लूका 20:38 - जिरेल

³⁸ मि स्‍यिनामेई थोकराङ तोरला डोच्‍या ईन्‍दा ईन्‍सीन परमेश्‍वरला मोशेकी स्‍यिइन सिन्‍दाते ज्‍युज्‍युतेबे परमेश्‍वर ईन सिन सिरच्‍या मेतान। स्‍यिनामेकीङ मि गाङे परमेश्‍वर दोन्‍दु सोम्‍बोराङ ओङगो,” सिन सिदुक।

लूका 20:38 ပူးပေါင်းရင်းမြစ်များ

मत्ती 22:32

चुक सासीन थेरूचेन परमेश्‍वरगी ‘ङा अब्राहाम, इसहाक थेमे याकूब परमेश्‍वर ईन,’ सिन साबा ओत। मि स्‍यिनामेई थोकराङ तोरला डोच्‍या ईन्‍दा ईन्‍सीन ङुरूङ ज्‍युज्‍यु पुर्खा स्‍यिनामेकीङ ङा थेबे परमेश्‍वर ईन सिन परमेश्‍वरगी सिरच्‍याराङ मेतान,” सिन सिदुक।

मर्कूस 12:27

मि स्‍यिनामेई थोकराङ तोरला डोच्‍या ईन्‍दा ईन्‍सीन परमेश्‍वरगी मोशाला ङा खुई ज्‍युज्‍यु पुर्खे परमेश्‍वर ईन सिन सिरच्‍या मेतान। मि स्‍यिनामेई स्‍यिसुङ स्‍यिसुङ, तिरी सोम्‍बो मोलोगो सिन ख्‍योकोनगी सिरच्‍येते बात ईनराङ मेन्‍दे बात ईन,” सिन सिदुक।

लूका 20:39

थेकी दोक सानामेई कोई कोई धर्मे गुरूकी “दि बातओन खुई थेबाला आउदी लेमु खाईन लाःप्‍सुङ गुरू,” सिन सासुङ।

यूहन्‍ना 14:19

था टिक्‍पी दिन तिरीमेकी दि सा लुङबे मिओनगी ङाला थोङराङ मोथोङो। ईन्‍सीनोङ ख्‍योकोनगीचेन ङाला थोङगो। ङा सधैँभरि सोन्‍ला देतेकी खित्‍सादु ख्‍योकोनोङ सोन्‍लाराङ देत्‍क्‍यो।

यूहन्‍ना 6:57

गाङेला जुनी तेरकान्‍ते आबेकी ङाला दुरू ताङाते ईन। थेकी खित्‍सादुराङ ङा सोन्‍गीन देता ओत। थोगी ङे स्‍या साकान्‍तेताङ ठाक थुङकान्‍ते मिङ ङे खित्‍सादु सोन्‍ला देत्‍क्‍यो।

२ कोरिन्‍थी 13:4

ईन्‍दानी मिओनगी स्‍यिङगी थामला टाँए खाला सेत्‍जीन थे छ्याःङ खिता मुथुप्‍कान्‍ते च्‍योकराङ थोङा ओतान। थोक ईन्‍सीनोङ परमेश्‍वरगी थे खोरोङ शक्तिकी थेला सोम्‍बो लोक्‍पेकी थे सोम्‍बोराङ ओत। ख्रीष्‍टताङ जीउज्‍यीकराङ ओङाते मि ङ्योकोनलाङ मिओनगी छ्याःङ खिता मुथुप्‍कान्‍ते च्‍योकराङ थोङगो। ईन्‍सीनोङ ङ्योकोनगी ख्‍योकोन नाङ खित्‍च्‍येते गाङे काम ख्रीष्‍टताङ जीउज्‍यीकराङ ओङगीन परमेश्‍वर शक्ति छ्य्‌वापेकी खित्‍च्‍येते ईन।

२ कोरिन्‍थी 6:16

परमेश्‍वर मन्‍दिर ओङगीन सिन्‍दाते मिओन ल्‍हा ल्‍हन्‍डीकताङ चुक खाला डिक्‍पा ओङगीते? ङुरूङनी सोम्‍बोते परमेश्‍वर मन्‍दिर ईन। ङुरूङ थोक्‍ते मि ईन सिन परमेश्‍वरगी थे खोरोङ बातला “ङा थेबाताङ ङ्योम्‍बुराङ देत्‍क्‍यो। दोक खाला ङा थेबे परमेश्‍वर ओङला थेबाला ङाराङ मि ईन सिओ,” साबा ओत।

हिब्रू 11:16

तर था थेबा देताला डुइन ओताते लुङबानी खोपरोङगी ताङगीन वाबाते लुङबा भन्‍दाङ खापान खापान लेमुते ईन। थेचेन स्‍वर्गने ओत। थोगीराङ खोचेन अब्राहाम, इसहाक थेमे याकूबकी माने खाबाते परमेश्‍वर ईन सिरजीन थेला छ्याःङ ङोचा मालाङो। थेबे परमेश्‍वर ईन्‍देकीराङ थेकी स्‍वर्गने थेबा देत्‍च्‍येते सारोङ जोबा ओत।

छ्या स्‍ये च्‍युताते बात 22:1

थेमे दि तिरी थे दूतकी ङाला चाङबोज्‍यीक तेन्‍सुङ। थे चाङबो बिल्‍लौर सिराते यु च्‍योकराङ साङलोई ओतान। थे चाङबो छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थे चाङबोचेन परमेश्‍वरताङ लुई रीउ देत्‍च्‍येते सिंहासनदुकी थेन्‍गीन