लूका 11:19 - जिरेल

¹⁹ ख्‍योकोनगी साबा च्‍योकराङ ङे बालजिबुल शक्तिदुकी ल्‍हन्‍डीक तेन्‍ला तोङच्‍येते ईन्‍सीन खेराङ मिओनगीचेन सुई शक्तिदुकी थोक खिका याङ? थेबेकी परमेश्‍वर शक्तिदुकीराङ ल्‍हन्‍डीक तेन्‍ला तोङच्‍येते ईन सिन ख्‍योकोन सिओ, मेनरो? थोगी होथे खेराङ मिओन बात विचार खालाराङ ख्‍योकोनगी ङे बालजिबुल शक्तिदुकी ल्‍हन्‍डीक तेन्‍ला तोङच्‍येते ईन साबाते बात ईनराङ मेन सिन छ्या स्‍येक्‍यो।

लूका 11:19 ပူးပေါင်းရင်းမြစ်များ

मत्ती 10:25

जे ईन्‍सीनोङ गुरूतेला जस्‍तो ओङगीदुक चेलातेबालाङ थोकराङ ओङगो। थेमे मालिकतेला ओङा च्‍योकराङ योक्‍पोतेलाङ ओङगो। खाम्‍बे धनीलानी विरोध खिन बालजिबुल सिन शैतान मिन्‍तोक तासीन थे खाम्‍बे मिओनलानी झन चुकका साओङा।

मत्ती 4:24

थेकी खाबाते दि कामगी बाततेबा सिरिये लुङबा खाङोङ फैले खासुङ। थेमे मिओनगी थरी थरी रोग लै खाईन नाबाते मिओन, ल्‍हन्‍डीक खोबातेबा, जा लाङकान्‍तेबा, कुज्‍येतेबा गाङेला ठाक्‍पा खाला तेरस्‍यीत सिन थे ओत्‍सादु क्‍याल्‍सुङ। थेमे थेकी थे मि गाङेला ठाक्‍पा खाईन बिन्‍सुङ।

लूका 19:22

थेकी थोक सिरजीन थे गेल्‍बोकी ‘खो चुक मेलेबा मि ओता ईन्‍दाका। खुई खेकी खित्‍सादु ङा खोल्‍ला सजाय तेरग्‍यो। ङाचेन ङाराङते ईनराङ मेन्‍दातेङ ङाराङगी ङेत्‍च्‍या जोकान्‍ते थेमे ङाराङगी लै माक्‍याबाते बालीनालीङ रूक्‍कान्‍ते खोक्‍पोते मि ईन सिन खोल्‍ला छ्या ओतानरो?

लूका 9:49

थेमे यूहन्‍नेकी थेला “गुरू, मिज्‍यीगी खुई मिन लाला मिओनला खोबाते ल्‍हन्‍डीक तेन्‍ला तोङगीन ओता ङ्योकोनगी थोङसुङ। थे ङुरूङताङ ख्‍याम्‍कान्‍ते मि मेन्‍देकी ङ्योकोनगी थेला येशू मिन लाला खुई दोक खिता मेङेदो सिन ङाराप,” सिन सिदुक।

शक्ति काम 19:13

थेमे थे बेले नाङपाराङ थेङला गाङेपा युला ल्‍हन्‍डीक तेन्‍ला तोङकान्‍ते यहूदीओनोङ ओतान। थेबेकीङ प्रभु येशू मिन लाला ल्‍हन्‍डीक खोबाते मिओन नाङदुकी ल्‍हन्‍डीक तेन्‍गीन तोङा चाल्‍सुङ। थोक खित्‍जीन थेबेकी “पावलगी लोप्‍च्‍येते येशू मिन लाला ङ्योकोन खोल्‍ला दि मिला ताङला ग्‍युक सिन कोत्‍क्‍यो,” सिन ओतान।

रोमी 3:19

थेमे परमेश्‍वर नियमला खि साबाते बातबरी थे नियम ङेताते मिओनला खि साबाते ईन सिन ङुरूङला छ्याराङ ओत। थोक ईन्‍देकी ङे छ्याःङ गल्‍ती खाबा मेत सिन सुङगीङ सिरा मेङेदो। दि सा लुङबे मि गाङे दोषीराङ ईन्‍देकी गाङेकी परमेश्‍वर सजाय ङेत्‍क्‍यो।