लूका 15:30 - जिरेल

³⁰ रन्‍डीताङ रूला खुई सम्‍पत्ति पुरकान्‍ते खुई फुज्‍युङ ग्‍युरला ओङजीन खुईनी खोक्‍पो खाईन भोजका लै खादुक। दोगोङ खुई च्‍यि खाबे?’ सिन सादुक्‍लो।

लूका 15:30 ပူးပေါင်းရင်းမြစ်များ

मर्कूस 12:44

च्‍यिला सासीन ज्‍येन ज्‍येनगी भेटी काल्‍बातेन्‍दे चढे खासीनोङ थेबाताङ थोरूमोङ सम्‍पत्ति थुप्रो ओत। तर थे फेम्‍मे मिकीचेन मोरोङताङ ओताते जति गाङे भेटी चढे खासुङ। थेतेनी खाम्‍बादुङ छ्याःङ मेत,” सिन सिदुक।

लूका 15:29

थोक खाला लुजीनोङ माङेन्‍गीन आबातेला थेकी ‘ङा ओङराङ मेङगो। दुरू थातासाक ङेचेन खुई योक्‍पोकी च्‍योकराङ दुक्‍पा खाईन खाईन काम खाबा ओत। थेमे खुई खि साबाते काम ङे नोमुङ मिक्‍किओ सिन साबा मेत। थोक ईन्‍सीनोङ ङे लाईदु खुई च्‍यि खाबा ओते? सेत्‍ला र्‍वाओनताङ भोज लै खि सिन खुई ङाला रे रीउज्‍यीगोङ बिन्‍दा मेत।

लूका 15:31

थेमे आबातेकीचेन ‘फुज्‍यो, खो दोक खाला स्‍येदाङ माकेत। दुरू ओताते जति खुई लाःक्‍तुराङ ओत। च्‍यिला सासीन ङात्ताङ ओताते सम्‍पत्ति गाङे खुईतेराङ ईन।

लूका 15:32

थरिङ ङुरूङ गाङेकी गा खाला भोज सा फाप्‍च्‍येतेराङ ईन। च्‍यिला सासीन खुई न्‍वा दुरूई गाल्‍गीन तोरनामेई थोरूमसाक सोम्‍बो मेतासीन साबाप। तर दि थरिङ सोम्‍बोराङ ग्‍युरगीन वादुक,’ सिन सादुक्‍लो,” सिन सिदुक।

लूका 18:11

थेमे थे फरिसी पाटी मिकीचेन मन्‍दिर नाङ स्‍यूकीन लाकीन देत्‍कीन ‘ए परमेश्‍वर, ङा खोल्‍ला धन्‍यवाद तेरग्‍यो। च्‍यिला सासीन ज्‍येन मि च्‍योक खाला पापताङ लोभ खाला ङा पैसा मोजोओ, ज्‍येनला मेलेबाङ मिक्‍किओ। ङा मि फेम्‍मेताङ माङ्यालो। ङा उथे कर लिन्‍कान्‍ते मि च्‍योक्‍ते पापीङ मेन।