लूका 12:19 - जिरेल19 ङे भाग्येकी खित्सादु था ङाला जुनी खाङ साच्या थुङच्या वालछ्येल ओङच्या ओङसुङ। था ङा छ्याःङ पीर मिक्किता खाला स्यीम्बुराङ सोला लेमुराङ खोन्ला किम्मु खाला देतामीन सिन विचार खादुक्लो। အခန်းကိုကြည့်ပါ။ |
लूका 12:19
39 ပူးပေါင်းရင်းမြစ်များ
थोगी ख्योकोनगी परमेश्वर ओत्सादुई वाबाते मि ङा ग्युरला ओङे छोमुसाक चुक खाला देता फाप्च्या ईन्दाका सिन खोबा खि। तिरी बो माताबा खाला सोला थुला छ्याङगी जिला मादेत। दि जुनी विचारकामा खाला साच्या थुङच्याताङ खोन्च्ये पीर माकेत। दोक खिन देत्सीन खरेउ तोर्बाकला थेप्लु खाला थे दिन लेपे छोमुकामा ख्योकोनगी छ्या स्येक्यो।
मिकी साबा च्योकराङ स्याप्ते मिओन सोम्बो मोलोक्च्या ईन्सीनका ङा एफिससदु ङाराङ ज्यानगी मायाङ मारे खाला थोक खाला च्येन थोमताङ जीङच्या मेतान। स्यिनामेई सोम्बो लोक्च्येते बात छ्याःङ मेत्सीनका ज्येनगी च्योकराङ “लो स्योक ङुरूङ स्यीम्बु स्यीम्बु सेइ, थुङगी। च्यिला सासीन ङारो दाक स्याङ थुप्क्यो,” सिन सिइ ओना।
थोक्ते मिओननी तिरी सजाय ङेत्ला नरककुण्डमा स्यूक्पा फाप्क्यो। थेबेकीचेन खालि साच्या थुङच्ये बातताङ खोपरोङला जे खिता सेम लाङगीदुक थेराङ खिदुक। थोक मेलेबा काम खासीनोङ छ्याःङ ङोचा मिक्किता खाला खोपरोङगी आउदी लेमु काम खाबाप सिरा च्योकका खिदुक। थेबेकी खालि दि जुनीला च्यि च्यि गोच्या दुका थेतेकामा विचार खिदुक।
थेमे थरिङोला छ्युक्पु ओताते मिओनला दोक सिन कोत। थेबाला छ्ये माकेत सि, सम्पत्ति ओत्कीन ओत सिन ढुक्क खाला मादेत सि। थोक्ते सम्पत्तिनी नामसाक दाक्पोन लाःक्तु देत्कीते सिन छ्याःङ छ्या मेङगो। बरू थेबाला परमेश्वरला भर परे खिता लोप सिन सि। थेकीराङ ङुरूङला गोच्येतेबरी दाङच्या ख्योप्च्या खाला बिन्ला गा खिन देत ज्युत्क्यो।
ईन्दालाचेन गोमाबा ख्योकोनगीङ परमेश्वरला ङो मेस्येकान्ते मिओनगी च्योकराङ खिन तोङासम्म समय ताङा ओतान। च्यि सासीन थेजीन ख्योकोनगी ङोचा लाङच्येते कामओन खिन ओतान, दाक्पोन खुशी खिन जे खिता सेम लासुङ थेराङ खिन ओतान, जहिलेङ छ्याङ रक्सीकी जिलाकामा देत्कीन ओतान, ज्येनताङ रूला भक्कुचूर सोला थुला मोज मज्जा खिन ओतान थेमे ल्हा लु माने खिन खिता ओङराङ मेङच्येते काम खिन ओतान।
जति थेकी ङा छेतते सु ईन्दे, ङात्ताङ छेत सम्पत्ति सुङताङ मेत सिन छ्ये खिन किम्मु खिन देता ओतान थोस्यिकराङ था थेला सुक देक छ्युत, था थेला नोमुङ सेम सन्तो खाला देत माज्युत। च्यिला सासीन थेकी थे मोरोङ सेमगी नाङ ‘ङानी गेल्मुका ईन, ङा नोमुङ ख्योबो स्याप्ते फेम्मे मि च्योक ओङा माफाबो, दुक्पाताङ पीर सिराते च्यि ईन्दे सिन ङे नोमुङ थोङा माफाबो,’ सिन छ्ये खिदुक।
ကြော်ငြာတွေ