लूका 18:43 - जिरेल

⁴³ येशूकी थोक सिराईताङ थे मिक दाक थोङच्‍या गाल्‍सुङ। थोक ओङनामेई थे परमेश्‍वरते जय जय खिन येशूताङराङ ख्‍याम्‍सुङ। थोक अचम्‍बते काम ओङा थोङगीन थेरू ओताते मि गाङेकीङ परमेश्‍वरते जय जय खासुङ।

लूका 18:43 ပူးပေါင်းရင်းမြစ်များ

मत्ती 11:5

चुक सासीन अन्‍धतेबा थोङा थुप्‍च्‍या गालाते, कुज्‍येतेबा ख्‍याम्‍बा थुप्‍च्‍या गालाते थेमे जे खोबाते मिओन ठाक्‍पाते बात थेला सि। थोकराङ खाला ओन्‍बातेबा थोबा थुप्‍च्‍या गालाते, स्‍याप्‍ते मिओन सोम्‍बो लोक्‍पाते थेमे छ्याःङ मेताते मिओनला गा लाङच्‍येते बात लाप्‍कीन बिन्‍दाते बाततेबाङ गाल्‍ला थेला सि।

मत्ती 21:14

थेमे अन्‍धतेताङ ख्‍याम्‍बा मुथुप्‍कान्‍ते कुज्‍येतेबा थेरू मन्‍दिरदु येशू ओत्‍सादु ख्‍योल्‍सुङ। थेमे थेकी थेबाला मिगी थोङच्‍या थेमे ख्‍याम्‍बा थुप्‍च्‍या जोकीन बिन्‍सुङ।

मत्ती 9:8

थेरू थोक ओङा थोङगीन मि गाङेराङ आउदी खाईन आते खासुङ। थेमे थेबेकी परमेश्‍वरगी मिलाङ दोक छ्येज्‍यीक शक्ति बिन्‍दा ओताक्‍वा सिन परमेश्‍वरते जय जय खासुङ।

लूका 13:17

थेकी थोक सानामेई थे छ्येते मि थेमे थेत्ताङ डिक्‍कान्‍ते गाङेते नोउ तेन्‍च्‍ये लामराङ मादेत्‍सुङ। ज्‍येन मिओनचेन दि मिकी चुक अचम्‍बतेन्‍दे काम खिका सिन गा खासुङ।

लूका 19:37

दोक खिन खिन येशू जैतुन बोमगी लाक लेप्‍सुङ। थेरूकीचेन लाम थुल फाप्‍कीन ओतान। बोमदुकी यरूशलेम सारला थोङगीन चेला च्‍युन्‍ङीताङ ज्‍येन चेलातेबा गाङेराङ गा खिन छेरा खिनकामा येशूकी खाबाते अचम्‍बते कामताङ बातओन लाईदु परमेश्‍वरते जय जय खिताला स्‍यूसुङ।

लूका 4:39

थेमे गाल्‍गीन थेकी “खोल्‍ला ठास्‍युम तोरस्‍यीत,” सिन सानामेकी थेते ठास्‍युम दाक छ्याक्‍सुङ। थेमे थेकी लाकीन गाङेला साप जोकीन बिन्‍सुङ।

लूका 5:26

थोक ओङा थोङनामेई थेकी चुक अचम्‍बज्‍यीक काम खासुङा सिन छक्‍क परे खिन मि गाङेकी परमेश्‍वरते जय जय खासुङ। थेमे थेबा आते खिनकामा “आबिई ङुरूङगी थरिङ चुक अचम्‍बज्‍यीक काम थोङसुङा,” सिन सिराला स्‍यूसुङ।

लूका 9:43

परमेश्‍वरते थोक छ्येज्‍यीक शक्ति थोङगीन मि गाङे छक्‍क परे खासुङ। मि गाङेराङ येशूकी खाबाते दोक्‍ते अचम्‍ब अचम्‍बे काम थोङगीन छक्‍क परे खाबा ओतान। थेमे थेजीनराङ थेकी चेलातेबाला

शक्ति काम 11:18

थेकी दि गाङे बात सानामेकी गोमा थेला ङारकान्‍ते मि गाङेराङ खाराक्‍पा देत्‍सुङ। थेमे थेबेकी परमेश्‍वरते जय जय खिनकामा “दि चुक अचम्‍बे बात ईन्‍दाका। थानी परमेश्‍वरगी ङुरूङगी च्‍योकराङ खाला ज्‍येन ज्‍येन जातकी मिकीङ नोमुङ मिसिन्‍च्‍येते जुनी ङेत्‍स्‍यीत सिन थेबाला खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍ये मौका तेराला स्‍यूदुक,” सिन बात खासुङ।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

शक्ति काम 4:21

थेबेकी थोक सानामेई थे छ्ये छ्ये मि गाङेकी थेबा ङिबोला सजाय तेराला छ्याःङ निउँ माङेत्‍कीन “ङ्योकोन बात माङेन्‍सीन ख्‍योकोनला मेलेबा ओङगो याङ, ख्‍योकोन होस खि,” सिन लोईन ज्‍यीबा तेन्‍गीन थोकराङ ताङसुङ। च्‍यिला सासीन थोक अचम्‍बते काम ओङा थोङगीन मि गाङेराङ थे बातकामा खिन परमेश्‍वरते जय जय खिन ओतान।

गलाती 1:24

ङे थोक खिताला स्‍यूदुक्‍लो सिन छ्या स्‍येनामेई थेबेकी परमेश्‍वरगी चुक अचम्‍ब काम खासुङा सिन थेते जय जय खाबा ओतान।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।