लूका 18:19 - जिरेल

¹⁹ थोक सिरजीन येशूकी “खो ङाला लेमु मि सिन मासेर। परमेश्‍वरकामा लेमु ईन सिन सिरा फाप्‍क्‍यो।

लूका 18:19 ပူးပေါင်းရင်းမြစ်များ

लूका 1:35

थे दूतकी “था खुई परमेश्‍वर आत्‍मा ङेत्‍ला गाङे भन्‍दा छ्येते परमेश्‍वर शक्तिकी खित्‍सादु फुज्‍यीमा खुरग्‍यो। थोगी खुई केबाते थे फिजाला सेमला पाप सिराते छ्याःङ मेताते थेमे परमेश्‍वर फुज्‍युङ ईन सिन सिओ।

लूका 11:13

ख्‍योकोन पापी मिकीनी खेराङ फिजाओनला जे तेरा फाप्‍च्‍येते ईन थेराङ तेरगीदुक सासीन स्‍वर्गने देत्‍कान्‍ते ख्‍योकोन आबा परमेश्‍वरगी झन च्‍यिला मेतेरतेरो? परमेश्‍वर आत्‍मा नाङ सिरकान्‍तेबाला थेकी गा खिन तेरग्‍यो,” सिन सिदुक।

लूका 18:18

थेमे पालोई यहूदीओनते छ्येते मिज्‍यीगी येशूला “गुरू, खो लेमु मि ईन सिन ङाला छ्या ओत। थोगी नोमुङ मिसिन्‍च्‍येते जुनी ङेताला ङे च्‍यि खिता फाप्‍कीते, लाप्‍ला नाङना,” सिन सिदुक।

लूका 18:20

परमेश्‍वरगी बिन्‍दाते छ्ये छ्ये नियमला च्‍यि च्‍यि साबा ओते सिन खोल्‍ला छ्याराङ ओतासीन। थे नियमलाचेन ‘रन्‍डीबाजी खिता मेङगो, मि सेता मेङगो, क्‍वा मेङगो, मेन्‍दे बातला सुङलाङ दोष लै खिता मेङगो, आबा आमाला मान खिता फाप्‍क्‍यो,’ सिन साबा ओत। खुई होदि नियमओनराङ ङेन,” सिन सिदुक।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

हिब्रू 7:26

ङुरूङला गोबाते गाङे भन्‍दा छ्येते पूजारीङ येशू च्‍योक्‍तेराङ ईन। थे सेमला पाप सिराते छ्याःङ मेत, सुङगीङ थेला दिकी दि दि गल्‍ती खासुङ सिन सिरा मुथुबो, थेकी मेलेबा सिराते छ्याःङ खाबा मेत। पापी मि च्‍योकराङ थे मेन, मि भन्‍दा खुदुकराङ ईन। थे छ्येज्‍यीक मान ङेत्‍कीन स्‍वर्गने देता ओत।

याकूब 1:17

च्‍यि सासीन लेमुते सिराते जेसुकै ङुरूङला स्‍वर्गने देत्‍कान्‍ते आबा परमेश्‍वरगी तेरग्‍यो। मेलेबाते सिराते थेकी ङुरूङला छ्याःङ मेतेरो। दागार, ङीमाताङ कार्मा जोकान्‍ते थेराङ ईन। दागार ङीमा स्‍याराताङ गाबाच्‍योक खाला थे नोमुङ खुदुक मोन्‍डोओ।