लूका 14:15 - जिरेल

¹⁵ येशूकी थोक सिरा थोनामेई थेरू साप सेइन ओताते मिज्‍यीगी “था तिरी परमेश्‍वर राज्‍यदु भोज सा ङेत्‍कान्‍ते मि आउदी भाग्‍यमानी ईन,” सिन सिदुक।

लूका 14:15 ပူးပေါင်းရင်းမြစ်များ

मत्ती 25:10

थेमे थेबा ङाबो मोर्गु ङ्योर गाले बेलालाराङ बेउलाङ लेपाक्‍वालो। थेमे दाङच्‍या खाईन मोर्गु खेरा ओताते फेम्‍मे फिजाओनचेन बेउलाताङ ङ्योम्‍बुराङ फाङमे भोज सासे खाम्‍बे नाङ लोक स्‍यूदुक्‍लो। थेबा नाङने स्‍यूनामेई खाम्‍बे गोङ डेप च्‍येत्‍तुक्‍लो।

मत्ती 8:11

ङा ख्‍योकोनला च्‍यि सिते सासीन पूर्व, पश्‍चिम गाङेपे मि स्‍वर्गे राज्‍यने स्‍यूला थेरू ख्‍योकोन ज्‍युज्‍यु पुर्खा अब्राहाम, इसहाक थेमे याकूबताङ देत्‍ला भोज सा ङेत्‍क्‍यो।

लूका 12:37

माङ्याला खाला मालिकते ओङ ओङसाक गुलाराङ देत्‍कान्‍ते मिओनला मालिकतेकी च्‍यि खिते छ्या ओत? थेकीनी थेबाला छ्याःङ काम खित मुज्‍युता खाला थे खोरोङगीराङ गाङेला साप थुङा गोला तेरग्‍यो।

लूका 13:29

पूर्व, पश्‍चिम, उत्तर, दक्षिण गाङेपे मिकीचेन परमेश्‍वर राज्‍यदु स्‍यूला भोज सा ङेत्‍क्‍यो।

लूका 22:16

ङा ख्‍योकोनला दि बात सिओ। च्‍यि सासीन तिरी परमेश्‍वर राज्‍यदुकामा ङा याङराङ दि भोज सेइओ। दि भोज साबाच्‍योक खाला साच्‍येतेचेन थेजीनकामा ईन,” सिन सिदुक।

लूका 22:30

थोगी ङा गेल्‍बो ओङगीन राज्‍य खिताला स्‍यूनामेई ख्‍योकोनचेन ङे राज्‍यदु देत्‍ला भोज सा ङेत्‍क्‍यो। थेमे गेल्‍बो देत्‍च्‍येते सिंहासन लाक्‍तु देत्‍ला ख्‍योकोनगी इस्राएलीओन थर च्‍युन्‍ङीला राज्‍य खाला न्‍याय खिओ,” सिन सिदुक।

छ्या स्‍ये च्‍युताते बात 19:9

थेमे थे परमेश्‍वर दूतकी ङाला “दि बात टि। लुई रीउ फाङमा साप्‍ला काताङाते मिओन भाग्‍यमानी ईन,” सिन सिदुक। थेकी लोक्‍ला “दि बातचेन साँचोते बातकामा खित्‍कान्‍ते परमेश्‍वर थे खोरोङगीराङ साबाते ईन,” सिनोङ सिदुक।