लूका 14:13 - जिरेल13 भोज लै खित्जीन बरू खुई चुक खिसे सासीन छ्याःङ मेतातेबा, कुज्येतेबा, ख्याम्बा मुथुप्कान्तेबा थेमे अन्धतेबाला काताङला साप बिन। အခန်းကိုကြည့်ပါ။ |
लूका 14:13
34 ပူးပေါင်းရင်းမြစ်များ
थोक साकीन सिन्नामेकी थेकी थे खोरोङला साप साप्ला कातोङकान्ते मिलाङ “भोज लै खित्जीन खुई खोरोङ र्वाओन, आज्यो न्वाबा, दाक्पोन मि फाप्च्येतेबा थेमे छ्युक्पु छ्युक्पुते युल्बाला निम्तो माकेत। च्यिला सासीन तिरी थेबेकीङ खोल्ला निम्तो खाला थेबा खोपरोङला काताङगीन लै खाबाते भोजकी किम्बा दाक ज्येल्ग्यो।
थेरूई थे कातोङ डोकान्ते मिकी खाँपा गाल्गीन गाङे बात खाम्बे धनीला लाःप्तुक्लो। दि बात थोजीन थेला आउदी खाईन स्येदाङ लादुक्लो। थेमे थेकी गोमा कातोङ डोकान्ते मिलाराङ ‘लो ग्युक, खो सारगी नाङपा गाङेपा गाल्ला छ्याःङ मेतातेबा, कुज्येतेबा, अन्धतेबा थेमे ख्याम्बा मुथुप्कान्तेबा गाङेला काताङला खोरच्योक,’ सिन ताङदुक्लो।
थेमे पत्रुस थे मिओनताङ योप्पापा लिच्युङ। थेरू लेपासात्तु मिओनगी थेला तबीते रो ज्याक्पाते खाम्बे ताले लाकने खेरसुङ। थे कोठादु ख्योबो स्याप्ते फेम्मे मितेबा काल्बेई ओतान। तबीतेकी खोपरोङला बिन्दाते खोलाकओन पत्रुसला तेन्गीनकामा “दि खोलाकओन दिकीराङ चेम्गीन बिन्दाते ईन,” सिन थेबाबरी पत्रुस फेरो खाङ लाकीन देत्कीन ङ्वाप्ला स्यूसुङ।
थोक्ते मिचेन सुङगीङ दिकी दि दि गल्ती खाबा ओत सिन साबा मेताज्यीक ओङा फाप्क्यो। थेते फेम्मेज्यीककामा ओङा फाप्क्यो। थेचेन जहिलेङ च्याङबो खाला देत्कानज्यीक, दाक्पोन सेम काबूला ज्य्वाबा थुप्कानज्यीक ओङा फाप्क्यो। थे बानी लेमु ओताज्यीक, डोम्बोओनताङ फार छुर ख्याम्कान मिओनला लेमु खित्कानज्यीक थेमे मिओनला परमेश्वर बात लेमु खाला लोपा थुप्कानज्यीक ओङा फाप्क्यो।
दोस्यिककामा मेन, थेबाचेन लेमु कामगी लाईदु मिन चले खाबाते मि ओङा फाप्क्यो। थोक साबाते च्यि सासीन फुज्युङ फुमुला लेमु खाईन हुर्के खाबाते, खाम्बादु वाबाते मिला लेमु खित्कान्ते, परमेश्वर सन्तानओन खाम्बादु ओङजीन काम्बा टुला तेरकान्ते, दुक्पा ओताते मिओनला ताकान्ते थेमे ज्येनोङ होदोक्ते लेमुते काम खित्च्ये छ्य्वापा स्येत खिन देताते फेम्मे मि ओङा फाप्क्यो।
बरू थोक्ते मिचेन डोम्बोताङ फार छुर ख्याम्कान मिओनला लेमु खित्कानज्यीक, लेमु कामकामा खिता सेम खित्कानज्यीक, दाक्पोन सेम काबूला ज्य्वाबा थुप्कानज्यीक, खिता मेङच्येते काम सिराते छ्याःङ मिक्किकानज्यीक, परमेश्वरला मन परे खित्च्येते कामकामा खित्कानज्यीक थेमे दाक्पोन सेमला लाबा लाबा मिक्किकानज्यीक ओङा फाप्क्यो।
ကြော်ငြာတွေ