लूका 11:9 - जिरेल

⁹ थेमे ङा ख्‍योकोनला च्‍यि सिते सासीन खेराङला च्‍यि च्‍यि गोकीका आबा परमेश्‍वरला नाङ सि। थेमे थेकी तेरग्‍यो। ख्‍योकोनगी चाल्‍सीन पक्‍काराङ ङेत्‍क्‍यो। गो पेत्‍ला नाङ सि। थेमे परमेश्‍वरगी गो पेत्‍ला ख्‍योकोनला नाङने स्‍योक सिओ।

लूका 11:9 ပူးပေါင်းရင်းမြစ်များ

मत्ती 21:22

ख्‍योकोनगी प्रार्थना खित्‍जीन परमेश्‍वरताङ नाङ खाबाते पक्‍काराङ ङेत्‍क्‍यो सिन छ्याःङ शंका माक्‍यासुङ सासीन जे नाङ खासीनोङ थे नाङ खाबाते ङेत्‍क्‍यो ङेत्‍क्‍यो,” सिन सिदुक।

मत्ती 21:31

लो था ख्‍योकोन सिते, थेबा ङिबो नाङ खाङगी आबातेकी कोताते ङेन्‍सुङा?” सिन सिरजीन थेबेकी “छ्येतेकीराङ ङेन्‍सुङ,” सिन सिदुक। थेमे थेकी थेबाला “दि बात ङेन। च्‍यि सासीन कर लिन्‍कान्‍ते मिओन थेमे रन्‍डीओन ख्‍योकोन भन्‍दाङ गोमा परमेश्‍वर राज्‍यने स्‍यूक्‍पा ङेत्‍क्‍यो।

मत्ती 6:29

थेमे दि बात छ्या ओत? थाङबो सोलोमन गेल्‍बो थोक छ्युक्‍पु ओत्‍कीन आउदी लेमु लेमु खोलाक खोन्‍जीनोङ होदि मेन्‍दोकज्‍यीक छेदोङ लेमु थोङा मेतान।

मर्कूस 11:24

थोगी ङा ख्‍योकोनला च्‍यि सिते सासीन ख्‍योकोनगी प्रार्थना खित्‍जीन परमेश्‍वरताङ नाङ खाबाते पक्‍काराङ ङेत्‍क्‍यो सिन छ्याःङ शंका माक्‍यासीन जे नाङ खासीनोङ दाक ङेत्‍क्‍यो।

मर्कूस 13:37

ङे खेराङ मालिक नाम ओङगीताना सिन गुला देत साबाते ख्‍योकोनलाकामा साबाते मेन। दि बात ङे ज्‍येन गाङेलाङ साबाते ईन,” सिन सिदुक।

लूका 11:10

च्‍यिला सासीन नाङ खित्‍कान गाङेला थेकी तेरग्‍यो। छोल्‍कान गाङेकी ङेत्‍क्‍यो। थोकराङ खाला गो पेत्‍ला नाङ सिरकान्‍तेबालाङ परमेश्‍वरगी नाङने स्‍योक सिओ।

यूहन्‍ना 14:13

थेमे ख्‍योकोनगी ङे मिन लाकीन नाङ खाबाते जे कुरोङ ङा तेरग्‍यो। ङा फुज्‍युङगी दोक खानामेई आबा चुक छ्ये ईन्‍दे सिन ख्‍योकोनगी छ्या स्‍येक्‍यो।

यूहन्‍ना 15:16

ख्‍योकोनगी ङाला छाने खाबाते मेन। ख्‍योकोनगी लेमु लेमु काम खिता थुप्‍स्‍यीत थेमे ख्‍योकोनगी खाबाते दोक्‍ते काम नोमुङ खेरो मोन्‍डोस्‍यीत सिन ङेका ख्‍योकोनला छाने खाबाते ईन। ख्‍योकोनगी ङे खित ज्‍युता चाला च्‍योकराङ खानामेई ङे मिन लाकीन आबाताङ जे नाङ खासीनोङ थेकी ख्‍योकोनला तेरग्‍यो।

यूहन्‍ना 15:7

ख्‍योकोन ङात्ताङ डिगीनराङ देत्‍सीन थेमे ङे लापाते बात ङेन्‍गीन देत्‍सीन खेराङला जे नाङ सिरा सेम लाङगीदुक परमेश्‍वरला नाङ सि। थेकी ख्‍योकोनला दाक तेरग्‍यो।

