लूका 12:8 - जिरेल

⁸ दि बात ङेन। ज्‍येनगी दोन्‍दु ङा येशूला विश्‍वास खित्‍कान्‍ते मि ईन सिन सिरकान्‍तेला परमेश्‍वर ओत्‍सादुई वाबाते मि ङाङ था तिरी परमेश्‍वर दूतओन दोन्‍दु दि ङे मि ईन सिन सिओ।

लूका 12:8 ပူးပေါင်းရင်းမြစ်များ

मत्ती 8:20

थोक सिरजीन थेकी “तर दि बात छ्या स्‍येबा खि। च्‍यि सासीन किप्‍च्‍याङते देत्‍च्‍येते ठाउँ ओङगो। थोकराङ खाला छ्योज्‍युङमेतेङ छाङ ओङगो। तर परमेश्‍वर ओत्‍सादुई वाबाते मि ङेतेनी थेबेते च्‍योक खाला देत्‍च्‍येते ठाउँ छारीनी गोःज्‍यीक रिल्‍ला देत्‍च्‍येते ठाउँओङ मेत,” सिन सिदुक।

लूका 15:10

ङा ख्‍योकोनला च्‍यि सिते सासीन तोराते डबल ङेत्‍नामेई थे फेम्‍मे मि गा खाबा च्‍योकराङ खाला सुइँदा पापीज्‍यीककामा थे खोरोङ पापी दुका सिन छ्या स्‍येकीन परमेश्‍वर छ्य्‌वापा लै खासीन परमेश्‍वर दूतओनोङ आउदी खाला गा खिओ,” सिन सिदुक।

२ तिमोथी 2:12

थेमे जस्‍तो ओङजीनोङ सेम मेसेता खाईन दुक्‍पा भोगे खिन देत्‍सीन ङुरूङगीङ थेत्ताङराङ राज्‍य खिता ङेत्‍क्‍यो। ङुरूङगी थे मि मेन सिन थेला विश्‍वास खिता ताङसीन थेकीङ तिरी ङुरूङला थे खोरोङ मि मेन सिन सिओ।

१ यूहन्‍ना 2:23

येशूला परमेश्‍वर फुज्‍युङ मेन सिन सिरकान्‍ते मित्ताङ आबा परमेश्‍वर ङ्योम्‍बु मेदेदो। थेला परमेश्‍वर फुज्‍युङ ईन सिरकान्‍ते मित्ताङकामा आबा परमेश्‍वर ङ्योम्‍बु देत्‍क्‍यो।

छ्या स्‍ये च्‍युताते बात 2:10

ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।

छ्या स्‍ये च्‍युताते बात 2:13

च्‍यि सासीन ख्‍योकोनचेन शैतान सिंहासन ओताते सारदु देता ओत सिन ङाला छ्या ओत। दोक ईन्‍सीनोङ ख्‍योकोनगी ङाला माताङसुङ, ङाला विश्‍वास खिनराङ देत्‍सुङ। ङा सु ईन्‍दे, ङे च्‍यि खिते सिन सिनराङ देत्‍कान्‍ते एन्‍टिपासला थे सारदुराङ सेत्‍जीनोङ ख्‍योकोनगी ङाला विश्‍वास खिता माताङसुङ।