लूका 18:17 - जिरेल

¹⁷ फिजाओन च्‍योक मिक्‍किता खाला ङा ङाराङ ईन सिराच्‍योक खित्‍कान्‍ते मिचेन सुङ परमेश्‍वर राज्‍यदु स्‍यूक्‍पा मेङेदो। दि बात ख्‍योकोनगी टोक माज्‍येत,” सिन सिदुक।

लूका 18:17 ပူးပေါင်းရင်းမြစ်များ

मत्ती 18:3

“लो दि फिजाला तो। स्‍वर्गे राज्‍यदु छ्ये टेक्‍टे सिराते बात ख्‍योकोनगी विचार खाबाच्‍योक मेङगो। फिजाओनचेन ङा ङाराङ ईन सिराच्‍योक मिक्‍किओ। ख्‍योकोनोङ छ्ये खिता ताङला फिजाओन च्‍योकराङ ओङा फाप्‍क्‍यो। थोक मायाङथुप ख्‍योकोन नोमुङ स्‍वर्गे राज्‍यदु स्‍यूक्‍पा मेङेदो।

मत्ती 19:14

तर येशूकीचेन “फिजाओनला दुरू खुला माङ सिन माङार। थेबाला ङा ओत्‍सादु ओङ छ्युत। दि फिजाओन थेमे होदिबा च्‍योकराङ ङा ङाराङ ईन सिराच्‍योक मिक्‍किकान्‍ते मिओनराङ स्‍वर्गे राज्‍यने स्‍यूक्‍पा ङेत्‍क्‍यो,” सिन सिदुक।

मर्कूस 10:15

फिजाओन च्‍योक मिक्‍किता खाला ङा ङाराङ ईन सिराच्‍योक खित्‍कान्‍ते मिचेन सुङ परमेश्‍वर राज्‍यने स्‍यूक्‍पा मेङेदो। दि बात ख्‍योकोनगी टोक माज्‍येत,” सिन सिदुक।

लूका 18:16

तर येशूकीचेन “फिजाओनला दुरू खुला माङ सिन माङार। थेबाला ङा ओत्‍सादु ओङ छ्युत,” सिन साकीन फिजाओनला थे खोरोङ दोन्‍दु काताङसुङ। थेमे थेकी “दि फिजाओन थेमे होदिबा च्‍योकराङ ङा ङाराङ ईन सिराच्‍योक मिक्‍किकान्‍ते मिओनराङ परमेश्‍वर राज्‍यने स्‍यूक्‍पा ङेत्‍क्‍यो।

१ कोरिन्‍थी 14:20

आज्‍यो न्‍वावे, था ख्‍योकोनगी लेमुताङ मेलेबा डेला मुथुप्‍कान्‍ते फिजा च्‍योक माकेत बरू छारगीन लेमु खाईन बुद्धि स्‍यूबाते मिकी च्‍योक खाला काम खि। मेलेबाते कामचेन छ्याःङ खिता मास्‍येबाते बालकते फिजा च्‍योक ओङला देत।

१ पत्रुस 1:14

लाःपा कोताते ङेन्‍कान्‍ते फिजा च्‍योकराङ ओङला परमेश्‍वरगी कोताते ङेन। गोमाबा ख्‍योकोन छ्याःङ छ्या मेस्‍येकान्‍ते मि च्‍योक दाक्‍पोन सेमला लाबा लाबा खिन ओतान, था थोक माकेत।

१ पत्रुस 2:2

बरू बालकते फिजेकी याङ याङ नुमा थुङा सेम खाबाच्‍योक खाला ख्‍योकोनगीङ परमेश्‍वर बात ङेन्‍ला थेरू खि साबा साबा खित्‍च्‍ये छ्य्‌वापाकामा सेम खि। परमेश्‍वर बातचेन मि बात मेन्‍देकी गाङे सत्‍यते बात ईन। दि बात ङेन्‍ला थेरू खि साबा च्‍योकराङ खिन गाल्‍नामेई ख्‍योकोन मेलेबा काम खिता ताङला पाको डुइओ।