लूका 2:37 - जिरेल

³⁷ ख्‍योबोते स्‍यिनामेकी थोजोराङ देत्‍कीन था थे लो खाल स्‍यीताङ स्‍यी गाला ओतान। थेचेन ङीन नुप परमेश्‍वर मन्‍दिरदु परमेश्‍वरला प्रार्थना खिन देत्‍कीन ओतान। परमेश्‍वरला झन छ्ये ज्‍वा थुप्‍स्‍यीत सिन थे बेला बेलाला बर्तङ देत्‍कीन ओतान।

लूका 2:37 ပူးပေါင်းရင်းမြစ်များ

लूका 5:33

थेमे थे फरिसी पाटी मिओनगी येशूला “यूहन्‍ने चेलाओनताङ फरिसी पाटी मि चेलाओन बेला बेलाला बर्त देत्‍च्‍येते थेमे प्रार्थना खित्‍च्‍येते खिदुक। खुई चेलाओनचेन च्‍यिला बर्त मेदेत्‍का?” सिन ठिसुङ।

शक्ति काम 13:3

परमेश्‍वर आत्‍मेकी थोक सानामेई थेबेकी थोरूमोङ बर्त देत्‍कीन परमेश्‍वरला प्रार्थना खासुङ। थोक खाईन सिन्‍नामेकी थेबेकी बारनाबासताङ शावल लाक्‍तु लाक्‍पा ज्‍यागीन प्रार्थना खासुङ। थेमे परमेश्‍वर आत्‍मेकी थेबाला खि साबाते काम खिताला थेरूकी ताङसुङ।

शक्ति काम 14:23

थेबा ङिबोकी होथे सार सारला जम्‍मा ओङकान्‍ते येशू ख्रीष्‍ट मिओनला ताप्‍ला थेबे नाङदुईराङ कोई कोई मि छाने खाईन ज्‍याक्‍सुङ। थेमे बर्त देत्‍ला प्रार्थना खिनकामा थेबा ङिबोकी येशू मि गाङेला लेमु खाला तो सिन प्रभु येशू लाःक्‍तुराङ सोम्‍पे खासुङ।

शक्ति काम 26:7

परमेश्‍वरगी दि जमान पूरो खाबाते थोङा ङेत्‍स्‍यीत सिन आश खाईन ङ्योकोन थर च्‍युन्‍ङी यहूदी गाङेराङ ङीन नुप थेला माने खिन गुकीन देता ओत। यहूदी गाङेकी आश खाईन गुकीन देताते दि बातला ङे पक्‍काराङ ईन सिरजीनचेन होथेबेकीराङ ङाला दोक खाईन दोष लै खाबाते ईन सरकार।

१ तिमोथी 5:5

ख्‍योबो स्‍यिइन ताकान सुङ मेत्‍कीन पक्‍काराङ दुक्‍पा ङेताते फेम्‍मे मिचेन परमेश्‍वरगी थे मोरोङला तेइओ सिन ङीन नुप थेत्ताङ प्रार्थना खिन देत्‍क्‍यो।

छ्या स्‍ये च्‍युताते बात 3:12

शैतान शक्तिला ग्‍याल्‍कान्‍ते मिला ङा ङे परमेश्‍वर मन्‍दिरदु थाम जोला ज्‍य्‌वाक्‍यो। थेमे थे सधैँ थेरूराङ देत्‍क्‍यो। थे मि लाक्‍तु ङा ङे परमेश्‍वर मिन टिइओ। थोकराङ खाला ङा स्‍वर्गनेकी ङे परमेश्‍वर छ्य्‌वापेई ओङच्‍येते परमेश्‍वर सार साम्‍बाते यरूशलेम मिनताङ ङाराङ साम्‍बाते मिनोङ थे मि लाक्‍तु टिइओ।

छ्या स्‍ये च्‍युताते बात 7:15

थोगीराङ दिबा ङीन नुप परमेश्‍वर मन्‍दिर नाङ परमेश्‍वर सिंहासन दोन्‍दु देत्‍ला थेला छ्ये जोइनराङ देत्‍कीदुक। सिंहासन लाक देत्‍कान्‍ते थेबाताङ ङ्योम्‍बुराङ देत्‍ला थेकी थेबाला लेमु खाला तेइओ।