लूका 16:25 - जिरेल

²⁵ थेकी थोक सिरजीन अब्राहामगी ‘फुज्‍यो, खुई गोमे बात ठेम्‍बा खि। थोङला खुई स्‍यीम्‍बु स्‍यीम्‍बु सोकीन थुकीन जुनी क्‍याङा ओतान। थेजीन लाजरसकी चुकस्‍यिक दुक्‍पा ङेता ओताने सिन खुई टोक ज्‍येता मेतासीन। था दि दुरू आनन्‍द खाईन देत्‍ला दुक। थेमे खोचेन दुक्‍पा भोगे खिन दुक।

लूका 16:25 ပူးပေါင်းရင်းမြစ်များ

मत्ती 27:63

“हजूर, बातज्‍यीक च्‍यि सासीन थे खोरोङ ख्रीष्‍ट ईन सिन मिओनला ढाँर खित्‍कान्‍तेकी थे सोम्‍बो ओत्‍जीनराङ ‘स्‍याप्‍ते ङीमा सुमगी छोमु ङा लोक्‍ला सोम्‍बो लोइओ,’ सिन साबाते बात ङ्योकोनला ठेम्‍बा लासुङ।

मर्कूस 9:45

थेमे ख्‍योकोनगी खेराङ काम्‍बेकी खित्‍सादु मेलेबाते काम खासुङ सासीन थे काम्‍बाराङ तुप्‍ला क्‍युर। थे काम्‍बेकी खित्‍सादु नरककुण्‍डमा स्‍यूक्‍पा भन्‍दानी बरू ख्‍योकोन ठुटे डुँरे गाल्‍ला नोमुङ मिसिन्‍च्‍येते जुनी ङेत्‍ला स्‍वर्गने देता काल्‍बेई लेमु ईन।

लूका 16:20

थेमे थे ठाउँदुराङ लाजरस सिराई नाङ खित्‍कान्‍ते मिज्‍यीगोङ ओतानलो। थेते जीउ खाङ माराङ मा छोबा ओतानलो। थेमे ज्‍येनगी थेला थे छ्युक्‍पुते मि खाम्‍बे स्‍याङके खादु क्‍याल्‍ला ज्‍य्‌वाकीन ओतानलो।

लूका 16:23

थेमे थेचेन नरककुण्‍डमा फाप्‍तुक्‍लो। थेरू खपे खिता मुथुप्‍च्‍ये दुक्‍पा ङेत्‍कीन स्‍वर्गनेला ताजीन थेकी अब्राहामताङ लाजरसला थोङदुक्‍लो। लाजरसचेन अब्राहाम खादुराङ देता ओता थोङदुक्‍लो।

लूका 16:26

दोस्‍यिककामा मेन, यार मार खिइ सासीनोङ ङुरूङ किल्‍दु लामराङ मेत। थोगी सुङ दुरूकी थेमा फापा मुथुबो, थेमेकी देने जेक्‍पाङ मुथुबो,’ सिन सादुक्‍लो।

लूका 6:24

तर ख्‍योकोन थरिङोला छ्युक्‍पु ओताते मिओनला तिरी मेलेबा ओङगो। च्‍यिला सासीन ख्‍योकोनगी ङेत्‍च्‍येते किम्‍मु ङेत्‍कीन सिन्‍दा ओत।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

शक्ति काम 14:22

थेपा ग्‍युरला डोजीन थेबेकी गोमा खोपरोङ गालाते होथे सार सारला ओताते येशू चेलाओनला “जस्‍तोराङ ओङसीनोङ प्रभु येशूला विश्‍वास खिन देता मातोङ। परमेश्‍वर राज्‍यने ड्वाप्‍ला ङुरूङगी दुरू याङ याङ दुक्‍पा ङेत्‍क्‍यो सिरच्‍येते बात टोक माज्‍येत,” सिन आँट तेरगीन गाल्‍सुङ।

रोमी 8:7

दाक्‍पोन खुशीला ख्‍याम्‍कान्‍ते मिचेन परमेश्‍वर विरोध खित्‍कान्‍ते ईन। थोक्‍तेबेकी परमेश्‍वर नियम मेङेनो। थेबेकी थेरू खि साबाच्‍योक खिताराङ मुथुबो।

फिलिप्‍पी 3:19

थोक्‍ते मिओननी तिरी सजाय ङेत्‍ला नरककुण्‍डमा स्‍यूक्‍पा फाप्‍क्‍यो। थेबेकीचेन खालि साच्‍या थुङच्‍ये बातताङ खोपरोङला जे खिता सेम लाङगीदुक थेराङ खिदुक। थोक मेलेबा काम खासीनोङ छ्याःङ ङोचा मिक्‍किता खाला खोपरोङगी आउदी लेमु काम खाबाप सिरा च्‍योकका खिदुक। थेबेकी खालि दि जुनीला च्‍यि च्‍यि गोच्‍या दुका थेतेकामा विचार खिदुक।

हिब्रू 11:25

परमेश्‍वरला विश्‍वास मिक्‍किकान्‍ते मिओनताङ टिक्‍पी दिन किम्‍मु खाला ङ्योम्‍बु देत्‍ला पाप खिता भन्‍दा थेलाचेन परमेश्‍वरगी छाने खाबाते मिओनताङ दुक्‍पा खपे खिताराङ लेमु लासुङ।

१ यूहन्‍ना 2:15

ख्‍योकोन सुङगीङ परमेश्‍वरला माने मिक्‍किकान्‍ते दि सा लुङबे मिओनगी खिताच्‍योक माकेत, दि सा लुङबे सम्‍पत्तिताङ होदोक्‍ते छ्याःङ कुरोतेङ लोभ माकेत। परमेश्‍वरला माने मिक्‍किकान्‍ते दि सा लुङबे मिओनगी खिताच्‍योक खित्‍कान्‍ते मिकीचेन आबा परमेश्‍वरला ङिङज्‍ये खिता मुथुबो।

छ्या स्‍ये च्‍युताते बात 7:14

ङे थेला “दिबा सु ईन्‍दे सिन हजूर खोल्‍लाराङ छ्या ओत,” सिन सिरजीन थेकी “दिबाचेन आउदी छ्ये छ्ये दुक्‍पा खपे खाईन वाबाते मि ईन। दिबेकी खोपरोङ खोलाक लुई रीउकी ठाकला टुकीन दोक कार्मु जोबाते ईन।