लूका 16:22 - जिरेल

²² थोक खिन खिन तिरी लाजरस स्‍यिदुक्‍लो। थेमे परमेश्‍वर दूतओनगी स्‍वर्गने खेरगीन थेला अब्राहाम खादु ज्‍याक्‍तुक्‍लो। थे तिरी थे छ्युक्‍पुते मिङ स्‍यिदुक्‍लो। थेमे खोपरोङ मिकी थेला सासगास खादुक्‍लो।

लूका 16:22 ပူးပေါင်းရင်းမြစ်များ

मत्ती 18:10

थेमे ङाला विश्‍वास खित्‍कान्‍ते उदि फिजा च्‍योक्‍तेबा सुङलाङ ख्‍योकोनगी हेपे माकेत। च्‍यिला सासीन होदोक्‍तेबाला ताकोरा खित्‍कान्‍ते परमेश्‍वर दूतओनचेन जहिलेङ स्‍वर्गने देत्‍कान्‍ते ङे आबे दोन्‍दु ड्वा ङेत्‍क्‍यो।

मत्ती 24:31

थेरूई बिकुल फुबाते जोदाज्‍यीक ङोरो थोक्‍यो। थेमे ङा ङे दूतओनला गाङेपा ताङला ङाराङगी छाने खाबाते मिओनला पृथ्‍वी सुर स्‍यीकारपेकी रूला खुलाङ ज्‍युत्‍क्‍यो।

मत्ती 8:11

ङा ख्‍योकोनला च्‍यि सिते सासीन पूर्व, पश्‍चिम गाङेपे मि स्‍वर्गे राज्‍यने स्‍यूला थेरू ख्‍योकोन ज्‍युज्‍यु पुर्खा अब्राहाम, इसहाक थेमे याकूबताङ देत्‍ला भोज सा ङेत्‍क्‍यो।

मर्कूस 8:36

सुइँदेकी दि जुनीला दि सा लुङबादु ओतातेबरी जेसुकै ङेता ओत्‍सीनोङ स्‍यिनामेई थे मिते च्‍यि आश ओङगीतेरो?

लूका 12:20

थेमे थे मिला च्‍यि ओङसुङा छ्या ओत? परमेश्‍वरगी थेला ‘खो चुक बुद्धि मेताज्‍यीक ईन्‍दाका। खो थरिङ ग्‍वाकाराङ स्‍यिइओ। खो स्‍यिनामेकी खुई साकीन ज्‍याक्‍पाते सम्‍पत्ति ज्‍येनगीका सेइओ,’ सिन सादुक्‍लो।

लूका 16:21

थेचेन थे मि खाम्‍बादु सोकीन लूबाते खइँदा साप सा ङेत्‍कीता सिन गुला देत्‍कीन ओतानलो। थोक खाला देत्‍जीन किओनगीङ वाला मा गाङे दाइन ओतानलो।

यूहन्‍ना 1:18

परमेश्‍वर दोकस्‍यिकराङ दुक सिन सुङगीङ नोमुङ थोङा मेत। आबातेताङ ङ्योम्‍बुराङ देताते दोक्‍पोईकामा ओताते थे खोरोङ फुज्‍युङगीकामा परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍कीन बिन्‍दा ओत।

यूहन्‍ना 13:23

थे खोरोङ चेलातेबे नाङ थेते ङिङज्‍येते चेला येशू ठाङनापाला ङेकीन देता ओतान।

यूहन्‍ना 21:20

थेमे ख्‍युर ग्‍युरला ताजीन येशूते ङिङज्‍येते चेलाङ थेबे तिरी तिरी ओङगीन ओता पत्रुसकी थोङसुङ। येशूला पक्रे खिते छोमु ग्‍वासे साप सा बेलाला येशू ठाङनापाला ङेला “प्रभु खोल्‍ला धोका तेरकान्‍ते मि खाङ ईन्‍दे सिना,” सिन ठिकान्‍ते चेला होदिराङ ओतान।

हिब्रू 1:14

परमेश्‍वर दूतओननी गाङेराङ परमेश्‍वरगी कोता कोता खित्‍कान्‍तेबाकामा ईन। थेबा दोकस्‍यिकराङ दुक सिन मिगी थोङा मुथुबो। परमेश्‍वरगी थेबाला थे खोरोङगी पूरो खाला पापदुकी टाल्‍ला स्‍वर्गने देत ज्‍युत्‍च्‍येते मिओनला मद्धत तेराला गाङेपा ताङा ओत।

हिब्रू 2:14

थे खोरोङगी परमेश्‍वर फुज्‍युङ फुमु साबाते मिओन च्‍योकराङ खाईन येशूङ मि स्‍या ठाक खुराते जुनी लाकीन केसुङ। मिला स्‍यिर ज्‍युत्‍कान्‍तेला ग्‍यालालाराङ थे दोक खाईन मि जुनी लाकीन केकीन स्‍या फापाते ईन। मिला स्‍यिर ज्‍युत्‍कान्‍तेचेन शैतान ईन।

याकूब 1:11

ङीमा स्‍यारगीन रापकी छिक्‍च्‍या गाल्‍नामेई ङीमे रापकी होथे पाङगी सो थेमे चातेबा काम्‍ला मेन्‍दोकओन ङीम्‍ग्‍यो। रकस्‍यिक गोमा लेमु ओत्‍सीनोङ थोक ओङनामेई थेबा छ्याःङ लेमु मेदेदो। छ्युक्‍पुते मि बादोङ होदोकराङ ईन। थेकी जे काम खिन ओत्‍सीनोङ, थेत्ताङ जे ओत्‍सीनोङ ङीमाई थे दाक स्‍यिला थेते ओताते जति गाङे तोरला डुइओ।

१ पत्रुस 2:24

ङुरूङ पापदुकी ठाल्‍ला परमेश्‍वरगी खि साबा साबाच्‍योक खित्‍कान ओङस्‍यीत सिन थे ङुरूङ पापकी सजाय भोगे खाईन स्‍यिङगी थामला टाँए खाईन स्‍यिसुङ। थेकी थोक खाईन दुक्‍पा भोगे खाबेकी खित्‍सादु था ख्‍योकोनगी पापकी सजाय भोगे खिता माफाबो।

छ्या स्‍ये च्‍युताते बात 14:13

थेमे दि तिरी स्‍वर्गनेकी “लो दि बात टि। थानामेकी उसो प्रभु येशूला विश्‍वास खिन खिनला स्‍यिकान्‍ते मिओन भाग्‍यमानी ईन,” सिन सिरा ङे थोसुङ। थेमे परमेश्‍वर आत्‍मेकी “ईन, साँच्‍चीराङ दोकराङ ईन। था थेबेकी पीरताङ दुक्‍पे छ्य्‌वापेई ठाल्‍ला ढुक्‍क खाला देता ङेत्‍क्‍यो। पीरताङ दुक्‍पालाङ लेमु काम खिनराङ देतेकी था थेबाला लेमु ओङगो,” सिन सिदुक।