लूका 12:5 - जिरेल

⁵ बरू ख्‍योकोन परमेश्‍वरताङचेन ज्‍यीबा खि। च्‍यिला सासीन थेकीनी सेता थुप्‍च्‍येतेकामा मेन, सेत्‍ला मिला नरककुण्‍डमाङ लुबा थुप्‍क्‍यो। थोगी मित्ताङ मेन, परमेश्‍वरताङकामा ज्‍यीबा खि।

लूका 12:5 ပူးပေါင်းရင်းမြစ်များ

मत्ती 10:28

दोक खित्‍जीन ख्‍योकोनला सेता छोल्‍कान्‍ते मिओनताङ ज्‍यीबा माकेत। थेबेकीनी ख्‍योकोन ज्‍यानकामा लिन्‍दा थुप्‍क्‍यो, आत्‍मालाचेन छ्याःङ खिता मुथुबो। बरू परमेश्‍वरताङचेन ज्‍यीबा खि। च्‍यिला सासीन थेकीनी सेता थुप्‍च्‍येतेकामा मेन, सेत्‍ला मिला नरककुण्‍डमाङ लुबा थुप्‍क्‍यो।

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

मत्ती 25:46

थेमे थे तिरी थेबाचेन नरककुण्‍डमा स्‍यूला सधैँभरि सजाय भोगे खिन देता फाप्‍क्‍यो। परमेश्‍वरगी खि साबा साबा खित्‍कान्‍तेबाचेन नोमुङ मिसिन्‍च्‍येते जुनी ङेत्‍ला स्‍वर्गने देता ङेत्‍क्‍यो,” सिन सिदुक।

मत्ती 5:22

ङाचेन ख्‍योकोनला च्‍यि सिते सासीन सुइँदा दाक्‍पोन आज्‍यो न्‍वाताङ स्‍येदाङ खासुङ सासीनकामाङ थेलाङ सजाय तेरा फाप्‍क्‍यो। थेमे आज्‍यो न्‍वाला खो ङ्येबे ङ्येस्‍यु सिन सिरकान्‍ते मिला सजाय बिन सिन छ्ये छ्ये मि रूसादु खेरा फाप्‍क्‍यो। थेमे आज्‍यो न्‍वाला खोनी ठुङराङ माठुङसीन ओङच्‍या ओतान सिन सिरकान्‍ते मिनी झन सजाय ङेत्‍ला नरककुण्‍डमा मे नाङराङ स्‍यूइओ।

मर्कूस 13:23

थोगी च्‍याङबो खि याङ, ङे थोक्‍ते मिओन ओङगो सिन ख्‍योकोनला थरिङराङ लाःपा ओत।

१ थिस्‍सलोनिकी 4:6

थेमे ख्‍योकोन सुङगीङ येशूला विश्‍वास खित्‍कान्‍ते ज्‍येन मि फेम्‍मेताङ खिता मेङच्‍येते काम खाला थे ख्‍योबोला सोम्‍बोलाराङ सबी चावादु लुच्‍येते काम माकेत। होथोक्‍ते मेलेबाते काम जे खासीनोङ थोक खित्‍कान्‍तेबाला प्रभु येशूकी सजाय तेरग्‍यो। थोगी ख्‍योकोन च्‍याङबो खि सिन ङ्योकोनगी ख्‍योकोनला गोमाकाराङ लाःपा ओत।

हिब्रू 10:31

सोम्‍बोते परमेश्‍वर लाःक्‍तु फापा आउदी ज्‍यीबा लाङच्‍ये बात ईन।

२ पत्रुस 2:4

दि बात ङुरूङला छ्याराङ ओत। च्‍यि सासीन परमेश्‍वरगी पाप खित्‍कान्‍ते परमेश्‍वर दूतओनला समेदोङ थाराङ मोतोङा खाईन सजाय बिन्‍गीन नरककुण्‍डमा गाङे भन्‍दा मुन्‍दाकते ठाउँनामा लुक्‍पा ओत। परमेश्‍वरगी मि गाङे न्‍याय खित्‍च्‍येते दिन मालेपथुप थेबाला ठाठाबाराङ थे मुन्‍दाकते ठाउँदुराङ किल्‍ला ज्‍य्‌वाक्‍यो।

छ्या स्‍ये च्‍युताते बात 14:7

थेमे थे दूतकी कस्‍स्‍ये खाला छेरा खिन “परमेश्‍वरताङ ज्‍यीबा खि। थेला मान खाला छ्ये जो। था थेकी मि गाङेते न्‍याय खित्‍च्‍येते समय ख्‍योल्‍गीन सिन्‍सुङ। दि सा नाम, समुन्‍द्र थेमे छ्युई मोनतेबा गाङे जोकान्‍ते परमेश्‍वरते जय जय ओङस्‍यीत सिन सि,” सिन सिदुक।

छ्या स्‍ये च्‍युताते बात 15:4

प्रभु, खोत्ताङ ज्‍यीबा मिक्‍किकान्‍तेताङ खोल्‍ला छ्ये मोजोकान्‍ते सु ओतेरो? सेमला पाप सिराते छ्याःङ मेताते खोकामा ईन। लुङबा लुङबे मि गाङेकी खुई दोन्‍दु वाला गुर्बु खाला से खिनकामा खोल्‍ला छ्ये जोइओ। च्‍यिला सासीन खुई खाबाते गाङे लेमुते कामतेबा गाङेकी थोङा ओत,” सिन ओतान।

छ्या स्‍ये च्‍युताते बात 20:14

दि तिरीचेन काल थेमे स्‍याप्‍ते मिओन देत्‍च्‍येते ठाउँला ज्‍यीबा लाङच्‍याज्‍यीक मे धुनीमा क्‍युरसुङ। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन।