लूका 2:51 - जिरेल

⁵¹ ईन्‍सीनोङ आमातेकीचेन दि बाततेबा सेमगी नाङराङ ज्‍याक्‍सुङ। थेरूई येशू थे खोरोङ आबा आमाताङ नासरतपाराङ ग्‍युरगीन गाल्‍गीन देत्‍सुङ। थेकी थेबेकी लाःपा कोताते लेमु खाला ङेन्‍गीन ओतान।

लूका 2:51 ပူးပေါင်းရင်းမြစ်များ

मत्ती 12:46

येशू थोक खाला मिओनताङ बात खिन ओते बेलालाराङ थेते आमातेताङ न्‍वातेबा थेला ठेताला थेरू ख्‍योल्‍सुङ। थेमे फिनामाराङ देत्‍कीन थेबेकी थेला फिनामा स्‍योक सि सिन कातोङ ताङसुङ।

मत्ती 3:15

थेकी थोक खित्‍जीन येशूकी “मेन, जे ईन्‍सीनोङ खुई ङाला बप्‍तिस्‍मा नाङ। च्‍यिला सासीन परमेश्‍वरगी खि साबातेबरी ङेन्‍दाला ङुरूङगी दोकराङ खाला काम खिता फाप्‍क्‍यो,” सिन सिदुक। थेमे यूहन्‍नेकी थेला छ्युला लुगीन बप्‍तिस्‍मा बिन्‍सुङ।

मर्कूस 1:9

यूहन्‍ना दोक खिन ओते बेलाला येशू गालील अञ्‍चलदु फाप्‍च्‍येते नासरतदुकी यूहन्‍ना ओत्‍सादु लेप्‍सुङ। थेमे यूहन्‍नेकी थेला यर्दन चाङबोदुराङ छ्युला लुगीन बप्‍तिस्‍मा बिन्‍सुङ।

मर्कूस 6:3

दिनी दुरू स्‍यिङगी काम खित्‍कान्‍ते मिराङनी ईन। दि मरियम फुज्‍युङ मेनरो? दि याकूब, योसेस, यहूदाताङ शिमोनबे आज्‍योराङनी ईन। थेमे दिते नुमुतेबाङनी गाङे दुरूराङ ओत,” सिन थेला दिङ सु ईन्‍देरो सिराच्‍योक खासुङ। थेबेकी थेला छ्याःङ मान माक्‍यासुङ।

लूका 18:37

थेमे येशूताङ ख्‍याम्‍गीन ओताते मिओनगी थेला “नासरतपे येशू ओङगीन दुक,” सिन लाःप्‍सुङ।

लूका 2:19

मरियमगीचेन थेबेकी साबाते बातबरी गाङे सेमगी नाङ ज्‍यागीन गुने खिन देत्‍सुङ।

लूका 2:39

परमेश्‍वर नियमला खि साबाते कामबरी खाईन सिन्‍नामेकी यूसुफताङ मरियम फिजा खुरगीन यरूशलेमदुकी गालील अञ्‍चल नासरत सारनापा ग्‍युरगीन गाल्‍सुङ। थेबे खाम्‍बा नासरतदुराङ ओतान।

लूका 4:16

दोक खिन लोप्‍कीन लोप्‍कीन डोजीन येशू नासरतपा लेप्‍सुङ। थे थेरूराङ हुर्के खाबा ओतान। सधैँ च्‍योकराङ खाईन थे थेरूङ सन्‍चारी छोमु मिटिङ खित्‍च्‍येते खाम्‍बादु गाल्‍सुङ। थेमे थे थेरू जम्‍मा ओङाते मिओन दोन्‍दु परमेश्‍वर बात पढे खिताला लासुङ।

लूका 4:23

थेबेकी थे खोरोङला चुक खिन दुका सिन छ्या स्‍येकीन थेकी थेबाला “ज्‍येनला ठाक्‍पा खित्‍कान्‍ते डाक्‍टरगी थे खोरोङलाङ ठाक्‍पा खिता फाप्‍क्‍यो सिरच्‍येते ङुरूङते उखानज्‍यीक ओत। ख्‍योकोनचेन ङाला होथे उखानला साबा च्‍योकराङ खित ज्‍युता छोल्‍गीदुक। च्‍यि सासीन कफर्नहुमदु खाबा च्‍योक्‍ते अचम्‍बते काम खो दुरू दाक्‍पोन युलदुङ खि। थेमेकामा ङ्योकोन खुई बात पत्ते खिओ सिराच्‍योक खिदुक।

एफिसी 5:21

प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन थेला मान खिन ङा ङाराङ ईन सिराच्‍योक मिक्‍किता खाला ख्‍योकोन दोक्‍पोईकी ज्‍येनज्‍यीक बात ङेन्‍च्‍येते खि।

१ पत्रुस 2:21

होदोक खाला दुक्‍पा भोगे खितालाराङ परमेश्‍वरगी ख्‍योकोनला थे खोरोङ दोन्‍दु स्‍योक सिन काताङाते ईन। ख्रीष्‍टकी ख्‍योकोन लाईदु थोई दुक्‍पा भोगे खासुङा सिन ख्‍योकोनला छ्याराङ ओत। थोक खाईन थेकी दुक्‍पा ओङजीन चुक खिता फाप्‍कीते सिन तेन्‍गीन बिन्‍दा ओतेकी ख्‍योकोनगीङ थेकी च्‍योकराङ खि।