लूका 12:32 - जिरेल32 थेमे ख्योकोन टिक्पीईराङ ओत्सीनोङ ज्यीबा माकेत। च्यिला सासीन ख्योकोन आबा परमेश्वरगी ख्योकोनला थे खोरोङ राज्यदु देत ज्युत्क्यो सिन साबा ओत। အခန်းကိုကြည့်ပါ။ |
लूका 12:32
30 ပူးပေါင်းရင်းမြစ်များ
थे बेलालाराङ परमेश्वर आत्मे छ्य्वापेई आउदी गा खिन येशूकी “आबा, खो दि स्वर्गताङ पृथ्वीते मालिक ईन। ङा खुईते जय जय खिओ। च्यिला सासीन परमेश्वर राज्य बात खुई पढे माक्याबाते थेमे काल्बा बात छ्या मेस्येकान्ते मिओनला लेमु खाईन खो च्युत्सुङ। दि बातनी खुई आउदी बुद्धि ओतातेताङ काल्बेई पढे खाबाते छ्ये छ्ये मिलाङ खो च्युता मेतान। आबा खोल्ला दोक खिताराङ लेमु लासुङ। दोक खाईन खुई खिता चालाते च्योकराङ ओङसुङ,” सिन सासुङ।
थोगी येशूला विश्वास खिता मोतोङा खाला था ख्योकोन खेराङोङ च्याङबो खाला देत। थेमे लेमु खाला तो सिन परमेश्वर आत्मेकी खेराङ जिम्माला बिन्दाते परमेश्वर मि गाङेते लेमु खाला हेर विचार खि। येशू ख्रीष्ट स्यिजीन थे जीउदुकी थेन्दाते ठागी थेकी थेबाला परमेश्वर मि ओङाला ङ्योबाते ईन सिन सम्झे खाला थेबाला लेमु खाला तो।
दोक खाईन आउदी बुद्धि पुरे खाला काम खित्कान्ते परमेश्वरगी दि सा लुङबे मिओनगी जति बुद्धि खिये खासीनोङ खोपरोङ बुद्धिकी थेला छ्या स्येबा मुथुबो सिन तेन्गीन बिन्दा ओत। मिओनगी लेम्बे बात ईन सिरच्येते ङ्योकोनगी लोप्च्येते बातराङ मिओनगी ङेन्स्यीत थेमे दि बात ङेन्ला येशूला विश्वास खित्कान्तेबाला पापकी सजायदुकी डेल्ग्यो सिन परमेश्वरगी टुङ्गो खाईन दोक खिताराङ थेला लेमु लासुङ।
होदि बाततेबा टोक मेज्येता खाला ङ्योकोन ख्योकोन लाईदु जहिलेङ ङुरूङ परमेश्वरला दोक सिन प्रार्थना खिओ। चुक सासीन थेकी ख्योकोनला थे खोरोङ दोन्दु स्योक सिन काताङाते ईन्देकी ख्योकोन चुक ओङा फाप्च्येते ईन्दे थोकराङ ओङ ज्युत्स्यीत। दोक खाला ख्योकोनगी खिता चालाते लेमुते कामताङ बात थेमे प्रभु येशूला विश्वास खाईन खिताला स्यूबाते कामतेबा गाङे परमेश्वरगी ख्योकोनला थे खोरोङ शक्ति बिन्ला पूरो खित ज्युत्स्यीत सिन प्रार्थना खिओ।
ङिङज्येते आज्यो न्वावे, दि बात लेमु खाला ङेन। येशू ख्रीष्टला विश्वास खित्कान्ते मि ओङला थे खोरोङ राज्यदु देताला च्यि परमेश्वरगी ज्येनगी छ्याःङज्यीक खाङज्यीक मेताते मि ईन सिरच्येते मिओनलाराङ छाने खाबाते मेनरो? था थेबा परमेश्वरगी थे खोरोङला ङिङज्ये खित्कान्ते मिओनला तेरग्यो साबाते राज्यदु देता ङेत्क्यो।
ကြော်ငြာတွေ