लूका 19:20 - जिरेल

²⁰ तर दोक्‍पोईकीचेन वाकीन च्‍यि साकालो सासीन ‘हजूर, लो या खुई सेरगी डबल लोङ। तोरगीता सिन ङे दि लेमु खाईन रूमालला तुम्‍गीन ज्‍याक्‍पाप।

लूका 19:20 ပူးပေါင်းရင်းမြစ်များ

मत्ती 25:24

तर थे चाँदी डबल धार्नी च्‍युन्‍ङीजो बिन्‍गीन ज्‍याक्‍पा ओताते मिकीचेन मालिकते दोन्‍दु वाकीन च्‍यि सादुक्‍लो सासीन ‘हजूर, खो आउदी खोक्‍पोते मि ईन। खुई खोरोङगी लै माक्‍याबाते बालीनाली रूइओ। दोक खाला ज्‍येनगी लै खाबाते बालीनाली खोरोङते ईन सिन सिओ सिन ङाला छ्या ओतान।

लूका 19:13

थोक खाला ड्वा भन्‍दा गोमा थेकी दरवारदु काम खित्‍कान्‍तेबा मेरा च्‍युताम्‍बाला काताङगीन च्‍याकीन ‘ङा दुरू ग्‍युरला ओङकेसाकला ख्‍योकोनगी दि पैसा बेपारला खेलो खि,’ सिन साकीन गाङेला सेरगी डबल रेरे बिन्‍गीन ज्‍यागीन थे थेरूकी ख्‍याम्‍दुक्‍लो।

लूका 19:19

थे गेल्‍बोकी थेलाङ ‘खुई लेमु खादुक, ङा खोल्‍लाङ सार ङाला राज्‍य खित ज्‍युत्‍क्‍यो,’ साकीन थेलाङ थोस्‍यिक सारला राज्‍य खित च्‍युत्‍तुक्‍लो।

लूका 19:21

ङाला ज्‍यीबा लाबेकी ङे दोक खाईन ज्‍याक्‍पाप। च्‍यिला सासीन खो आउदी खोक्‍पोते मि ईन। खुई खोरोङते ईनराङ मेन्‍दातेङ खोरोङगी ङेत्‍च्‍या जोइओ। थेमे खोरोङगी लै माक्‍याबे बालीनालीङ खुई रूइओ,’ सिन सादुक्‍लो।

लूका 3:9

बरू च्‍याङबो खि, फलफूल मोगोन्‍च्‍येते दोङबो चाप्रेनपाराङ टिलाला था परमेश्‍वरगी तरी मच्‍चे खाईन सिन्‍दा ओत। होथोक्‍ते दोङबो था गाङे टिल्‍ला स्‍येइओ,” सिन सिदुक।

लूका 6:46

थेमे ख्‍योकोन ङे साबाते बात ङेनराङ मेङेन्‍कान मिङ ङाला माने खित्‍च्‍या सिन प्रभु खो छ्ये ईन सिन च्‍यिला सिते?

यूहन्‍ना 11:44

थेमे थे स्‍याप्‍ते लाजरस दाक फिनामा थेन्‍गीन लिच्‍युङ। थेला फुकदु ज्‍य्‌वाजीन लाक्‍पा काम्‍बा ठीलाते कार्मुते खोलाक थोरूमोङ ठीलाते ठीलाराङ ओतान। छ्येतनापा ठीलाते खोलाकोङ थोगी थोकराङ ओतान। थेमे येशूकी थेबाला “लो दिला फुकदु ज्‍य्‌वाजीन ठीलाते गाङे टोल्‍ला बिन, दि ख्‍याम्‍बा थुप्‍स्‍यीत,” सिन सिदुक।

यूहन्‍ना 20:7

थेमे थे गोःला ठीलाते खोलाकचेन जीउला ठीलाते खोलाकताङ मेन्‍गीन छ्य्‌वाज्‍यीक्‍तु खुदुकराङ ओतान।

याकूब 4:17

सुइँदेकी दाक्‍पोनगी चुक खिता फाप्‍कीते, च्‍यि खिता फाप्‍कीते सिन छ्या स्‍येकीन स्‍येकीनोङ थोक माक्‍यासीन थेकी पाप खाबाते ईन।