लूका 14:24 - जिरेल

²⁴ तर ङे थोङलाका निम्‍तो खाबाते मिओनगीचेन दि भोज खाङगीङ साराङ मेङेदो,’ सिन सादुक्‍लो,” सिन सिदुक।

लूका 14:24 ပူးပေါင်းရင်းမြစ်များ

मत्ती 21:43

बात दोक दोक ईन्‍देकी ङा ख्‍योकोनला च्‍यि सिते सासीन था परमेश्‍वरगी थे खोरोङ राज्‍य ख्‍योकोन लाःक्‍तुकी ठ्वाला च्‍याला थे राज्‍यदु खिता फाप्‍च्‍येते च्‍योकराङ खित्‍कान्‍ते ज्‍येन जातज्‍यीगी मिओनला तेरग्‍यो।

मत्ती 22:8

थेमे थेकी याङराङ ‘दि फाङमे भोज साप्‍ला ठीक ओङसीनोङ गोमा निम्‍तो खाबाते मिओन माङेन्‍देई था थेबेकी दि भोज नोमुङ सा मेङेदो।

लूका 14:23

धनीतेकी थेला ‘लो याङराङ ग्‍युक। दि खाम्‍बा माखाङ थुपथुप युल युलला थेमे फार छुर जहाँसुकैपा गाल्‍ला मिओनला काताङला द्वामाराङ टीला खोरच्‍योक।

लूका 14:25

येशूताङराङ ज्‍येन मिङ आउदी काल्‍बेई तिरी तिरी ख्‍याम्‍बा ओतान। थेमे थेकी ल्‍हाकनापा ग्‍युरगीन थेबाला

यूहन्‍ना 3:19

स्‍वर्गे नाम्‍दाक दि सा लुङबादु वाबा ईन्‍सीनोङ मिओन मेलेबा कामकामा खित्‍कान ईन्‍देकी नाम्‍दाक भन्‍दा थेबेईचेन मुन्‍दाकराङ मन परे खासुङ। थोगीराङ थेबेकी सजाय ङेत्‍च्‍येते ईन।

यूहन्‍ना 3:36

परमेश्‍वर फुज्‍युङला विश्‍वास खित्‍कान्‍ते मि गाङेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थेला विश्‍वास मिक्‍किकान्‍ते मिकीचेन दोक्‍ते जुनी मेङेदो। थोक्‍ते मिकीचेन परमेश्‍वरगी स्‍येदाङगी चूर गाल्‍ला तेरच्‍येते सजाय ङेत्‍क्‍यो,” सिन सिदुक।

यूहन्‍ना 8:21

येशूकी लोईन थेबाला “था तिरी ङा दुरूकी डुइओ। थेमे ख्‍योकोनगी ङाला छोल्‍ग्‍यो। पाप खाबेकी खित्‍सादु ख्‍योकोन पापकी सजाय ङेत्‍ला स्‍यिइओ। ङा डोसादु ख्‍योकोन ओङा मुथुबो,” सिन सिदुक।

यूहन्‍ना 8:24

थोगीराङ ङे ख्‍योकोनला ‘पाप खाबेकी खित्‍सादु ख्‍योकोन पापकी सजाय ङेत्‍ला स्‍यिइओ,’ सिन साबाते ईन। ङे ङाराङ सु ईन्‍दे सिन साबाते बात ख्‍योकोनगी पत्ते माक्‍यासुङ सासीन ख्‍योकोन खेराङ पापकी सजायदुकी थारराङ माथारो,” सिन सासुङ।

शक्ति काम 13:46

यहूदीओनगी थोक खित्‍जीन पावलताङ बारनाबासकी ज्‍यीबाराङ मिक्‍किता खाईन थेबाला “ङ्योकोनगी लोप्‍कीन ओताते परमेश्‍वर बात लोपाला ङ्योकोन गोमा ख्‍योकोन ओत्‍सादु वाबाते ईन। तर ख्‍योकोनगी दि बात ईनराङ मेन्‍दे बात ईन सिन ङेनराङ माङेन्‍सुङ। दोक खाईन ख्‍योकोनगी नोमुङ मिसिन्‍च्‍येते जुनी मोगोओ सिरा च्‍योकराङ खासुङ। थोक ईन्‍देकी था दि बात ङ्योकोन ज्‍येन ज्‍येन जातकी मिला लोप डुइओ।