लूका 13:33 - जिरेल

³³ ङाला सुइँदेकी छिटो ग्‍युक सिरजीनमेईराङ ङा छिटो मोन्‍डो। ङानी ङाराङ सारगी लाम ख्‍याम्‍ग्‍यो। ङा नाकामा लेपा फाप्‍सादु लेप्‍क्‍यो। च्‍यिला सासीन परमेश्‍वर बात खित्‍कान्‍ते मि सुङलाङ यरूशलेमदु मेन्‍दाला ज्‍येननापा सेताप सिराराङ मेत।

लूका 13:33 ပူးပေါင်းရင်းမြစ်များ

मत्ती 20:18

“लो दि बात ङेन। ङुरूङ यरूशलेमने डुइनराङ ओत। थेने लेप्‍नामेकी परमेश्‍वर ओत्‍सादुई वाबाते मि ङाला मिज्‍यीगी धोका बिन्‍ला छ्ये छ्ये पूजारीताङ धर्मे गुरूओन लाःक्‍तु सोम्‍पे खिओ। थेबेकीचेन ङाला सजाय बिन्‍ला सेता फाप्‍क्‍यो सिन

मत्ती 21:11

थेमे थेबेकी “दि परमेश्‍वर बात खित्‍कान्‍ते येशू ईन। दि गालील अञ्‍चल नासरतपे मि ईन,” सिन लाःप्‍सुङ।

लूका 9:53

तर थे युलगी मिओनगी येशूङ यरूशलेमपा डोच्‍येते दुका सिन छ्या स्‍येकीन थेबाला स्‍यासा माबिन्‍सुङ।

यूहन्‍ना 11:54

थोगी येशू गाङेकी थोङच्‍या खाईन यहूदिये अञ्‍चल नाङला माख्‍याम्‍सुङ। थे थेरूकी एफ्राइम सिराज्‍यीक युलनापा गाल्‍गीन चेलातेबाताङ थेरूराङ देत्‍सुङ। थे युलचेन री खादुराङ फाप्‍कीन ओतान।

यूहन्‍ना 11:9

थोक सिरजीन थेकी “च्‍यि ङीमाईला घण्‍टा च्‍युन्‍ङी ङीन मेङगोतरो? थेमे ङीमे कार्बोला ख्‍याम्‍कान्‍ते मिला नार्दोक मेदेगो। नाम्‍दाक ओतेकी थेकी लेमु खाला थोङा थुप्‍क्‍यो।

यूहन्‍ना 12:35

थेरूई थेकी थेबाला “था टिक्‍पी दिनसाककामा स्‍वर्गे नाम्‍दाक ख्‍योकोनताङ देत्‍क्‍यो। थोगी ख्‍योकोन नाम्‍दाकला ख्‍योम। स्‍वर्गे नाम्‍दाक ख्‍योकोनताङ देत देतसाक ख्‍योकोन मुन्‍दाकला ख्‍याम्‍बा माफाबो। मुन्‍दाकला ख्‍याम्‍कान्‍ते मिला थे खोरोङ खापा डुइन ओते सिन छ्याःङ छ्या मेङगो।

यूहन्‍ना 4:34

थेमे येशूकी “ङे सापचेन ङाला दुरू तोङकान्‍तेकी खिता चाला चालाच्‍योक गाङे खाला सिन्‍दा खित्‍च्‍येते ईन।

यूहन्‍ना 9:4

ङीन ओत ओतसाक ङुरूङगी ङाला दुरू तोङकान्‍तेकी खि साबाते कामतेबा खिता फाप्‍क्‍यो। था नाम स्‍योक्‍यो। थेमे थेजीन सुङगीङ काम खिता मुथुबो।

शक्ति काम 10:38

चुक सासीन परमेश्‍वरगी नासरतपे येशूला खटे खाईन परमेश्‍वर आत्‍मा थेमे छ्येज्‍यीक शक्ति बिन्‍दा ओतान। परमेश्‍वर थेत्ताङ ङ्योम्‍बु ओतेकी थेचेन शैतानगी दुक्‍पा बिन्‍गीन ल्‍हन्‍डीक स्‍यिन्‍डीप खोबाते थेमे नाबाते मि गाङेला ठाक्‍पा खिन गाङेपा गाङेला लेमु खिन युगीन ओतान।

शक्ति काम 13:27

यरूशलेम मिओनताङ थेबे छ्ये छ्ये मिकी येशूला परमेश्‍वरगी ताङाते ईन सिरच्‍येते बात छ्या मास्‍येसुङ। थेमे परमेश्‍वर बात खित्‍कान्‍तेबेकी येशू विषयला टिबाते बाततेबा सन्‍चारी सन्‍चारीला पढे खासीनोङ थेबेकी थेङ छ्याःङ माखोसुङ। थेबेकीचेन येशूला सजाय तेरा फाप्‍क्‍यो साकीन थेला चुक ओङगीते सिन गोमाका परमेश्‍वर बात खित्‍कान्‍तेबेकी टिबाते बाततेबा साबा च्‍योकराङ ओङ च्‍युत्‍सुङ।