यूहन्‍ना 4:10

थे फेम्‍मे मिकी थोक सानामेई थेकी “परमेश्‍वरगी च्‍यि तेरगीते सिन खुई छ्या स्‍येबा ईन्‍सीन थेमे थाल्‍ला खोल्‍ला छ्यु नाङ सिरकान्‍ते सु ईन्‍दे सिन छ्या स्‍येबा ईन्‍सीन खुईका ङाला छ्यु थुङा नाङ सिरच्‍या ओतान। थेमे ङा खोल्‍ला जुनी ङेत्‍च्‍येते छ्यु थुङा तेरच्‍या ओतान,” सिन सिदुक।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

२ कोरिन्‍थी 6:2

परमेश्‍वर बातला परमेश्‍वरगी च्‍यि साबा ओते सासीन “ङाराङगी ख्‍योकोनला लेमु खिता फाप्‍च्‍ये बेलाला ङे ख्‍योकोन बिन्‍ती ङेन्‍गीन लेमु खाबान। ङे ख्‍योकोनला पापताङ दुक्‍पादुकी डेला फाप्‍च्‍ये बेलाला पापताङ दुक्‍पादुकीङ टालान,” सिन साबा ओत। ङा ख्‍योकोनला च्‍यि सिते सासीन परमेश्‍वरगी लेमु खित्‍च्‍येते थेमे पापताङ दुक्‍पादुकी डेल्‍च्‍येते समय थरिङोलाराङ ईन।

हिब्रू 11:6

परमेश्‍वरला छ्या स्‍येबा छोल्‍कान्‍ते मिकी परमेश्‍वर पक्‍काराङ ओत थेमे थे सु ईन्‍दे, चुक खिते सिन पक्‍काराङ खाला छ्या स्‍येबा छोल्‍कानला थेकी लेमु खिओ सिन थेला विश्‍वास खिताराङ फाप्‍क्‍यो। होदोकराङ खाला थेला विश्‍वास खित्‍कान्‍ते मि थेला मन परे खिओ। होदोक खाला थेला विश्‍वास मिक्‍किकान्‍ते मिचेन थेला मन परे मिक्‍किओ।

हिब्रू 4:16

थोगी शैतानगी दुक्‍पा तेरा छोल्‍जीन ङुरूङ छ्याःङ ज्‍यीबा मिक्‍किता खाला मद्धत नाङ सिन परमेश्‍वर दोन्‍दु ड्वा फाप्‍क्‍यो। परमेश्‍वर ङुरूङला दया खित्‍कान्‍ते ईन्‍देकी जहिलेङ थेकी ङुरूङला ङिङज्‍ये खाला मद्धत तेरग्‍यो।

याकूब 1:5

थेमे ख्‍योकोन सुइँदाला च्‍यि खित्‍च्‍ये, चुक खित्‍च्‍ये सिन छ्या मेते बेलाला चुक खित्‍च्‍ये सिन बुद्धि नाङ सिन परमेश्‍वरताङ प्रार्थना खि। दोक खानामेई मिओनला लेमु खित्‍कान्‍ते ईन्‍देकी थेकी छ्याःङ दुक्‍स्‍यी मिक्‍किता खाला खेराङला गोबाते बुद्धि तेरग्‍यो।

याकूब 5:15

थे मि ठाइओतराङ सिन थेला विश्‍वास खाईन प्रार्थना खानामेई प्रभु परमेश्‍वरगी थे मिला ठाक ज्‍युत्‍क्‍यो। थे मिकी खइँदा पापराङ खाबा ओत्‍सीनोङ थेकी थेला माफ तेरग्‍यो।

१ यूहन्‍ना 3:22

थेमे ङुरूङगी जे नाङ सासीनोङ परमेश्‍वरगी दाक तेरग्‍यो। च्‍यिला सासीन ङुरूङ थेकी खि सिन कोताते ङेन्‍ग्‍यो थेमे थेला मन परे खित्‍च्‍येते काम खिओ।

छ्या स्‍ये च्‍युताते बात 2:24

थेमे थिआटीरादु देत्‍कान्‍ते ज्‍येनगी च्‍योक मिक्‍किकान ख्‍योकोनलाचेन ङा खेराङगी खिन ओताते लाक्‍तु ज्‍येन ल्‍हाक्‍पा दुक्‍पा मेतेरो। ख्‍योकोनचेन ज्‍येन च्‍योकराङ जिजेबेलगी साबाते बात मेङेन्‍कान्‍ते थेमे कोई कोई मिकी साबाच्‍योक शैतानगी कोई कोई मिलाकामा छ्या स्‍ये ज्‍युत्‍च्‍येते बात मेङेन्‍कान्‍ते मि ईन।