लूका 12:31 - जिरेल

³¹ थोगी ख्‍योकोनगी पीर खिते साटोला खेराङ सेम पूरो खाला परमेश्‍वर राज्‍य छ्य्‌वापा लै खि। थोक खासीनराङ ख्‍योकोनला गोच्‍येते जति गाङे परमेश्‍वरगी तेरग्‍यो।

लूका 12:31 ပူးပေါင်းရင်းမြစ်များ

मत्ती 6:33

थोगी ख्‍योकोनगी पीर खिते साटोला खेराङ सेम पूरो खाला परमेश्‍वर राज्‍य छ्य्‌वापा लै खि। थेमे थेकी साबा साबाच्‍योक खि। थोक खासीनराङ ख्‍योकोनला गोच्‍येते जति गाङे परमेश्‍वरगी तेरग्‍यो।

लूका 10:42

खिता फाप्‍च्‍येते कामज्‍यीककामा ओत। थे काम मरियमगी खिन दुक। दोक माकेत सिन दिला सुङगीङ सिरा मेङगो,” सिन सिदुक।

लूका 12:30

परमेश्‍वरला छ्या मेस्‍येकान्‍ते मिओनगीकामा खालि साच्‍या थुङच्‍याताङ खोन्‍च्‍ये विचारकामा खिन देत्‍क्‍यो। ख्‍योकोनला साप थुङा थेमे खोन्‍दा गोक्‍यो सिननी ख्‍योकोन आबा परमेश्‍वरला दाक छ्या ओत याङ।

यूहन्‍ना 6:27

खालि साच्‍या थुङच्‍ये विचारकामा माकेत। दिनी दि जुनी लाईदुकामा ईन। बरू ख्‍योकोनगी चुक खाला नोमुङ मिसिन्‍च्‍येते जुनी ङेत्‍च्‍येते साप ङेदोङा सिरच्‍येते विचार खि। ख्‍योकोनला थे साप तेरकान्‍तेचेन परमेश्‍वर ओत्‍सादुई वाबाते मि ङाराङ ईन। आबा परमेश्‍वरगीराङ ङाला थोक खित्‍च्‍येते अधिकार बिन्‍दा ओत,” सिन सिदुक।

रोमी 8:31

बात दोक दोक ईन्‍देकी था ङुरूङला दि बात लेमु खाला छ्या ओत। च्‍यि सासीन परमेश्‍वर ङुरूङ छ्य्‌वापा ओतेकी खित्‍सादु ङुरूङला मेलेबा खिता छोल्‍कान्‍तेबा सुङगीङ छ्याःङ खिता मुथुबो।

१ तिमोथी 4:8

मिओनगी दाक्‍पोन ङार्मा ओङस्‍यीत सिन खोपरोङ जीउला दुक्‍पा बिन्‍गीन तालिम खाबाते छ्याःङ काम लै मिक्‍किच्‍येतेचेन मेन। ईन्‍सीनोङ परमेश्‍वरला माने खित्‍जीन खाबाते कामचेन दि भन्‍दा खापान खापान खुदुक ईन। दोक्‍ते काम खित्‍कान्‍ते मिलाचेन परमेश्‍वरगी दि जुनीलाकामा मेन तिरी जुनीलाङ आशी तेरग्‍यो सिन साबा ओत।

हिब्रू 13:5

थेमे ख्‍योकोनगी पैसे लोभ माकेत। खेराङताङ जति दुक थेलाराङ सन्‍तो खाला देत। च्‍यिला सासीन परमेश्‍वरगी “ङा ख्‍योकोनला सधैँ लेमु खाला तेइओ। नोमुङ ङा ख्‍योकोनला ताङला मोन्‍डोओ,” सिन साबा ओत।