28 थे फिजा थोङासात्तु थेकी थेला फाङदु लासुङ।
थोक साकीन सिन्नामेई थेकी थे फिजाओनला फाङदु लिन्गीन थेबे लाक्तु लाक्पा ज्याक्ला आशी तेरगीन खासुङ।
थेमे थेकी फिजाज्यीकला थेबे दोन्दु क्याल्सुङ। थेमे थे फिजाला फाङबा ताप्कीन
थेरूई मरियमगीङ “प्रभु परमेश्वरते जय जय ओङस्यीत सिन ङा थेला सेमदुकीराङ छ्ये जोइओ।
फुज्युङते मिन टिला तेन्दासात्तु जकरिया लोक्ला खाला बात थेन्च्या गाल्गीन परमेश्वरला छ्ये जोइन बात खिताला स्यूसुङ।
“था ङुरूङ इस्राएली गाङेराङ प्रभु परमेश्वरते जय जय खिइ। थेचेन थे खोरोङगी छाने खाबाते मि ङुरूङला दुक्पादुकी टाल्ला लेमु खित्कान्ते ईन।
तिरी थेबाबरी खोपरोङ लुक ओत्सापा ग्युरगीन लिच्युङ। खोपरोङगी थोबातेताङ थोङाते गाङे बातकी लाईदु थेबेकी परमेश्वरते जय जय खासुङ। परमेश्वर दूतकी खोपरोङला जस्तो साबा ओतान गाङे बात उस्तोराङ ओङा ओतान।
परमेश्वर नियमला खि साबा च्योकराङ खिताला येशूला मन्दिरपा खेरे छोमु परमेश्वर आत्मेकी शिमियोनलाङ गोमाका थेपा डोर च्युता ओतान। येशूला खुरला आबातेताङ आमाते मन्दिर नाङ स्यूक्जीन शिमियोनगी थेबाला थोङसुङ।
थेमे परमेश्वरते जय जय खिन “प्रभु परमेश्वर, खुई ङाला गोमा छ्या स्ये च्युताते बात साबा च्योकराङ खासुङ। थानी ङा स्यिसीनोङ ङाला छ्याःङ दुक्पा मेत।
