लूका 17:25 - जिरेल

²⁵ तर दि भन्‍दा गोमाचेन ङे आउदी दुक्‍पा भोगे खिता फाप्‍क्‍यो। था मिओनगी दिला परमेश्‍वरगी ताङाते ईनराङ मेन साला ङाला आउदी मेलेबा खिओ।

लूका 17:25 ပူးပေါင်းရင်းမြစ်များ

मत्ती 16:21

थेमे दि तिरीमेकीचेन येशूकी चेलातेबाला “था ङा यरूशलेमपा ड्वा फाप्‍क्‍यो। थेपा गाल्‍नामेकी यहूदी छ्ये छ्ये मि, छ्ये छ्ये पूजारीताङ धर्मे गुरूओनगी ङाला आउदी दुक्‍पा तेरग्‍यो। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन थे खोरोङला च्‍यि ओङगीते, चुक ओङगीते सिन लाःपाला स्‍यूसुङ।

मत्ती 21:42

थेबेकी थोक सानामेई येशूकी “च्‍यि ख्‍योकोनगी परमेश्‍वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ। प्रभु परमेश्‍वरगीराङ थे दोला दोक जोबाते ईन। थेकी थोक अचम्‍ब काम खाबाते ङ्योकोनगी थोङा ओत,’ सिन टिबा ओत।

मर्कूस 10:33

थेकी थेबाला “लो दि बात ङेन। ङुरूङ यरूशलेमने डुइन ओत। थेने लेप्‍नामेकी परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला छ्ये छ्ये पूजारीताङ धर्मे गुरूओन लाःक्‍तु सोम्‍पे खिओ। थेबेकीचेन ङाला सजाय बिन्‍ला सेता फाप्‍क्‍यो सिन लोक्‍ला ज्‍येन ज्‍येन जातकी मि लाःक्‍तु सोम्‍पे खिओ।

मर्कूस 12:10

च्‍यि ख्‍योकोनगी परमेश्‍वर बातला दोक सिन टिबाते बात पढे खासीनोङ खोबा मेत? थेरूचेन चुक सिन टिबा ओते सासीन ‘जुन दोला कर्मीओनगी कामराङ लै मिक्‍किओ सिन क्‍युरा ओतान, थे दोराङ आउदी काम लै खित्‍च्‍या थे मेताला छ्याःङ खिता मुथुप्‍च्‍या ओङसुङ।

मर्कूस 8:31

थेमे दि तिरीमेकीचेन येशूकी चेलातेबाला “था परमेश्‍वर ओत्‍सादुई वाबाते मि ङे आउदी दुक्‍पा भोगे खिता फाप्‍क्‍यो। यहूदी छ्ये छ्ये मि, छ्ये छ्ये पूजारी थेमे धर्मे गुरूओनगी ङाला परमेश्‍वरगी ताङाते ईनराङ मेन सिन सिओ। थेमे सेदोङ ज्‍युत्‍क्‍यो। तर ङीमा सुम तिरी ङा सोम्‍बो लोइओ,” सिन थे खोरोङला ओङच्‍येते बाततेबा लाःपाला स्‍यूसुङ।

मर्कूस 9:31

च्‍यिला सासीन थेकी चेलातेबाला थोरूमोङ बात लोपा फाप्‍च्‍या ओतान। दोक खाला डुइन डुइन थेकी चेलातेबाला “था परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला ज्‍येन मि लाःक्‍तु सोम्‍पे खिओ। थेमे थेबेकी ङाला सेत्‍क्‍यो। तर ङीमा सुम तिरी ङा सोम्‍बो लोइओ,” सिन सिदुक।

लूका 18:31

थेमे येशूकी थे खोरोङ चेला च्‍युन्‍ङीला मि नाङदुकी टिक्‍पी फजेकपा खेरगीन “लो दि बात ङेन। ङुरूङ यरूशलेमने डुइन ओत। थेने लेप्‍नामेकी परमेश्‍वर बात खित्‍कान्‍तेबेकी परमेश्‍वर ओत्‍सादुई वाबाते मि ङाला चुक चुक ओङगीते सिन टिबाते गाङे बात साबा च्‍योकराङ ओङगो।

लूका 18:33

कोर्रा लै खिओ थेमे सेत्‍क्‍योदोङ। तर सेताते ङीमा सुमगी छोमु ङा सोम्‍बो लोइओ,” सिन सासुङ।

लूका 24:46

दोक खाला लाप्‍ला तेरजीन थेकी थेबाला “परमेश्‍वर बातला परमेश्‍वरगी तोङगो साबाते ख्रीष्‍टकी आउदी दुक्‍पा भोगे खाला स्‍या फाप्‍क्‍यो। तर स्‍याप्‍ते ङीमा सुमगी छोमु सोम्‍बो लोइओ सिन टिबा ओत।

लूका 9:22

थोरूमोङ बात खिन येशूकी थेबाला “परमेश्‍वर ओत्‍सादुई वाबाते मि ङे आउदी दुक्‍पा भोगे खिता फाप्‍क्‍यो। यहूदी छ्ये छ्ये मि, छ्ये छ्ये पूजारी थेमे धर्मे गुरूओनगी ङाला परमेश्‍वरगी ताङाते ईनराङ मेन सिन सिओ। थेमे सेदोङ ज्‍युत्‍क्‍यो। तर सेताते ङीमा सुमगी छोमु परमेश्‍वरगी ङाला सोम्‍बो लोइओ,” सिन सिदुक।

यूहन्‍ना 1:11

दाक्‍पोन लुङबाताङ मि नाङ देताला ओङजीन दाक्‍पोन मिओनगीराङ दिङ सु ईन्‍देरो सिराच्‍योक खाईन थेला वास्‍ता माक्‍यासुङ।

यूहन्‍ना 12:38

थेबेकी थोक खानामेई परमेश्‍वर बात खित्‍कान्‍ते यशैयेकी “प्रभु परमेश्‍वर, ङ्योकोनगी साबाते बात गाङेकी थोसीनोङ सुई नामज्‍योक सेत्‍सुङारो? थेमे खुई छ्ये छ्ये काम खाईन तेन्‍सीनोङ प्रभु परमेश्‍वर खोत्ताङ चुक छ्येज्‍यीक शक्ति ओता ईन्‍दाका सिन सुई छ्या स्‍येसुङारो?” सिन टिबाते बात साबा च्‍योकराङ ओङसुङ।