थेमे थेकी “थोगी थानामेईचेन स्वर्गे राज्य सिराते च्यिन्दे, थे चुक्ते ईन्दे सिन लेमु खाईन छ्या स्येबाते धर्मे गुरूओन ओङगो। थेबाचेन खाम्बादु जेसुकै खटेन खित्कान्ते खाम्बे धनी च्योक्ते ईन। चुक खाला सासीन खाम्बे धनीकी गोमामेकी साकीन ज्याक्पाते थेमे भर्खर ज्याक्पाते सामानतेबा खाम्बे मिओनला गोजीन गोजीन जोतकी नाङदुकी थेन्दा च्योकराङ खाला थेबेकीङ खोपरोङगी गोमामेकी छ्या स्येबा ओताते थेमे थरिङोला खोबाते परमेश्वर बात ज्येनला लोपा थुप्क्यो,” सिन सिदुक।
लूका 12:42 - जिरेल42 थेमे प्रभु येशूकी “मालिकतेकी कोत्कीन ज्याक्पाते ङेन्ला लेमु खाला काम खित्कान्ते मिलाचेन मालिकतेकी थे खोरोङ खइँसापा डोजीन थे खाम्बादुराङ काम खित्कान्ते ज्येनतेबाला लेमु खाला साप थुङा बिना सिन खाम्बे कामओन जिम्मा बिन्ला डुइओ। အခန်းကိုကြည့်ပါ။ |
लूका 12:42
29 ပူးပေါင်းရင်းမြစ်များ
थेमे नाम स्योनामेकी थे स्यीङगी धनीकी थे खोरोङ खाम्बादु पैसे काम खित्कान्ते मिला काताङगीन ‘लो था खेतालाओनला काताङला थरिङ कामगीते खोपरोङ खोपरोङ निमेक गोला बिन। थोक खित्जीन खुई गोमाचेन गाङे भन्दा तिरी काम खित गालातेबाला बिन। थेरूकी थेबा भन्दा टिक्पी गोमा काम खित गालातेबाला बिन। थेमे गाङे भन्दा तिरीचेन ङोमुका काम खित गालातेबाला बिन,’ सिन कोत्तुक्लो।
थोगी येशूला विश्वास खिता मोतोङा खाला था ख्योकोन खेराङोङ च्याङबो खाला देत। थेमे लेमु खाला तो सिन परमेश्वर आत्मेकी खेराङ जिम्माला बिन्दाते परमेश्वर मि गाङेते लेमु खाला हेर विचार खि। येशू ख्रीष्ट स्यिजीन थे जीउदुकी थेन्दाते ठागी थेकी थेबाला परमेश्वर मि ओङाला ङ्योबाते ईन सिन सम्झे खाला थेबाला लेमु खाला तो।
केही कुरोकी ङा होत्ता मासीनोङ दि बातओन पढे खानामेई परमेश्वर खाम्बे मिओनगी चुक खिता फाप्च्या ईन्दाका, चुक खाला देता फाप्च्या ईन्दाका सिन खुई छ्या स्येक्यो। थोक्ते मिओन सोम्बोते परमेश्वर मि ईन। थेबेकी खित्सादु परमेश्वर सत्यते बात च्यि ईन्दे सिन गाङेकी छ्या स्येला थे बातताङ मिडिक्च्येते बात डेला थुप्क्यो।
खुई चुक खिता फाप्कीते सासीन मिओनला परमेश्वर बात लोप्कीनराङ देत, मिओनगी ङेन्सीनोङ माङेन्सीनोङ जुन बेलालाङ थे बात लोपा मातोङ थेमे गल्ती खित्कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्दे सिन गाङेला लाप्ला बिन। थानी दिबाला थोई लोप्च्ये सिराच्योक माकेत, सुङताङ स्येदाङ मिक्किता खाला खा छ्येत लेमु खिन दोक खाला लोप्कीनराङ देत।
दोक खाला येशू ख्रीष्ट मिओनला ताकान्ते छ्येते मिकीचेन परमेश्वरगी खि साबाते काम खित्च्येते ईन्देकी सुङगीङ दिकी दि दि गल्ती खाबा ओत सिन साबा मेताज्यीक ओङा फाप्क्यो। थोक्ते मि दाक्पोन बातलाकामा जिद्धी मिक्किकानज्यीक, होत्ता स्येदाङ मिक्किकानज्यीक, छ्याङ रक्सी काल्बा मुथुङकानज्यीक, मिला लाःक मोतोङकानज्यीक थेमे सम्पत्ति ज्वाप सिन पैसे लोभला मुस्यूक्कानज्यीक ओङा फाप्क्यो।
थेमे ज्येन बात खेराङला ताकान्ते छ्ये छ्ये मिकी साबाते ङेन, थेबे अधीनला देत। खेराङला छ्याःङ मेलेबा मेङस्यीत सिन थेबेकी ख्योकोनला तेइनराङ देत्क्यो। थेबेकी चुक चुक खाबे, च्यि खाबे सिन ङीमाई परमेश्वर दोन्दु गाङे हर हिसाब तेरा फाप्क्यो। ख्योकोनगी थेबेकी लाःपा कोताते ङेन्सीन खोपरोङगी खित्च्येते काम थेबाला लेमु लाला गा खिन खिओ। ख्योकोनगी थोक माक्यासीन थेबाला थे काम खिता सेम मालाङो। थेमे ख्योकोनला च्यि फाइदा ओङगीते?
ကြော်ငြာတွေ