36 ख्योकोनचेन फाङमाला गालाते मालिकतेकी नुप्ला वाला गो फेत सिरासात्तु गो पेत्ला तेरकान्ते मि च्योक ओङा फाप्क्यो।
थेमे ख्योकोनचेन जुन बेलालाङ काम खिताला ठीक ओङगीन देताते मि च्योक ओङला देत। नुप्ला सुइँदा मि ओङकान ओत्सीन बत्ती पारगीन गुकीन देताच्योक खाला ख्योकोन गुला देत।
माङ्याला खाला मालिकते ओङ ओङसाक गुलाराङ देत्कान्ते मिओनला मालिकतेकी च्यि खिते छ्या ओत? थेकीनी थेबाला छ्याःङ काम खित मुज्युता खाला थे खोरोङगीराङ गाङेला साप थुङा गोला तेरग्यो।
ङुरूङ गाङेराङ गा खिइ। आउदी गा खिनकामा थेला छ्ये जोइ। था लुई रीउते फाङमा ओङा खाईन सिन्सुङ। थे बेउलीचेन थे मोरोङराङ ठीक ओङगीन देत्ला दुक।
लो लेमु खाला ङेन। ख्योकोन सेमगी नाङ देताला ओङगो सिन ङा ख्योकोन दोन्दु वाला कातोङगो। ङे थोक खित्जीन थे सेमगी नाङ स्योक सिन सिरकान्ते मि सेमगी नाङ स्यूला ङा थेत्ताङराङ देत्क्यो। थेमे थेत्ताङ ङा ङ्योम्बुराङ भोज सेइओ।