगे खि, ठाउँ ठाउँला गाल्‍ला गा लाङच्‍येते बात लोप्‍कान्‍ते मिकी खित्‍च्‍येते काम खिन देत थेमे परमेश्‍वरगी खोल्‍ला जिम्‍मा लै खाबाते काम गाङे मासिनथुप खिनराङ देत।

१ पत्रुस 4:7

थेमे था दि जुग सिन्‍च्‍ये बेला लेपा खाबा ओत। दाक्‍पोन सेम काबूला ज्‍याक्‍ला ख्‍योकोन च्‍याङबो खाला देत। दोक खासीन ख्‍योकोन परमेश्‍वरताङ प्रार्थना खिन देता थुप्‍क्‍यो।

१ पत्रुस 5:8

थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।

१ यूहन्‍ना 2:28

थेमे था फिजावे, ख्‍योकोन येशू ख्रीष्‍टताङ डिक्‍लाराङ देत। थोक खाईन देत्‍सीन थे ग्‍युरला ओङे छोमु सजाय ङेत्‍कीता सिन छ्याःङ ज्‍यीबा थेमे ङोचा मिक्‍किता खाला ङुरूङ थे दोन्‍दु ड्वा थुप्‍क्‍यो।

यहूदा 1:24

ख्‍योकोन होथोक्‍ते मिओन नाङराङ देता ओत्‍सीनोङ परमेश्‍वरगी ख्‍योकोनला मेलेबा काम खित्‍सादुई जोए खिओ, थेकी ख्‍योकोनला छ्याःङ गल्‍ती मेताते मि ईन सिओ थेमे ख्‍योकोनला आउदी खाला गा खिन झिलिमिली नाम्‍दाकला थे खोरोङ दोन्‍दु देत ज्‍युत्‍क्‍यो।

छ्या स्‍ये च्‍युताते बात 11:4

थेबा ङिबोचेन दि सा लुङबा खाङ राज्‍य खित्‍कान्‍ते प्रभु परमेश्‍वर दोन्‍दु ओताते जैतुन दोङबो ङिबोताङ बत्ती पारला ज्‍य्‌वाच्‍येते सामदान ङिबो ईन।

छ्या स्‍ये च्‍युताते बात 6:17

च्‍यिला सासीन था थेबेकी स्‍येदाङगी चूर गाल्‍ला सजाय तेरच्‍येते दिन लेप्‍सुङ। थेबे दोन्‍दुकी था सुचेन थारा थुप्‍कीतेरो? था सुङ मि थारा मुथुबो,” सिन सासुङ।

छ्या स्‍ये च्‍युताते बात 7:9

थेमे दि तिरी ताजीन ङे थे सिंहासनताङ थे लुई रीउ दोन्‍दु ङोला ङ्वा मुथुप्‍च्‍या मुन्‍तीसरी मि थोङसुङ। थेबेकी खोलाक कार्मुतेन्‍दे खोन्‍दा ओतान। थेमे लाःक्‍तु खजूर दोङबो हाँगा खुरा ओतान। दिबाचेन लुङबा लुङबेते, थर थरगीते, जात जातकीते थेमे खुदुक खुदुक भाषे मि ओतान।

छ्या स्‍ये च्‍युताते बात 8:2

थेमे परमेश्‍वर दोन्‍दु लाला देत्‍कान्‍ते दूत दुईनला ङे थोङसुङ। थेबाला बिकुल दुईन बिन्‍दा ओतान।