लूका 15:28 - जिरेल28 थे बात थोनामेई स्येदाङगी थेचेन खाम्बे नाङोङ मास्यूदुक्लो। छ्येते फुज्युङते स्येदाङ खाबाते छ्या स्येकीन फिनामाराङ गाल्गीन आबातेकी थेला नाङने स्योक सिन लुदुक्लो। အခန်းကိုကြည့်ပါ။ |
लूका 15:28
25 ပူးပေါင်းရင်းမြစ်များ
यरूशलेम मिओन लाईदु ङे चुक दुक्पा लाङच्ये बात खिता फाप्कीका। ख्योकोनला लेमु खिताला ताङाते परमेश्वर बात खित्कान्ते मिओनला ख्योकोनगी सेत्कीदुक। परमेश्वरगी ताङाते ज्येन ज्येन मिलाङ ख्योकोनगी दोई ग्याप्ला सेत्कीदुक। थेमे दुरू वाकीन ङेङ ख्योकोनला छ्योमुकी छ्यिर्बुकला स्योक्पे चावादु उप्ला ज्य्वाबा च्योकराङ खाईन पालोताङ पालो लेमु खिता चालाप। ईन्सीनोङ ख्योकोनगी माङेन्देईराङ ङे ख्योकोनला छ्याःङ खिता माथुप्सुङ।
थे बात थोनामेकीङ च्यि थेबेकी थे बात खोबा मेतान ओना? पक्काराङ खोबा ओतान। गोमानी परमेश्वरगी साबाते बात मोशेकी चुक साला दुका सासीन “थाचेन ङे ज्येन ज्येन लुङबे मिला ङाराङ मि ईन सिन लेमु खाबा थोङला ख्योकोन डारगी स्यिइओ। ख्योकोनगी छ्याःङ मेस्येकान्ते साबाते होथोक्ते मिओनगी ङाला सु ईन्दे, चुक्ते ईन्दे सिन छ्या स्येबा थोङजीन ख्योकोनला स्येदाङगी मे बारग्यो,” सिन साला दुक।
थोगी ङेराङला जिम्मा बिन्दाते काम खिताला ङ्योकोन ख्रीष्टकी ताङाते मि ईन। मिओनला परमेश्वरताङ डिक्च्येते सेम खि सिन बात खित्कान्ते ङ्योकोन ईन्सीनोङ परमेश्वर थे खोरोङगीराङ ङ्योकोन छ्य्वापेकी मि गाङेताङ दि बात खित्च्येते ईन। ख्रीष्टकी छ्य्वापेई ङ्योकोन ख्योकोनला परमेश्वरताङ डिक्च्येते सेम खि सिन सिओ।
च्यिला सासीन परमेश्वरगी ज्येन ज्येन जातकी मिला पापदुकी डेल्स्यीत सिन ङ्योकोनगी थेबाला गा लाङच्येते बात लोप्जीन होथे यहूदीओनगी ङ्योकोनला थुपासम्म दुक्पा बिन्ला थे बात लोप मुज्युत्तुक। होदोक दोक्ते कामकामा खिन देत्कीन थानी थेबानी पापकीराङ नुप्कीन सिन्दा खाईन सिन्सुङ। था ईन्सीन परमेश्वरगी थेबाला स्येदाङगी चूर गाल्ला सजाय तेरच्येते बेला लेप्सुङ।
ကြော်ငြာတွေ